Euskara, teknologia eta txirrindularitza
Gaurko etaparen ondoren nahiko garbi geratu da Galdakaoko txirrindularia lehen aste honetan ez dagoela behar zukeen moduan. Atzo 1:30 inguru galdu bazuen, gaurkoan ia minutua izan da. Sailkapen nagusian Puritorengandik 2:47ra aurkitzen da. Askotxo ezta?
Etapa aurretik egindako adierazpen batzuen arabera “podiuma urruti” ikusten zuela zioen atzoko galeraren ondoren. Gaurkoa gehituta sailkapen nagusiari agur esan diola esango nuke. Bestela non errekuperatu galdutako denbora?
Orain astebete pasa argitaratu genuen Tropelako azken podcasta. Podcast hartan nahiko kritiko agertu nintzen aurtengo Vueltaren webgunearen inguruan. Post honekin berretsi nahiko nuke nire ikuspuntua.
Podcasta grabatzerakoan Vueltaren webgune ofizialean (lavuelta.com) ez ziren etapen profilak agertzen. Esan genezake webgunea menu eta estekekin osatua zegoela, baina edukiak falta. Ez zitzaidan batere normala iruditzen lasterketa hasteko bi asteren falta webgunea horrela aurkitzea.
Gaurkoan, ordea, beste sorpresa bat jaso dut. Ez, dagoeneko etapen perfilak jarrita daudel ikusi dut. Baina orain astebete Benidormeko etapa 19:00etan hasiko zela agertzen zen eta orain arratsaldeko 17:00etan? Nola daiteke horrelako aldaketa garrantzitsu bat egitea besterik gabe?
Ez zait batere serioa iruditzen ari Vueltaren arduradunak egiten ari diren kudeaketa. Gero esango ez dugu ba hiru handietan kaxkarrena Vuelta dela? Antolakuntzari dagokionez behintzat nik garbi dut.
Dagoeneko Vuelta 2011ko bi podcastak entzungai dituzue, bai txirrindularien ingurukoa eta aurrez argitaratu genuen ibilbidearen ingurukoa ere.
Txirrindularien azterketa
Axier Sukia, Eneko Garate (@egarate) eta Egoitz Lizasok (@elizaso) Vuelta 2011an oraindik ziur ez badakigu ere, parte hartuko duten txirrindulariez dihardute podcast honetan. Oraindik oso goiz da eta taldeek ez dituzte beren bederatzikoak zeintzuk diren esan oraindik nahiz eta badakigun zenbait ziur izango direla, Igor Anton edo Nibali kasu. Solaskideek aurtengo Vueltak izango duen ibilbidea ikusita, aurrean izan daitezkeen txirrindulariez hitz egiten dute. Horretaz gain zenbait txirrindulari Munduko txapelketa prestatzeko aprobetxatuko dutela Vuelta hau gogora ekartzen dute. Talde ezberdinen aipamena ere egiten dute eta horien artean Caja Rural aurten nola ez duten gonbidatu aipatzen dute.
Ibilbidearen azterketa
Axier Sukia, Raul Perez (@raulperezmartin) eta Egoitz Lizasok (@elizaso) Vuelta 2011ren ibilbideaz dihardute podcast honetan. Ibilbidean izango diren etapen ezaugarri eta profilez aritzen dira. Euskal Herritik pasatzearen polemikaz ere aritu dira. Zalantzarik gabe Tropelan Vueltako kiniela egiteko kontutan izan beharrekoak aipatzen dituzte.
Axier Sukia, Raul Perez (@raulperezmartin) eta Egoitz Lizasok (@elizaso) Vuelta 2011ren ibilbideaz dihardute podcast honetan. Ibilbidean izango diren etapen ezaugarri eta profilez aritzen dira. Euskal Herritik pasatzearen polemikaz ere aritu dira. Zalantzarik gabe Tropelan Vueltako kiniela egiteko kontutan izan beharrekoak aipatzen dituzte.
Axier Sukia eta Egoitz Lizasok (@elizaso) 2011ko Donostiako Klasikoak eman duenaren inguruan aritu dira. Hauek dira jorratzen dituzten gai nagusiak:
– Kronika: Gilberten nagusigoa Vanenderten laguntza bikainarekin. Samuel Sanchezen adierazpenak lasterketaren ondoren.
– Euskaldunak: Haimar Zubeldiaren jarrera eta emaitza.
– Bitxikeria: Tropela maillotaren presentzia Donostiako Klasikoan.
– Gure Tropela: “berrio” erabiltzailearen garaipena. Kinielan izandako aukeraketen inguruko hausnarketa.