Tropela.eus bloga

Kaiku taldeko txirrindulari nafarrak bere taldearen aurtengo lehen garaipena lortu du Portugalen, Santaremgo Itzulian.

2. etapa honen amaiera aldapa gora izatean tropeleko esprinter nagusien ezin izan dute beraien potentziaz baliatu eta azkenean Jonek aurre hartu die tropeleko guztiei. Ea Espainiako Itzulian parte hartzeko gonbiterik gabe geratu ondoren garaipen onek animuak berpizten dizkien talde euskalduneko txirrindulari eta kide denei.

Garaipen honekin, berriz ere argi geratu da Unipublic-ek hartutako erabakia – Kaiku Espainiako Vueltara ez gobidatzea – ez dela kirol arloan oinarritu. Aupa Kaiku!

Aspaldidanik entzun dut ortzadar maillota soinean daraman gizonak denboraldi horretan ez duela arrakastarik lortzeko modurik izaten.

Egia esateko ez dakit noiztik eta nondik datorren kontu hau, baina egia da azken urteetan, gehiago edo gutxiago, maldizio hori bete dela. Astarloak Kanadan irabazi ondoren, Freire bere lesioekin… baina aurtengo honetan marka guztiak hautsi ditzakeen txirrindulari baten soinean dagoela uste dut. Kontua oker ez baldin badut, Tom Boonenek 10 garaipen lortu ditu dagoeneko, eta denboraldia ez da hasi besterik egin!!!! Egia da oraindik berak esandako helburu nagusiak ez direla iritsi eta horiek pasatakoan egin beharko dugula balantzea baina ortzadar maillota norbaiten bizkarrean ondo badago, belgikar gazte honen bizkarrean dagoela iruditzen zait. A zer txirrindulari puska!!! Ba al da hau baino txirrindulari hoberik zuentzat?

Jakina da tropelean diru kantitate oso desberdinak mugitzen dituzten taldeak ditugula. Ezin daitezke konparatu adibidez Quick Step, CSC, Discovery edo T-Mobile taldeen diru indarra, askoz ere apalagoak diren Bouygues, FDJ edo AG2R taldeenekin eta hori epe luzera, garaipenak lortzerako orduan, nabarmentzen da.

Hala ere, denboraldi hasiera honetan behintzat diru alde hori ez da gehiegi nabarmendu, agian Quick Step taldearen kasua ezik. Jakina da betidanik klasikoetarako talde zoragarria izan dutela, baina aurtengo denboraldi hasiera ez da hobetu erraza. Jakina, Tom Boonen eta Paolo Bettini talde berean edukitzearen abantailak ditugu horiek. Ez ahaztu hala ere, talde berekoak direla Nuyens gaztea, Pozzato, Garate edo ekainetik aurrera Rujano bezalako txirrindulariak. “Talde indartsuak ezkutuan” irakurtzen jarraitu

Patxi Vila (Lampre) nafarrak Paris-Niza lasterketako hirugarren etapa eskuratu du. Eta ez da edozein etapa, Paris-Niza irabazi nahi zuenak gaur aurrean ibili beharra zuen. Berako txirrindulariak eta Floyd Landisek (Phonak) azken mendian aurrera egin dute, bien arteko esprintean Patxi izan da garaile. Estatubatuarrak, aldiz, lidergoa hartu du eta Vila bigarren dago sailkapen orokorrean, 9 segundura.

Vilak 30 urte dauzka eta 2001. urtetik profesional mailan korritu du. Gaurkoan, bere lehen etaparen garaipena eskuratu du. Bagenuen gogoa Patxi helmugan eskuak jasotzen ikustekoa! Zorionak!
Bestalde, Samuel Sanchez (Euskaltel-Euskadi) hirugarren izan da eta Haimar Zubeldia zazpigarren sailkatu da.

Dakizuen bezala, Firefox kode irekiko internet nabigatzailea dugu, eta horri eskerrak, hainbat hizkuntzen artean euskarazko bertsioa ere euskaragarri dago. Bada nabigatzaile hau erabiltzen dugunon kopurua gehitzen ari da. Hala adierazten dute W3Schools erakundeak dituen datuek.

Iazko otsailetik %7,2an igo da Firefox erabiltzaileen kopurua eta Microsoften Internet Explorer 6ak %4,4a galdu du. Hala eta guztiz ere Internet Explorer 6a nagusi da %59,5arekin. Firefoxek, aldiz, %25,1eko erabiltzaile kopurua du.
“Firefox nabigatzailearen erabiltzaile kopurua gora doa” irakurtzen jarraitu