Txirrindularitzako Xerez

niemiecPrzemyslaw Niemiec kirolaria dela esanda, txirrinduzale askok ez luke jakingo gizaseme poloniar baten inguruan hitz egiten ari garenik, ezta txirrindularia denik ere. Baina Przemyslawek badaramatza urte batzuk pedalei eragiten, gero eta indar gehiagoz. Futbolarekin paralelotasun bat eginda, txirrindularitzako Xerez bat dela esan genezake. Urteak joan eta urteak etorri, bigarren mailako lasterketetan maila aparta eman izan du, baina beti beste bat da gorengo mailara jauzia egiten duena. Kontua da Xerezek aurten Lehen Mailarako txartela lortu duela, eta poloniarrak oraindik ez, nahiz eta garaipen onak pilatzen ari den.

Przemislaw Niemiecek argi zeukan txirrindularia izan nahi zuela. Baina Oswiecimgo lurralde hotzetan etorkizuna ez da oso oparoa. Polonia lurralde hotza da, entrenatzeko batere gozoa ez dena, eta txirrindularitza ez dago gizartean oso barneratuta. Egia da azken urteotan Poloniako Itzulia Uci Pro Tourrean sartzea nolabaiteko bultzada izan dela kirol honentzat ingurune horretan, baina oraindik Europa mendebaldeko lasterketen oparotasun eta kalitatetik urrun dabiltza.

Gauzak honela, Amore & Vita – Beretta taldeak sinatu zuen. Talde berezia da Amore & Vita, Aita Santuaren taldea, Vaticano Hirikoa, alegia. 1990etik dago tropelean, eta hasiera batean italiarra eta gero britainiarra izan ostean, 2001. urtetik taldea poloniarra da. Talde berezia, esan bezala, ez baitu ezeren propaganda egiten, bere helburua bakearen eta maitasunaren mezua hedatzea baita.

Przemyslaw Niemiecentzat sekulako tranpolina izan zen. Zortea izan zuen talde hau poloniarra izateaz, garai hartan Aita Santua ere poloniarra baitzen, eta herrialde hartako txirrindularientzat aukera aparta, dudarik gabe. Baina betidanik izan da UNESCO antzerako zerbait, herrialde askotako txirrindulariei egiten baitie lekua, batzuk ezagunak (Manzano, Ljunblad, Gasparre), eta gehienak aukera baten bila dabiltzan gazteak, batez ere poloniarrak eta italiarrak, izan ere, talde poloniarrak bere egutegia Italian oinarritzen baitu. Continue reading “Txirrindularitzako Xerez”

Heldu bada heldu, goizegi aukeran!!!

Iker LeonetIzango dira lau urte inguru Euskal Herriko Itzulia Oiartzunen amaituko zela enteratu nintzala. Orduko ametsa profesionaletara pasa eta bertan parte hartu ahal izatea zen. Orduz geroztik herritar ugarik kalean topatzean beste konturik ez zuten eta zer esanik ez azken hilabete honetan; “Korrituko al dek? Herritik eskapauta pasa berko dek? Erlojupekoko ibilbidea ezaututa irabazi berra dakak!…” Hain erreza izango balira gauzak!

Guzti honi gehitu beharra dago, orain dela 15 egun harte korritzeko baimenik gabe nengoela; azkenean, iritsi bada iritsi, lortu dugu 8 hilabeteren ondoren dortsala bizkarrean jartzea. Gaztela Leongo Itzulian estrenau gara, egia esan lehenengo egunetan gustora ibili arren azken egunetan nahikoa lan geneukan aurrekoei jarraitzen; eta orain zer esanik ez esfortzua errekuperatzen.

Continue reading “Heldu bada heldu, goizegi aukeran!!!”

Zaleok egiten duzue berezi Euskal Herriko Itzulia

Amets TxurrukaAste Santua badatorrela eta batzuek maletak prestatzen hasiak izango zarete jada, beste batzuek aldiz etxeko goxotasunaz gozatzeko asmoa izango duzue, eta gutariiko askok Euskal Herriko errepideetan Kolore anitzeko sugeak eskeiniko digun espektakulua gertutik jarraitzeko asmoa izango dugu besteak beste.

Datorren larunbatean Lizarrako Sari Nagusian giharrak puntuan jarri ondoren, astelehenetik aurrera jokoan izango da tropelean estimatuenetakoa den lasterketa bat: Euskal Herriko Itzulia.

Eta nire galdera: Zergatik lasterketa batzuek besteak baino gehiago estimatzen ditugu bai parte hartzaile zein zaletuek? Zergatik dute oiartzun handiagoa? Zergatik partaidetza entzutetsuagoa?… Continue reading “Zaleok egiten duzue berezi Euskal Herriko Itzulia”

Tenporadie martxan hasi jaku barriro

Amets TxurrukaTenporadie ixe-ixe konturetu barik martxan hasi jaku barriro eta gure taldekuok ondiñoik karreretan burrukan hasi ez baga be, badaroiegu temporadatxu bat gorputzai astindu batzuk emoten. Batetik gimnasio barruko pisuek gora eta behera ibili izen ga alde eta aldi berien, bizikletian bielei be bulta batzuk emonaz kilometro batzuk akumulauaz ibili ga.

Alakanteko bidietan buelta batzuk emon ondoren (aste bete ekipo dana han egon ginen konzentraute) etxera bueltau eta barriro betiko inguruetan entreneta bueltau ga. Nire kasuen Murtziako itzulixen emongo dotset hasierie aurtengo ekitxaldixai eta oin artien lasai antzien entrenetie tokau jate. Azken aste honetan, gimnasioko entrenamientuek bizikletarekin konpaginau ordez, bizikletakin jarraitxu dot baña arratsaldetan liburuei heldu biher izan dotset psikopedagogiako azterketa bi ein dittut eta. Continue reading “Tenporadie martxan hasi jaku barriro”

Tropeletik bertatik

Ordu gutxi falta dira Italiako Girora eramango gaituen hegazkina hartzeko, eta ilusioz betetako maleta hartuta bagoaz berriz ere hilabeterako. Giroan debutari izateak ere errespetu pixka bat ematen du, eta ibilbidea ikusteak zer esanik ez. Hala ere nahiko baikor nago bai taldean baita nere egitekoari buruz. Agian zaletuek, pentsatuko dute nahiko talde apala eramango dugula, baina nik ez dut hori uste. Sailkapen orokorrerako baliteke lider garbirik ez izatea, baina David Lopezek hemen izan dezake aurrerapausu bat emateko aukera. Ez dakit 10 lehenetan bukatuko duen, baina seguru nago ez dituela lehenengoak aparte izango. Eta etapa garaipenerako, hor daukagu taldeko ”aitona“. Laisekak gutxitan huts egiten du, eta 3 itzuli haundietan irabazteak eta bere alabaren jaiotzeak ederki motibatu dute. Nere aukerei dagokienez, nahiko gustora sentitzen naiz, eta saiatuko gara etaparen bateko lehian aritzen, eta talde lana egiten.

Bat nator Giroa italiarren lasterketa izango denaren pentsakerakin. Simoni, Basso, Cunego eta Savoldelli dira hautagai nagusiak, baina ezin ahaztu Ardila, Rasmussen, Rujano eta Juanma Garate ere. Euskaldunen artean, Unai Osarekin batera, Juanma da Giroan zerbait egitea zer den dakien bakarra, beraz, adi egon behar berak egindako lanari. Ez nuke bukatu nahi Patxi Vilari buruz hitzegin gabe. Izugarrizko txirrindularia egin da Patxi, eta aurtengo denboraldia bikaina izaten ari da beretzat. Seguru lan izugarri ona egingo diola Cunegori, eta ea zaletuek behar bezala baloratzen duten.

Besterik gabe, ea Giroaz gozatzerik duzuen, eta euskal txirrindularien lanari esker bada askoz hobeto.

Laster arte!!