Txirrindulariak – 10 orrialdea

#480 Tropela.eus podcastak: 2021eko Italiako Giroa errepasoa – 12. etapa

Vendramek (ACT) irabazi du Giroko 12. etapa

Ibilbideak hautagai nagusien artean denbora tarteak ateratzeko aukera eskaintzen bazuen ere, berriro ere ihesaldiak bidea egitea lortu du aurtengo Giro honetako 12. etapa honetan. Hamalau bat laguneko ihesaldia izan da, baina etapa biren artean erabaki dute: Vendrame (ACT) eta Hamilton (DSM). Azkenean azkarrena Vendrame izan da eta berak eraman du etapa. Sailkapen nagusian aldaketarik ez Solerrek (MOV) erorikoa izan eta etxerako bide hartu beharrean izan dela salbu.

Gaurko etapak eta biharkoak eman dezakeenaren ingurukoak bildu ditu Egoitz Lizasok (@elizaso) podcast berri honetan.

#479 Tropela.eus podcastak: 2021eko Italiako Giroa errepasoa – 11. etapa

Schmid (TQA) gazteak lortu du Giroko 11. etapan garaipena

Sterratoko etapa izan da hamaikagarren hau. Bertan ihesaldiak behar besteko abantaila izan du etaparen lehian izateko. Bi gazte izan dira protagonista bertan, Covi (UAD) eta Schmid (TQA), non azken honek garaipena lortu duen. Sailkapen nagusian ere lehia izan da eta Bernal (IGD), liderra, guztien gainetik gailendu da.

Honen eta biharko 12. etapak eman dezakeenaren inguruan aritzen da Egoitz Lizaso (@elizaso) podcast berri honetan.

#477 Tropela.eus podcastak: 2021eko Italiako Giroa errepasoa – 9. etapa

Bernalek (IGD) etapa garaipena eta maillota lortu ditu

Atzoko etapa, esterratan amaiera zuena, faboritoen probetsi zuten sailkapen nagusian denbora tarteak ateratzeko. 9. etapa honetan, Bernalek eman zuen erakustaldian azken kilometroetan inork ez jarraitzeko moduko erasoaldia emanda. Etapa garaipena eta maillot arrosa eskuratu zituen kolonbiar gazteak.

Honen eta gaurko 10. etapan eman dezakeenaren inguruan aritzen da Iban Perez (@piban) podcast berri honetan.

#475 Tropela.eus podcastak: 2021eko Italiako Giroa errepasoa – 7. etapa

Ewanek (LTS) Giro honetako bigarren etapa garaipena lortu du

Australiako esprinter txikiak bere Giro honetako bigarren garaipena lortu du. Ewanek (LTS) horrenbestez, bigarren etapa irabazteaz gain, bihar erregulartasunaren maillota ere eramango du. Bere atzetik sailkatu dira Cimolai (ISN) eta Merlier (APC). Sailkapen nagusian aldaketarik ez eta Valter (GFC) gazteak jarraitzen du lider.

Gaurko etapaz eta biharkoak eman dezakeenaz aritzen da Egoitz Lizaso (@elizaso) podcast berri honetan.

Podcastera harpidetu

#474 Tropela.eus podcastak: 2021eko Italiako Giroa errepasoa – 6. etapa

Mäderrek (TBV) lortu du Giroko 6. etapan garaipena

Beste etapa menditsu bat izan da aurtengo Italiako Giroko 6. etapa. Ihesaldiak bidea egitea lortu eta Mäderrek (TBV), Mikel Landaren taldekideak, etapa garaipena lortu du. Faboritoen artean Bernal (IGD), Dan Martin (ISN) eta Evenepoel (DQT) azaldu dira indartsuen.

Lider aldaketa izan da izan ere De Marchik (ISN) tropel nagusiarekiko atzeratuta zen jada kilometro askoren faltan eta orain maillot arrosa Valter (GFC) gazteari egokitu zaio 4. etapako ihesaldian lortutako errentari esker.

Hau eta 7. etapak eman dezakeenaren inguruan, Iban Perezek (@piban) podcast berri hau prestatu digu.