Kategoria Artxiboak:Frantziako Tourra

Izan ere, itzulia hasi aurretik hainbat izen zeuden denon ahotan: Vinokourov (hark, behintzat, salbatu du nolabait), Valverde, Moreau, Mentxov, Sastre, Klöden, Evans, Leipheimer… Bueno, Rasmussenek mendiko etaparen bat irabazi eta mendiko saria ere eramango zuen, eta Contador gazteen maillot zuriaren lehian ibiliko zen… Beste guztiek urte osoa eman dute Tourra prestatzen, eta hara, ez dute ezertxo ere egin, Vinokourov kenduta.

Bada, Rasmussenen eta Contadorren artean dago Tourra, argi eta garbi. Biharko etapa erabakigarria izango da, eta Discovery Chanel taldeak dena eman beharko du; liderraren taldea desegiten ahaleginduko da hasieratik –egin beharko luke, behintzat–, hura bakarrik uzteko. Eta gero, Popobitx eta Leipheimer izango ditu Contadorrek, haiek ez dute hutsik egingo-eta.

Eta zer iruditzen zaizue Vinokourov egiten ari dena? Hark dauka hark bihotza, indarra eta abilezia. Klöden eta Kashechkin ez dabiltza horren fin, baina lasterketa horrelakoa da, erorketak, txakalaldiak (Usabiaga dixit)… Guztiarekin jokatu behar da.

Euskaldunei dagokienez, ea Haimar eta Mikel lehenengo hamarren artean sailkatzen diren. Ez dute aurkaritza handirik izango. Bide batez, kontuan hartzekoa da Haimarrek atzo egin zuena, oso etapa ona egin zuen, buruarekin jokatuta. Bihar berriro egon beharko du aurrean. Eta Mayori dagokionez, ba betiko leloaren betiko leloa: Tourrean kale. Bihar du azken aukera hark ere.

A, bide batez, nork irabaziko du Tourra? Nor sartuko da podiumean?

Horiexen jabe da Vinokourov. Psikologikoki ukituta egon zen aurreko astean izan zuen erorketaren ondorioz, negar eta guzti egiteraino. Nire adiskidea den Oihanek aurreko postean zioen nola Kazakhstango eguzki printzak!! agertu zirela osteguneko etapan. Metaforari jarraiki eta nahiz eta gaur euria izan duen kazakhstandarrak bere erlojupekoan zehar, kazakhstango eguzkia agertu dela esan behar dugu. Hori da hori erakustaldia eman duena!! Benetan emozionatu naizela.

Euskadi Irratiko Txomin Perurena kolaboratzaileak euriaren ondorioz denbora galduko zuela zioen baina oker ibili da. Gainera Vinokourovek jada Tourra lehiatzeko gai ez dela zioen erlojupekoa lehiatzen ari zen artean. Nirekin asko beharbada ez zarete ados egongo, baina nire ustez Tourraren garaipenaren lehian izango da. 5 minutu dira Rasmussen eta Vinokouroven artean. Gehiegi? Continue reading “Izterrak eta burua”

Gaurko etapak aurrekoa bezala oso aspergarria izateko itxura guztia zuen. Kostata baina ihesaldia ere egin da, jende nahiko aproposarekin (Euskaltel-Euskadikoak non ziren?) eta bazirudien aurreko egunekoa errepikatuko zela. Baina ez. Haizeak eta kazakhstandarren Astana taldeak gauzak nahasteko zuen gogoak (errebantxarako gogoa ote??) eta guzti horrek sortutako urduritasunarekin izan diren erorketek gaurko etapa ederki bizitu dute, eta ikusleok gozatzeko aukera izan dugu.

Azkenean tropela bitan zatitu da eta atzeko tropelean faborito nagusi bakarra, Cristophe Moreau. Frantziarren itxaropen nagusiak majo sufritu du bere taldekideekin batera ahalik eta denbora gutxien galtzeko. Azkenean 3 minututik gora galdu ditu helmugan. Niretzat lehen ere Continue reading “Kazakhstango eguzki printzak!!”

Bi mendiko etapa pasa ondoren (ez dut larunbatekoa kontutan hartzen, txirrindulariek beraiek nahi izan ez zutelako) hautagaien zerrenda murriztu eta definitu da. Iaz bezala, oraindik atzean dauden txirrindulariren batzuk aukerak izan ditzakete baina beti ere sekulako indar errekuperazioa izan edo tropelaren baimenarekin ihesaldi batetan lortutako minutuak baliatuz.

Bi etapa hauek nahikoa garbi erakutsi digute Tourrean zein diren gizonik indartsuenak. Hala ere, denbora tarteak ez dira batere handiak denen artean eta Tourra zeharo irekita geratu da. Neure hautagai nagusia argazkiko hau da, Andreas Klöden. Bi aldiz podiumean izan den gizon honek erakutsi du, larunbatean ematen ez bazuen ere, Astanako lider bakarra izan behar lukeela. Larunbateko erlojupekoan zenbait hautagairekiko denbora tarte politak sar ditzake eta zergatik ez, Tourreko lidertzan jarri. Aurretik txirrindulari asko ditu eta ez du lan erraza izango baina erlojupekoaren profilari begiratuta aurreratu daiteke denbora tarteak handiak izango direla.

Larunbatekoaren ondoren sailkapena nola gelditzen denaren arabera, Pirinioetako etapak modu batera edo bestera planteatuko dituzte txirrindulariek. Erasotu edo defenditu beharrean aurkituko diren txirrindulariak ikusiko ditugu eta horren arabera lasterketa bat edo beste ikusiko dugu.

Baina ez Tourra. Batzuk jokoz kanpo geratu dira, edo hori saldu nahi dute, behintzat: Vinokourov, Mentxov, Schleck eta beste batzuk. Edozelan ere, nire iritziz, aldeak ez dira handiak, eta erlojupekoak eta Pirinioak daude aurretik.

Nork irabaziko du Tourra? Lehena Rasmussen da, baina hari baino aukera handiagoak ikusten dizkiet Evansi, Valverde eta Klödeni; azken horren harira, ederra egin zuen Astanak Vinokourovi itxaroteko agindu ziotenean. Hori bai, Klödenek onartu du Astanak fitxatu zuela Vinokourovi eta Kazakhstani laguntzeko. Baina Tourra jokoan egonda…

Ziklista osoagoak dira horiek hirurak. Hala, Mayo, Rasmussen eta Contador bigarren mailan jarriko nituzke, baina podiumagatik lehian aritzeko bai. Ea Contadorrek eusten dion –Bruyneelek beldur hori du, ea hirugarren astean eutsiko dion–.

Edozelan ere, denbora galduta dagoen jendearekin kontuz ibili beharra dago: Schleck, Mentxov, Vino, Pereiro, Kashechkin… Horiek epaile izan daitezke.

Gaur, bihar eta etzi, berriz, ihesaldi-zaleen eta esprinterren taldeen arteko lehia: Boonen, Zabel, Bennati, Hushovd, Eisel, Förster, Haussler, Ventoso, Pozzato, Chavanel… Esprinter asko gelditzen da oraindik ere.