Euskara, teknologia eta txirrindularitza
2020ko Espainiako Vueltako 7. etapan berriro ere protagonista ihesaldia izan da. Bertan gaurkoan bai, aurrekoan ihesaldian izanda baina etapa garaipenik lortu gabe geratuta, Woodsek (EF1) lortu du etapa garaipena. Bigarren Omar Fraile (AST) izan da, Ion eta Gorka Izagirreren taldekidea. Sailkapen nagusian aldaketarik ez eta Carapazek (IGD) jarraitzen du lider.
Hau eta etzi jokatuko den etaparen ingurukoak kontatzen ditu Iban Perezek (@piban) podcast honetan.
2020ko Espainiako Vueltako 6. etapako protagonistak Izagirre anaiak izan dira. Biak ala biak eguneko ihesaldi nagusian bildu dira eta bi izatearen abantaila ederki probestu dute azkenean Ion Izagirrek (AST) etapa poltsikoratzeko. Sailkapen nagusian Roglicek (TJV) zailtasunak izan ditu eta lidergoa galdu du. Carapaz (IGD), horrenbestez, gaurkoan gorriz jantzi dena.
Hau eta etzi jokatuko den etaparen ingurukoak kontatzen ditu Egoitz Lizasok (@elizaso) podcast honetan.
2020ko Espainiako Vueltako 5. etapa aurreratu bezala ihesaldiak eraman du. Maila altuko txirrindulariez esatutako hirukoan Wellens (LTS) izan da indartsuena azken maldan G. Martin (COF) eta Arensmanen (SUN) aurretik. Sailkapen nagusian aldaketarik ez eta Roglicek (TJV) jarraitzen du gorriz.
Hau eta bihar jokatuko den etaparen ingurukoak kontatzen ditu Egoitz Lizasok (@elizaso) podcast honetan.
2020ko Espainiako Vueltako 4. etapa esprintean erabaki da eta bertan azkarrena Sam Bennett (DQT) izan da, aurtengo Tourrean maillot berdea irabazi duen irlandarra. Sailkapen nagusian aldaketarik ez Sabiñanigon amaituko den etaparen bezperatan.
Hau eta gaur jokatuko den etaparen ingurukoak kontatzen ditu Egoitz Lizasok (@elizaso) podcast honetan.
2020ko Espainiako Vueltako 3. etapa Dan Martinek (ISN) eskuratu du. Irlandarra lesiotik errekuperatuta, sendo ikusten da Vuelta hasiera honetan. Berau Carapaz (IGD) eta Roglic (TJV) liderrarekin batera, momentu honetan Vuelta honetako protagonistak izaten ari dira.
Hau eta bihar jokatuko den etaparen ingurukoak kontatzen ditu Egoitz Lizasok (@elizaso) podcast honetan.