Kategoria Artxiboak:Lehiaketak

maribel izan da aurtengo Giroko garailea eta berarentzat izango da Atxaspi Hoteleko sari eder hori. Eta esan merezimenduz irabazi duela; izan ere, usurbildarrak azkeneko bost etapetan izan du lidertza eta aurrez 5 eta 6. etapetan. Zorionak, maribel!

Podiumeko bigarren eta hirugarren postuak Claudia donostiarrak eta maialen errenteriarrak osatu dituzte, hurrenez hurren. Maialen juxtu xamar sartu bada podiumean (laugarren postuan geratu den epndrtri 8 puntu besterik ez baitio atera), maribel ere garaile 31 punturen aldeaz bakarrik izan da. Continue reading ““maribel” garaile 2007ko Giroan”

Giroan zehar hamaika ihesalditan ibili da Kilkerra, esprintetan ere sartu da, dena eman du, baina zerbait falta izan zaio. Bada, gaur du azken aukera.

Treviso-Terme di Comano, 179 kilometroko etapa. Eta mendate bi: Pian Delle Fugazze 101. kilometroan eta Passo Ballino 165. kilometroan; handik helmugara 14 kilometro, ia guztiak aldats behera. Laburbilduz: ihesaldia.

Hortaz, biharko erlojupekoaren atarian, azken aukera dute gaur ihesaldi-zaleek. Eta, duda barik, han ibiliko dira:

Bettini: harendako moduko etapa da. Azken mendateak 15 kilometro ditu, baina %4,4ko batez bestekoa. Etzana. Eramangarria.

Vila: atzo hanka sartu zuen, gaurkoa harendako aproposagoa da-eta, sailkapen orokorrean postu batzuk aurrera egiteko besterik ez bada. 16. postuan dago, eta lehen hamarretan sailkatzea zuen helburu. Continue reading “Bettiniren azken aukera?”

Aurtengo Giroko gizonik indartsuena Leonardo txikia dela esango nuke. Ez da tropeleko gazteetako bat, jada 36 urte egitera baitoa aurten, Gilberto Simoni bezalaxe (argazkiko bestea).

Ba, atzokoarekin Piepolik etapa bana oparitu die Riccó gazteari eta Simoni taldeburuari. Horretaz gain, bere etapa irabazi zuen gainean amaitzen zen lehen etapa serioan eta ia-ia kronoeskalada ere berak eraman zuen. Patxi Vilaren Marzio lagunak segundu bakar batengatik kendu zion garaipena. Alegia, etapa bat irabazi, 2 oparitu eta beste batean ere 2.postua. Gure Aditua ere zur eta lur geratu zela uste dut Piepolik erlojupekoan (kronoeskalada) lortutako emaitzekin.

Igoeretan bera izan da nagusi eta kronoeskaladan ere bai. Beraz, Simonirentzat lanik egin izan ez balu Giro irabazteko aukerak eduki zitzakeela iruditzen zait. Baina nork jakin.

Hain indartsu dagoenez ea bere taldekide euskaldunari, Iban Mayori ere beste etapa bat oparitzen dion eta horrela euskal zalegoa ere Giroko etapa batekin zorroan benetan gustura geratuko gara.

Beste datu bat: Simonik ere baditu 2. postu pare bat eta Riccók ere bai beste bat. Guztira, Saunier Duvalek, 3 etapa eta 6 2. postu. Ikaragarria! (Ez dut erabiliko ez harrigarria ezta susmagarria ere inor haserretu ez dadin)

Igandeko hauteskundeak joan dira eta ia-ia “erreflexio eguna” ere bai. Urtero bezala politikari guztiei garaile atera direla eta emaitzekin gustura daudela entzun diegu. Denek izango dute arrazoi pittin bat. Gaur, denak lanean zenbakiek zer dioten aztertzeko.

Italia aldean, ordea, ez da horrelakorik gertatzen. Gaur guztiek jai izan dute. (Halere, kilometro batzuk egingo zituzten) Asteburuko bi etapa gogor eta ikusgarriren ondoren, gaur merezitako atsedena izan dutela esan behar. Patxi Vilak BERRIAn adierazi bezala eta igandeko etapan ikusi genion bezala, ziklista ugari zeuden atseden egunaren zain. Lehen atseden eguna oso goiz jarri zuten antolatzaileek Sardiniatik irten ahal izateko eta gainera bidaiatzeko erabili behar izan zuten. Horrek guztiak, bi atseden egunen arteko tartea luzea eta gogorra bihurtu du. Baina ikuslearentzat ikusgarria izan dela esan behar.

Orain artekoa aztertuz gero honako ideia hauek etortzen zaizkit aurrera begira. Ea ados zaudeten. Continue reading “Erreflexio eguna”

Izan ere, ibilbideari begiratuta sekulako etapak datozkigu datozen egunotan. Dena den, paperean agertzen den gogortasun hori ezerezean edo sekulako sarraskian bihur daiteke, beti ere txirrindularien jarreraren menpe.

Gaurko etapan Agnello ikaragarria (ikusgarria duen amaiera) eta Izoard igo beharko dituzte, bihar Oropara krono-igoera, larunbatean San Marco amaitezina, igandean Giau beldurgarria eta Tre Cime Lavaredo… laburbilduz, erasotu nahi duenak ez du ibilbidearen aitzakirik izango. Kontua hori da, indarrez gain erasotzeko gogoa izatea.

Nor izango da hautagai nagusien artean lehen erasotuko duena? urrutitik izango al da eraso hori? galdera asko eta zailak dira berauek. Di Lucak adierazi duenez, biharko krono-igoera aprobetxatu nahi du denbora gehiago sartu eta datozen egunetan besteen erasoen aurrean modu defentsiboagoan jokatzeko. Ez dakit berak erasorik jo gabe aurretik dituen denak atzera joango direnaren ziurtasuna duen baina ni ez nintzateke hain ziur sentituko. Arroyo, Bruseghin edo Vila bezalako jendeak, erasorik ezean, ez du denbora asko galduko.

Lasterketa mugitu behar lukeena Saunier da. Momentuz Simoniren apostu egitekotan dira eta bere sasoi puntu onenean jartzeko bidean dela ere ematen du baina ez dira oso urrun Ricco, Mayo edo Piepoli bezelako txirrindulariak. Azken hauen aukera jokatu behar lukete urrutitik erasotzerako orduan.
Gaurko etapa aproposa izango da Agnellon gora ihesaldi garrantzitsu bat sortzeko. Ez agian Di Luca, Simoni edo Cunego bertan direlarik, baina bai Mayo, Sella, Mazzoleni, Perez Cuapio, Pellizotti (Giroko liderra eta Di Luca taldekideak izateaz aprobetxa daiteke)… bezalako txirrindularientzat. Aurreko asteko ihesaldian sartu izan ez balira, etapa aproposa baita ere Vila, Bruseghin, Arroyo eta Sellarentzat ere, dena den, zaila izango da berriro ere ihesaldian sartzen uztea.

Espero dezagun txirrindulariak borrokarako prest egotea. Ea gaurtik hasten diren oilarren arteko mugimenduak nahiz eta biharko krono-igoera hor egonda, gaurko etapa “bigarren txirrindularientzat” aproposagoa gerta daitekeen.