Euskara, teknologia eta txirrindularitza
Gaur jokatu da Frantziako Tourreko 3. etapa eta erakustaldia eman duena Alaphilippe (DQT) izan da. Txirrindulari frantziarrak, ihesaldiko protagonista nagusia izan den Wellens (LTS) harrapatzeko gauza izan da. Baina ez hori bakarrik, aurrera egin eta tropel nagusiari nahikoa errenta atera dio etapa garaipenaz gain maillot horia ere janzteko.
Hau guztia eta gehiago kontatzen du Egoitz Lizasok (@elizaso) podcast honetan, baita biharko etapak eman dezakeenaren iritzia ere.
2019ko Frantziako Tourreko 2. etapan ere protagonista Jumbo Visma taldekoak izan dira. Taldekako erlojupekoa jokatu da eta talde herbeheretarra nagusi izan da. Horrenbestez Teunissenek (TJV) lidergoa sendotzea lortu du. Bigarren sailkatu da Ineos taldea eta hirugarren Deceuninck – Quick Step.
Hau guztia eta biharko etapak eman dezakeenaren berri Iban Perezek (@piban) ematen digu podcast berri honetan.
Gaur abiatu da 2019ko Frantziako Tourra eta ezustean garailea Teunissen (TJV) izan da, Groenewegenen (TJV) esprint bideratzailea. Tropelean eroriko bat izan da eta Jumboko esprinterra jokoz kanpo geratu denez, Teunissen gauza izan da photo finishean bada ere Saganen (BOH) aurretik helmugaratu eta, etapaz gain, maillot horia lortzeko.
Protagonisten artean Van Avermaet (CCC) eta Rossetto (COF) aipatzea lehenak mendiko maillota eskuratu baitu eta bigarrenak azken kilometroetan ia 2 minutuko errentaz aurrera egitea lortu baitu.
Gaurko etapan kaltetu nagusien artean Fuglsang (AST) aurkitzen da 17kmren faltan erorikoa izan baitu. Odolez ikusi dugu baina badirudi, oraingoz behintzat, jarraitzeko moduan izango dela.
Hau eta gehiago kontatzen digu Egoitz Lizaso (@elizaso) Tour honetako lehen mini podcast honetan.
Imanol Llucia (@imanolllucia), Iban Perez (@piban) eta Egoitz Lizaso (@elizaso) elkartu dira denboraldiko lasterketarik garrantzitsuenaren podcasta grabatzeko: Frantziako Tourra.
Hirukoteak 106. edizioa izango den ibilbideari errepaso bat ematen diote, lasterketaren inguruan jakin beharreko gauzarik garrantzitsuenak aipatzen dituzte, eta bereziki Tropelako multzoen azterketa zehatza egiten dute. Seguru kinielak prestatzeko lagungarri egiten zaizuela!
Hemen dituzue podcastean aipatzen ditugun Telegrameko estekak:
Hau duzue Tropelaren 340. podcasta eta denboraldiko 5. errepaso podcasta. Azken bi aste hauetan txirrindularitzaren inguruan izan ditugunak mintzagai hartzen dituzte Imanol Llucia (@imanolllucia) eta Iban Perezek (@piban) podcast honetan. Zalantzarik gabe lasterketarik garrantzitsuenak errepasatzen dira, Dauphine Kriteriuma eta Suitzako Tourra.
Gogoratu bi aste barru abiatuko dela Frantziako Tourra eta txirrindulariek prest izateko denbora gutxi geratzen zaiela dagoeneko.