# 178 Tropela.eus podcastak: 2017ko Italiako Giroa errepasoak – 14. etapa

Egoitzek (@elizaso) 2017ko Italiako Giroaren 14. etaparen mini podcast hau prestatu du. Bertan nola Dumoulin (SUN) Oropako gainean etapa garaipena lortu eta lidergoa sendotzeko gai izan den  kontatzen digu. Mikel Landa (SKY) ere faboritoen artean izan dela ere nabarmentzen du.

#175 Tropela.eus podcastak: 2017ko Italiako Giroa errepasoak – 11. etapa

Egoitzek (@elizaso) 2017ko Italiako Giroaren 11. etaparen mini podcast hau grabatu du. Bertan nola egun guztian protagonista izan eta gero Omar Frailek (DDD) etapa garaipena lortu duen kontatzen digu. Horretaz gain Mikel Landa (SKY) errekuperatu bat eta sailkapen nagusikoak nola ikusten dituen kontatzen digu.

#171 Tropela.eus podcastak: 2017ko Italiako Giroa errepasoak – 8. etapa

Egoitz (@elizaso) arduratu da 2017ko Italiako Giroko 8. etaparen mini podcast hau grabatzeaz. Podcastean Gorka Izagirrek (MOV) garaipen garrantzitsu hau nola lortu duen kontatzen du baita Mikel Landaren (SKY) mugimendua aztertu ere.

Amets Txurrukak Taiwan Cup 2010 irabazi du

Amets Txurrukaren garaipena Taiwanen

Berriki jokatu da Taiwan Cup 2010. Mundu mailako txirrindulari onenek 6km kriterium bat eta 210km-tako bide lasterketa bat ziren jokatzekoak, baina tifoi batek irla asiarreko planak aldatzera eraman ditu antolatzaileak. Eguraldia hobetu denean lasterketa motz baina gogorra antolatu dute Ametsek berak dioen bezala.

Hemen gehitzen dizuet Ametsek hitzetan etaparen nondik norakoak. Zorionak Amets!!

Amets Txurrukaren kronika Taiwanetik

“Badirudi tifoiak atseden hartu duela (“Taichung” inguru honetan behinik behin) eta horrenbestez guri egokitu zaigu atsedena eten eta lanean hastea! Esan bezala atzo laku inguruan bueltatxo bat eman ondoren Orbeak Taiwanen daukan ordezkariarekin ibili ginen inguruak ezagutzen. Berak ezagutarazi zigun, gaurko egunerako, antolakuntzak “Taiwan Cup”-ari alternatiba bat eman nahi ziola eta agian irla honetako mendaterik altuenera igoera antolatuko zutela. Bai antolatu ere! 700m tan atera eta 3275m arte igotzen duen mendatera igoera antolatu dute: hau mendatetzarra! “Wu-ling” mendatearen hasierako kilometroak nahiko etzanak dira baina gerora edarto gogortzen dira eta oxigenoa faltan nabaritzen den 3000m gorako altuera horretara iristeko 52km egin beharra dago! Azken kilometroak errepide estua dela eta antolatzaileek 2200m inguruan jarri dute helmuga eta bertan saritxo batzuk ere bai. Ez da hasieran pentsatuta zuten lasterketa baina egoera nolakoa izan den ikusita irtenbide gogor bezain polita. Esandako hasierako kilometrotan eraso saiakerak ugariak izan badira ere, maldan gora egin beharreko kilometro mordo horrek erabaki du gora iristeko ordena. Igoera erdi aldera Tadej Valjavec, frantziar igotzaile gazte bat eta hirurok geratu gara buruan. Hemengo Orbeako ordezkari eta nire abenturakide Xeberren animoekin aurrera jo eta Taiwan Cup-eko pankartapean lehendabizi pasatzea lortu dugu. Munduaren bestalde honetara arte etorri behar pankartape batean lehendabiziko pasatu ahal izateko? Hau da marka gero! Valjavec iritsi da bigarren eta frantziarra ondoren. Sariak jaso ondoren, puntu horretatik gorengo puntura arte zer geratzen den ikustera joan gara kotxez eta ikaragarria nolako gogorra den ditxosozko “Wu-ling” hau! Interesgarria bestalde, 3000m-tik gora nolako landaredia dagoen oraindik, dena berde berdea! Klima sub-tropikal honek paisaia ikusgarriak eskaintzen ditu mendate garai horietatik! Indarrak berreskuratzeko, berriz ere, dozena bat plater inguruko jatordu ederra egin (platerak txikitxoak dira, ez pentsa, eh!) eta turismoa egiteko prest gara! Bizikleta “Art Ticiano Lin” (Orbea Taiwaneko) gure lagunari entregatu eta bera konpondu dadila aurrerantzean! Orain bai, oporretan gaude eta eguraldiak ere errespetatzen gaituenez azkenera arte disfrutatzen saiatuko gara!

Amets Txurruka”

Argazkia: Fundacioneuskadi.com