Tropelan 2009 EH Itzuliko garaileak

Tropela.netDenboraldiko gure lehen lehiaketa gaurko etaparekin amaitu da. Orain arteko EH Itzuliko parte hartze marka guztiak hautsita, 5.413 kiniela izan dira lehian. Ondorengo hauek izan dira lehen postuetan sailkatu eta sariak eramango dituztenak:

1. postua. Bi lagunentzat asteburu bat Atxaspi Hotelean (Lesaka).
Garailea: aitorugarte (Hondarribia).

2. postua: Bi lagunentza asteburu bat Olatu Hotelean (Zarautz).
Garailea: danelrj (Arrasate).

3. postua: 4 lagunentzat otordu bat Ipintza sagardotegian (Astigarraga).
Garailea: KOLDEN1 (Bilbo).

4. postua: Bi lagunentzat bazkaria Hernialdeko Ostatuan.
Garailea: sastruke (Zarautz).

Zorionak garaileoi eta animo gainontzekooi. Gogoratu lehiaketa honetan lortutako puntuak urteko sailkapen metaturako baliagarriak izango direla. Orain hurrengo lehiaketaren zain egon besterik ez zaigu geratzen: Italiako Giroa. Hasi prestatzen zuen txirrindulariak!

Oharra: Irabazleak jar daitezela Tropela Elkartekoekin harremanetan tropela@tropela.eus helbidera mezu bat bidaliz.

Minutuz minutu: etaparen nondik norakoa Tropelean bertan

Minutuz minutuEitb.com eta Tropela Elkartearen lankidetzari esker, aurtengo Frantziako Tourrean etapen jarraipena gure webgunean bertan egin ahal izango duzue. Eskuinean azaltzen diren oharrak minutuz minutu eguneratuko dira eta bertan Eitb-ko lagunek sartutako azken iruzkinak irakurriz eguneko etapa zein egoeratan aurkitzen den jakingo dugu. Bikaina!

Gaurko erlojupekoa jarraitu nahi duzula? Bada, hemen duzu beste aukera bat! Orain ez duzu aitzakiarik zure ziklista taldeari jarraipen berezia egiteko.