Txurruka eta Azanza Euskaltel-Euskadira

Amets TxurrukaEuskaltel-Euskadi taldea datorren urterako txirrindulariak lotzen hasi da. Gaur bertan Kaiku taldeko Jorge Azanza eta Barloworld taldeko Amets Txurrukaren fitxaketak itxita daudela adierazi dute. Bestalde, Gorka Verdugori beste bi urtez luzatu diote kontratua beraz, 2008ra arte etxeko taldean arituko da.

Ea etxeko talde laranjak fitxaketa (eta ez fitxategi) on batzuk egin eta taldea sendotzeko aukera duten, hor zehar, beste taldeetan sakabanatuta dauden euskal txirrindulariekin benetako talde indartsua egin baitaiteke. Hori bai litzatekeela benetako euskal selekzioa!!

Fitxaketak hasi dira. Ea zenbat datozen eta zenbat doazen. Gainera, gogoratu Haimar Zubeldia eta Iban Mayoren kontratuak ere aurten bukatzen direla. Samuel Sanchezek ere aurten bukatzen zuen baina luzatu zioten duela egun batzuk.

Aitor Galdosentzat etapa eta lidergoa

Galdosen garaipenaGaur hasi da Valoniako eskualdeko itzulia eta lehen etapa esprintean amaitu da. Esprintak, ordea, bazuen bere mamia azken metroak aldapa gorantz baitziren eta azken metro horietan indartsuena, iaioena eta azkarrena Aitor Galdos (Panaria) ermuarra izan da.

Bizkaitarrak lortzen duen bigarren garaipena da profesionaletan baina hau garrantzitsuagoa dela esan genezake. Lehen etapa izaki, maillot horia ere jantzi ahal izango du bigarren etapan. Bere atzetik oso jende ezaguna sartu zen, beraz, ea garaipen honek talde sendoago batera jauzi egiteko aterik zabaltzen dion. Zorionak Aitor eta segi horrela!

Pedro Horrillo garaile Sajonian

Horrillo irabazleAtzo aspaldiko partez euskaldun batek beste garaipen bat poltsikoratu zuen. Sajonian, Pedro Horrillo ermuarrak azken kilometroetan bere iheskideei aurre hartu zien eta lehen etapa irabazteaz gain lidertzan jarri zen. Rabobank taldearen eguna borobiltzeko Kolobnev taldekidea sartu zen helmugan euskal txirrindulariaren atzetik. Ez da Uci ProTourreko lasterketa bat baina Discovery, T-Mobile, Rabobank eta beste talde indartsu batzuk ari dira bertan parte hartzen.
Gaur ezin izan dio liderraren maillotari eutsi, talde estrategiak direla medio, bigarren zihoan bere taldekidea jarri baita sailkapen buruan.

Zorionak Pedro eta segi horrela!!

Mikel Artetxerentzat Asturiasko 4. etapa!

Asturiasko Itzulia 2006Asturiasko Itzuliko 4. etapa eguraldi oso kaskarrarekin egin behar izan zuten, euripean. Horrek lasterketa asko gogortu zuen eta borroka askoren ondoren ihesaldiko gizonek tropelarekiko abantaila txiki batekin iristea lortu zuten. Iheskideen artean azkarrena larrabetzuarra izan zen. Zoronak Mikel!!

Denboraldia talderik gabe zela hasi zuen eta bere talde berriarekin, 3 Molinos, sinatu zuela hilabete besterik pasa ez den arren helmugan besoak altxata sartzeko aukera izan du. Forman dugu euskalduna eta bere abiadurari esker urteko lehen garaipena bere zakura. Ea zortea duen eta gauzak ongi irteten zaizkion!

Asturiasko Itzulia nahiko emankorra izan da euskaldunontzat. Hirugarren etapa, Euskaltel-Euskadi taldeko Samuel Sanchez asturiarrak irabazi baitzuen. Sailkapen nagusian euskaldunik onena Amets Txurruka gaztea (Barloworld) izan dugu 9. postuan. Zorionak Ametsi ere, Tropela.net-eko jarraitzaile sutsuari, lan bikaina egiten ari baita profesionaletako bere lehen urtean.

Koldo Gilen erakustaldia Suitzan

Gil SuitzanA ze erakustaldia burlatarrak Suitzako itzuliko 6. etapan eman duena. Suitzako mendi garaietan oilarren borroka hasi denean hortxe egon da Koldo Gil, burua hotz. Unerik aproposenean erasoa jo eta bakarrik ekin dio maldaren azken kilometroei. Aurretik zihoazenak harrapatu, gailurrera heldu eta ziztu bizian jeitsi ditu helmugarako geratzen ziren kilometro apurrak. Etapa eta lidergoa berarentzat. Nafarraren atzetik Jorg Jasche eta Jan Ullrich izan dira indartsuenak.

Hiru hauen artetik irtengo da aurtengo Suitzako itzuliko garailea. Ea Saunier Duvaleko txirrindulariak besteekiko abantaila zertxobait handitzen duen, igandeko erlojupekoan maillot horia galdu nahi ez badu.

Lan bikaina Koldorena. Ea bukaera ezin hobea ematen dion egindako lanari.