Euskara, teknologia eta txirrindularitza
Post honetan Raul Perezek (@raulperezmartin), Iban Perezek (@piban) eta Egoitz Lizasok (@elizaso) grabatutako podcasta aurki ditzakezue. Podcast honetan 2013 Frantziako Tourrari errepasoa egiten diote, denboraldiko zazpigarren kinielari begira interesgarri izan dakizukeena.
Hona hemen jorratu diren gaiak:
– Aurtengo edizioa 100. edizioa da. Horrek ibilbidean eragina izan du
– Lasterketaren egitura aztertzen da ibilbideari dagokionez
– Aurtengo edizioko berritasunak
Emakumeen Biraren berri baduzue ere, seguru post honetan jarriko dizkizuedan datu asko ez dituzuela jakingo. Datu orokor horiek bildu nahi nituen ostegunean hasiko den lasterketaren berri ematen hasteko.
Continue reading “Emakumeen Biraren inguruko informazio orokorra”
Egontan maiatzean izanagatik ere eguraldia benetan kaxkarra dugu. Baita Giroan bertan ere eta horren ondorioz Wigginsek, gaixotuta, lasterketa uztea erabaki zuen atzo. Galera handia antolatzaileentzat, baina asteburuari begira buruhauste handiagoa etorri zaie.
Post honetan Axier Sukiak (@sukigalp), Iban Perezek (@piban) eta Egoitz Lizasok (@elizaso) grabatutako podcasta aurki ditzakezue. Podcast honetan 2013 Paris-Nizako lasterketari errepasoa egiten diote, denboraldiko lehen kinielari begira interesgarri izan dakizukeena. Hona hemen jorratu diren gaiak:
– Tropelako kiniela: zer eman dio kinielari euskaldunen multzoa ez izateak?
– Ibilbideari errepasoa.
– Hautagaiak: zein izango dira Paris-Nizaren lehian? Faborito nagusiak ez dira lasterketa honetan izango.
– Azkarrak.
– Besteak: multzo honetan euskaldunak ere aurkitzen dira. Esprinter gutxi bertan; gehienak etapa ehiztariak.
Argazkia: letour.com
Paris-Niza lasterketako ibilbideak ez du inor aho bete hortz utzi. Aldaketa handirik ez dago, egia esan. Lehen etapa erlojupekoa izango da, baina erlojuz kontra ondo moldatzen direnentzat baino, aproposagoa izango da esprinterrentzat, hiru kilometro besterik ez baitituzte egin beharko. Hurrengo etapak nahiko lauak dira; beraz, litekeena da esprinterrek baliatu nahi izatea euren aukerak.