Kataluniarrek ere euren hizkuntzan parte hartuko dute Tropelan

20130621-021303.jpgTropela martxan jarri genuenean garbi genuen euskararen presentzia sarean nabarmentzeko proiektu bat izango zela gurea. 2005ean proiektua martxan jarri genuenetik gaur arte, Tropela euskara hutsezko webgune bat izan da eta harro aireratu dugu lau haizetara.

Gaur, aldiz, Tropela katalanez bizitzeko aukera eskaintzera gatoz. Lehen aldiz hizkuntza bat baino gehiagotan erabili ahal izango da Tropela. Baina zergatik aldaketa hau? Hau da hurrengo lerroetan azaltzen saiatuko garena.

Beti esan izan dugu Tropela handi bat behar dugula. 2005etik gaur arte, 8 urte luze hauetan zehar, Tropela handitzen joan da urtez urte. Baina zoritxarrez, hazkundea ez da nahikoa. Tropela handiagoa behar dugu bai Tropela eta bai euskara gehiago zabaldu dadin.

Handitze prozesu honetan hurrengo urrats logikoa lurralde eremu zabalagoa hartzea delakoan gaude. Horretarako euskararen mugak gainditzea beste aukerarik ez dugu. Ezin, ordea, mundura jauzi egin salto berean, pausoz pauso jorratu beharreko bidea da hartu duguna. Eremua zabaltzeko bide horretan lehen urratsa katalanari lotutako lurraldera jauzi egitea iritzi genion, kataluniarrei Tropelan euren hizkuntzan aritzeko aukera eskainiz. Hori bai, euskarak beti izango du lehentasuna gure artean eta horretarako beharrezko neurriak hartuko ditugu.

Zalantzarik izan ez dadin, garbi utzi nahi dugu Tropelak, katalana gehitu arren, bere horretan jarraituko duela, euskarari txoko indartsu bat eskainiz. Aldatu den gauza bakarra bere komunikatzeko gaitasuna da.

Euskara eta katalanak aurtengo Tour honetan badute kokaleku komun bat: Tropela.

Tropela.net eguneratzen

Honez gero konturatuko zineten Tropela.net webgunea ez dela atzo bezalakoa. Bai, berrikuntzatxo batzuk egiten jardun dugu eta gaur berrikuntza horiek zuei eskuragarri jartzea egokitzen zitzaigun. Bagenuen gogoa aldaketa hauek zuekin elkarbanatzeko!!

Egin ditugun aldaketak zerrendatzea posible izango litzaiguke, baina hori egin beharrean nahiago izan dugu zuek zuen kabuz aldaketa horiez jabetzen joatea. Uste dugu era horretan interesgarriagoa izango dela. Hori bai, zalantzaren bat baduzue galdetu lasai eta gustura erantzungo dizuegu.

Beharbada akatsen bat ere izan daiteke aldaketen ondorioz. Akats edo arazoren batekin aurkitzen bazarete asko eskertuko genizueke gugana joko bazenute jakinarazteko. Gu ahalik eta azkarren konpontzen saiatuko gara.

Horretaz gain zuen iritzia ere jakin nahiko genuke bai aurkitzen dituzuen aldaketen inguruan baita bestelakoetan ere. Badakigu zer hobetua badugula eta bide hori egiten jarraitzen dugu, baina seguru zuen laguntzarekin errazago izango zaigula bide hori jorratzea. Beraz, ez izan zalantzarik eta idatzi lasai zuen iritzi, kexa, pentsamenduak.

Gogoan izan finean zuek zaretela proiektu hau aurrera eramaten laguntzen duzuenak, zuek emandako babesak bultzatzen baitu Tropela.

Jarraitu txirrindularitzaz gozatzen, jarraitu Tropelaz gozatzen!!!

Tropelan ez dugu preziorik igoko

Gaur berri askotan BEZa protagonista izaten ari da. Dakizuen moduan, guk maillotak eta txapelak ditugu salgai Tropelari lagundu ahal izateko. Jakinarazi nahi dizuegu guk ez ditugula prezioak igoko, beraz, ez galdu aukera eta eskatu zuenak!

– Txapela: 12€
– Maillot manga motza: 45€
– Kuloteak: 65€ (agortuak)

Zalantzaren bat baduzue berri honen iruzkinetan idatz dezakezue edo gure helbide elektronikora idatz diezagukezue.

[Eskaria egiteko formulategiak jarraian dituzue, lehenik txapelarena eta ondoren maillotarena]
Continue reading “Tropelan ez dugu preziorik igoko”

Zergatik jarri genuen Uran gorriz ostiral gauean?

Vinokourov, Uran eta Kristoff Londreseko podiumean

Zenbait kexa izan ditugu Uran lehiaketa hasi aurretik gorriz jarri genuelako. Hori eta gainera zilarrezko domina irabazi zuelako. Askok gorriz zegoelako aldatu egin zenuten eta azkenean kaltetan izan zitzaizuen.

Lehenik eta behin zuen kexak ulertzen ditugula esan nahi dizuegu. Baina gertakari honek bere azalpena duela azaldu nahi dizuegu eta Tropelak zuzen jokatu duela adierazi.

Arazoaren sorburua txirrindularien zerrenda ofizialetik etorri zen. Askori erantzun dizuegu eskuetan genuen zerrenda ofizialean Uran ez zela agertzen eta hori ziurtatu dezakegu. Londreseko Olinpiar Jokoetako errepideko lasterketaren arduradunek argitaratu zuten zerrenda ofizialean 52. dortsala ez zen agertzen. Bai, 52 dortsal hau Uranena zen. Hori dela eta kazetariek Uran Henaorekin ere nahastera iritsi ziren.

Continue reading “Zergatik jarri genuen Uran gorriz ostiral gauean?”

Nola banatuko ditugu puntuak Lodreseko Olinpiar Jokoetan?

Londreseko Olinpiar Jokoak

Asko ari zarete galdezka ea nola izango den puntuen banaketa Londreseko Olinpiar Jokoetan. Post honen bidez beharrezko azalpenak ematen saiatuko gara.

Aurreko berri batean aipatzen genuen bezala, lau izango dira Londreseko Olinpiar Jokoetan errepideko txirrindularitzak izango dituen ekitaldiak:

– Gizonezkoen errepidekoa (uztailaren 28an)

– Emakumezkoen errepidekoa (uztailaren 29an)

– Emakumezkoen erlojuaren kontrako saioa (abuztuaren 1ean)

– Gizonezkoen erlojuaren kontrako saioa (abuztuaren 1ean)

Saio bakoitzean sailkatutako lehen 25 txirrindulariek jasoko dituzte puntuak arauen atalean egun bakarreko probei dagokien moduan: irabazleak 250 puntu, bigarrenak 190,…

Egun bakarreko probetan lehen sailkatzen den euskaldunari 50 puntu banatzen dizkiogu. Londresen, ordea, euskaldun bakarra izango dugu proba hauetan. Hori dela eta ez ditugu lehen euskaldunari dagozkion 50 puntu horiek banatuko. Bat baino gehiago izango baziren banatuko genituzke, baina horrela ez denez, puntu horiek ez dira banatuko.

Espero dugu zalantzak argitu izana. Galdera edo iruzkinik baduzue jo gugana eta saiatuko gara ahalik eta lasterren erantzuten.

Zorte on guztioi!!