Kategoria Artxiboak:Euskaldunak

Aspaldi ez genuen ikusten Euskaltel-Euskadi horrelako erakustaldirik ematen. 2003 eta 2004 urteetako garaiak ekarri zizkidan gogora. Egia da Urkiolako Igoera ez dela garai batekoa eta ProTour mailatik oso urrun dagoela baina zaletuak gozatzeko horrelako lasterketa batzuk irabaztea inoiz ez dator gaizki. Talde laranja proba irabazteko talde sendo batekin etorri zen eta aurkari gutxi izan arren Valverde, Karpets, Ricco, Pecharroman, Serrano eta abar ere proba hori irabazteko asmotan etorriko ziren. Azken igoeraren aurretik izandako erorketak ere asko lagundu zion taldeari hautagaietako batzuk indar asko xahutu behar izan zituztelako tropelera itzultzen.

Gauzak honela Iban Mayok ez zuen aurkaririk izan Urkiolako Igoera irabazteko. Euskaltel-Euskadiko liderra gorputzaldi onean da, ezinhobean esango nuke, eta hau bai buruz eta bai hankaz ongi dagoenean geldiezina da. Eta denok dakigun bezala, liderra ongi dabilenean talde osoa ere askoz hobeto ibiltzen da eta halaxe izan zen.

Taldeko guztiek Continue reading “Euskaltel-Euskadiren erakustaldia Urkiolan”

Azken etapan ez da inolako sorpresarik egon eta igorrekoak nahiko lasai eutsi dio lidergoari. Ondorioz, berarentzat Burgosko Itzulia eta podiumera irabazlearen maillot morea eta saria jasotzera. Garaipen oso garrantzitsua punturik ahulena bezala burua duen batentzat. Iban Mayo konfidantzarekin eta buruz ongi, kontzentratuta, dagoenean edozertarako gauza da zaleok ongi dakigu.
Aurten lortzen duen 3. garaipena du eta berriz ere euskal zalegoa itxaropentsu da Espainiako Vueltari begira. Igorrekoak Vueltan parte hartuko du eta faboritoen artean jarri beharko genuke. Halere, Tourrean ikusi bezala edozertarako gauza da eta lehen astean etxera joango balitz inor ez litzateke harrituko. Continue reading “Iban Mayorentzat Burgosko Itzulia”

Gaur amaituko da Burgosko Itzuliaren 28. edizioa eta itxura guztien arabera Iban Mayo izango da garaile atzoko etapa irabazi ostean.

Neilako Lakuetan amaitzen zen atzoko etapa eta txirrindulari askok beraien saiakera burutu bazuten ere, azken igoeran Mayok egindako erritmo aldaketa gogorrak garaipena eman zion. Inork ez izan zion jarraitu eta 21 segundoko aldea atera zion bigarrenari, Soler kolonbiarrari. Sailkapen nagusian lider jarri da eta bigarrena den Jose Antonio Pecharromani 49 segundoko abantaila ateratzen dio.

Miranda de Ebro eta Burgos artean gaur jokatuko den etapan ezustekorik ezean, Mayo izango da aurtengo Burgosko Itzuliko garailea eta badirudi Continue reading “Mayo garaile Burgosko etapa erreginean”

Lehengo astean Valoniako itzulian egin zuen bezala gaur Danimarkako Itzulian lehen etapa irabaztea lortu du eta ondorioz lidergoa ere bai. Ea Valonian baino egun gehiagoan mantentzen duen lidertza.
Danimarkako Itzuliak, ordea, maila hobea du. Ikusi besterik ez dago ermuarrarekin batera bere atzetik zein saru diren: Haselbacher (Gerolsteiner) eta O’Grady (CSC). Biak esperientzia handikoak eta azkarrak.

Sailkapen orokorrean Aitor Galdos dugu lider, noski eta gainsariei esker, 4 segunduko aldea ateratzen dio Haselbacherri eta 6 segundukoa O’Gradyri.
Animo Aitor eta jarraitu horrela!! Beharbada bi garaipen hauekin talde handiagoek arreta gehiagorekin jarraituko zaituzte.

Iazkoa errepikatuz Eneritz Iturriaga (Fassa Bortolo Top Girls) aurten ere Espainiako txapelketan erlojupean irabazita etxeratuko da. Denboraldi erdia osasun arazoekin ibili da baina Italiako Giroan txukun aritu ostean aurtengo bere lehen garaipena lortu du. Gainera nahiko erraz lortu duela esan genezake uneoro denborarik onenak markatuz joan baita eta azkenean minutu bateko aldea atera baitio bigarrenari.

Cristina Alcaldek egin duen lan bikaina ezin aipatu gabe utzi, nafarrak 4. postuan sailkatzea lortu baitu.

Beste euskaldunei dagokienez, Maria Gallastegi zazpigarrena izan da, Iosune Murillo eta Leire Olaberria 12 eta 13. postuetan geratu dira eta Agurtzane Elorriaga 18.a.