Haimar Zubeldiak Tour de l’Ain-eko prologoa irabazi du

Haimar Zubeldia erlojuaren aurka3km-ko prologoa jokatu da gaurkoan d’Ambérieu-en-Bugey herrian, Lyon hiritik 56 kilometrora. 106 txirrindularik hartu dute irteera eta usurbildarra izan da herri barruko ibilbidea gauzatzen azkarrena. Zorionak Haimar!!

Donostiako Klasikoan indartsu ikusi genuen Haimar Zubeldia eta oraindik hala dagoela dirudi. Gadret, Voeckler edo Pinotti bezalako arerio gogorrak menderatu beharko ditu itzuli hau irabazi nahi badu. Prologo honez gain beste lau etapa jokatuko dira. Erabakigarrienak ostiral eta larunbatean jokatuko direnak izango dira, bereziki larunbatekoa. Azkeneko etapan Colombier gain ezaguna igo beharko dute.

Haimar Zubeldia RadioShack-eko taldeburu bezala arituko da Tour de l’Ain-en. Berari laguntzen Markel Irizar euskalduna ere izango da. Hala ere ez dira bi hauek itzuli honetan arituko diren euskaldun bakarrak; Pierre Cazaux Francaise des Jeux taldeko donapalearra ere bertan ari baita.

Ia Haimar itzuli hau irabazteko gai den. Animo Haimar!!

Denboraldiko asterik biribilena itxi du Euskaltel-Euskadik

samuAbuztuaren hasiera ezin hobea izan da talde laranjarentzat, benetan. Denboraldi honetan izan du taldeak une pozgarririk, hala nola Beñat Intxaustiren hirugarren postuarekin Euskal Herriko Itzulian, Gorka Izagirreren garaipenarekin Luxenburgoko Itzulian, Samuel Sanchezek eginiko Tour onarekin… Baina Burgosko Itzulia benetan bikaina izan da.

Koldo Fernandez de Larreak irabazi zuen lehen etapa; Samuel Sanchez nagusitu zen bigarrenean eta asturiarrak azken etapa eta sailkapen nagusia etxeratu ditu. Lagunas de Neilako gainean bukatu da azken etapa eta itzulia erabaki. Euskaltelek oso erritmo gogorra jarri du Caruso liderra itotzeko, eta baita lortu ere. Igor Antonek aurrera egin du aurrena, eta min handia egin du, taldea asko murriztu delako. Azken kilometroko pankartapetik, hiru ziklista pasatu dira elkarrekin: Samuel Sanchez, Ezequiel Mosquera eta Vincenzo Nibali. Italiarra baina, atzean geratu egin da azken aldapatzarran, eta azkenean Samu eta Mosquera lehiatu dira etapa eta itzulia irabazteko –berdinduta zeuden biak sailkapen nagusian-. Asturiarra azkarragoa izan da eta besoak altxatu ditu helmugan. Mosquera bigarren iritsi da eta Nibali, hirugarren. Samuel ez da Espainiko Itzulian egongo, baina hasiera batean behintzat, Mosquerak eta Nibalik parte hartuko dute. Itzulia hasteko hiru asteren faltan, sasoian daudela erakutsi dute espainiarrak eta italiarrak. Burgosen etapak eta sailkapen nagusia bakarrik ez; Samuel Sanchez datozen bi denboraldietarako lotu du Euskaltel Euskadik. Esandakoa, denboraldiko aste onena.

Fernandez de Larreak irabazi du Burgosko Itzuliko lehen etapa

08_koldo_fren_ndez_in_the_ascent_600

Ezin hobeto hasi da Burgosko Itzulia Euskal Herriko txirrindularientzat. Euskaltel Euskadiko Koldo Fernandez de Larreak irabazi du lehen etapa, esprintean. Burgosko Itzuliak beste lau etapa ditu. Gauzak ondo, ostegunekoa eta larunbatekoa esprintean bukatuko dira, ihesaldi batek tropelari iskin egiten ez badio behintzat. Giltzarriak ostiraleko eta igandeko etapak izango dira. Ostiralean 20 kilometro pasatxoko taldekako erlojupekoa izango da eta igandean etapa nagusia izango da; Lagunas de Neilako mendatean bukatuko da.
Parte hartzaileen aldetik, tropel polita erakartzea lortu dute antolatzaileek sailkapen nagusiari begira. Euskaltel Euskadik, adibidez, Samuel Sanchez, Igor Anton eta Romain Sicard eraman ditu. Kontuan izan beharreko beste izen batzuk egon badaude, hala nola, Liquigaseko Vicenzo Nibali italiarra –hirugarrena bukatu zuen Italiako itzulia ziklista gazteak- eta talde horretan bertan morrontza lanak egin ohi dituen Oliver Zaugg suitzarra.
Stefano Garzelli beteranoa ere gertutik zaindu beharko dute azken eguneko aldapan. Baita Ezequiel Mosquera eta Juanjo Cobo espainiarrak eta Botcharov errusiar ttikia ere. Giroan maglia arrosa jantzita Mortiroloko etapara arte iraun zuen txirrindularia ere, David Arroyo, partaideen zerrendan dago.

Argazkia: Monika Prell. cyclingnews.es

Luis Leon Sanchez, Donostian garaile

sirottiCaisse d’Epargne taldeko Luis Leon Sanchez espainiarrak eskuratu du Donostia-Donostia klasikoa, azken metroetan iheskideak, Astanako Alexander Vinokourov eta Cerveloko Carlos Sastre gaindituta. Jaizkibel eta Arkale bi aldiz igota, sakabanaketa aurreko urteetan baino nabariagoa izan da.

Juanma Garatek, Gorka Verdugok eta Jose Ivan Gutierrezek gatza eta piperra jarri zioten lasterketari Jaizkibel bigarrenez ekin aurretik. Jaizkibeleko maldak iristean hasi ziren tropeleko kideen erasoak. Giroan horren ondo ibilitako Richie Porte australiarrak jo zuen aurrera eta tropela asko sakabanatu zen. Aurretik, Samuel Sanchezek, Alexander Vinokourovek, Purito Rodriguezek, Carlos Sastrek eta Nicolas Rochek egin zuten aurrera eta haiekin bat egiten ahalegindu zen Haimar Zubeldia. Robert Gesink, Hesjedal, Porte eta beste txirrindulari batzuk aurrekoekin lotzekotan zirela, Jaizkibelgo gaina harrapatzeko kilometro inguru falta zela, atzeko talde horretatik Luis Leon Sanchezek jauzi egin zuen eta haren atzetik Sastre eta Vinokourov baino ez ziren atera. Hirurak elkartu ziren jaitsieran, eta aurrera egin zuten; Irungo tarteko helmugan 37 segundoko tartea pilatu zuten.

Luis Leon Sanchezen erasoaHelmugatik 20 bat kilometrora azken aldapa gogorra igo zuten, Arkale, eta bertan aurreko hirukoteko inork ez zuen erasorik jo. Atzeko taldetxoan Gesinkek oso erritmo gogorra jarri zuen eta aurreko hiru ziklisten aldea pixka bat jaitsi zuen: 20 segundora. Gesink, Haimar Zubeldia, Hesjedal, Roche Sanchez eta Purito zebiltzan aurrekoak harrapatu nahian.

Hurbildu bai, baina harrapatu ez. Mirakruz gainak ez du normalean erabakigarria izaten, baina Vinokourovek eraso gogorra jo zuen, bakarrik helmugaratu nahian. Luis Leon Sanchezek Astanako txirrindulariaren gurpila harrapatu zuen, kostata hori bai. Sastrek, ordea, amore eman zuen. Hala eta guztiz ere, azken kilometroan Vinokurov eta Sanchez elkarri begira hasi eta Sastrek haiekin bat egin zuen berriz ere. Hiruren arteko azken esprintean Luis Leon Sanchez espainiarra nagusitu zen, Vinokouroven eta Sastreren aurretik. Haimar Zubeldia, Tourrean parte hartu ez badu ere, sasoian dago eta laugarren iritsi zen helmugara.

Caisse d’Epargne taldeko beste ziklista batek irabazi zuen lasterketa duela bi urte: Alejandro Valverdek.

Argazkiak: Sirotti (Cyclingnews.com) eta Mikel Mollinedo

Contadorrek taldez aldatzea erabaki du

Contador

Kontrakoa esaten jardun bada ere, azkenean Astana taldea alde batera utzi eta besteren batera doa. Pintoko pistoleroa ez al zegoen ba gustura Astanan?

Zurrumurruen arabera egungo Saxo Bank taldera joango da. Dakizuen bezala aldaketak izango dira Riisek zuzentzen duen taldean. Alde batetik Schleck anaiak taldea utziko dute Luxenburgoko talde berri bat osatzeko. Bestalde Saxo Bankek taldea babestea aurten amaituko dela jakin zen.

Kontextu honetan, Riisek babesle berri bila eta txirrindulari izarren baten bila aritu da. Eta biak aurkitu ditu. Contador izan daiteke txirrindulari hori eta babeslea Spezialized, Contador eta Saxo Bankeko patrozinatzailea.

Hau konfirmatzen bada hurrengo urtean Spezialized talde berri hau ‘dream team’a izan daitekeela dirudi, Tourrerako Contador eta klasikoetarlako Cancellara.

Nire ustez Contador Astanan espero baino okerrago izan da eta ez da hain eroso izan Vinokourovekin talde berean. Hori bai, bere konfidantzako txirrindulariak eta lantalde berarekin izango dira.