Tropela.net-ek euskara sustatzeko webgunerik onenaren Buber saria jaso du

Tropela.net-ek 2009ko Buber Sarietan irabazitako garaikurraGaur Euskararen Nazioarteko eguna izanik, sari honek esanahi bereziagoa du Tropela Elkarteko kideontzat. Gure webgunea, Tropela.net, euskara sustatzeko webgunerik onenaren atalean finalisten artean zen. Gaur arratsaldeko Buber sari banaketa ekitaldian 3 finalisten artean garailea zein izango zen egin behar zuten publiko eta Tropela.net izan da epaimahaik aukeratu duena.

Tropela Elkartea sortu genuenetik euskara teknologia berrietan bultzatzea genuen helburu. Horretarako aisialdia eta txirrindularitza uztartzen genuen webgunea sortu genuen 2005ean. Urtetik urtera hobetzen eta egokitzen joan gara webgunea dugun jarraipena dela eta. Era berean, gero eta gehiago zarete webgunean parte hartzen duzuenak urteak aurrera joan ahala eta horrek interneten euskararen erabilpena indartzen du. Horren guztiaren isla izan da gaur jaso berri dugun sari hau. Beraz, laguntzaile, jarraitzaile eta parte hartzaile zareten guztioi gure eskerrik beroena, sari hau guztiona baita. Zorionak guztioi!!

Garaikurra

Plazer bat izan da garaikur hau Jose Maria Muñoa (Eusko Ikaskuntzako presidentea) jaunaren eskutik jaso izana, berak gogora ekarri digun bezala, bereziki Euskararen Nazioarteko egun honetan. Gustura jaso dugu saria, baina garaikurra begiratzen aritu garenean zerbait lekuz kanpo balego bezala jabetu gara. Zuk antzeman al duzu?

Tropela euskararen alde

Euskararen Nazioarteko EgunaGaur Euskararen Nazioarteko eguna da. Tropela Elkarteak bere aldetik, gaurko egunari bere garrantzia emateaz gain, urte osoko jardueraren bidez aritzen da euskararen alde webgune honen bidez. Zer ospatua izan dezakegu, baina zer egina ere bai.

Gaurko eguna dela eta, dakizuen bezala Tropela.net webgunea Buber sarietan finalisten artean da eta gaur jakingo da dagokigun arloan gure webgunea saritua izango den ala ez. Sari banaketa ekitaldia arratsaldeko 19:00tatik aurrera izango da Kursaalen eta bertan jakin araziko dituzte sarituak.

Tropela.net Buber sarietan finalista

tropela_buber2009Orain egun batzuk nola Tropela.net Buber sarietarako hautagai zen jakin arazi genizuen. Finalera iritsi ahal izateko zuen bozak behar genituen. Ba bozka horiei esker Tropela.net finalera sailkatu da. Aste honetan zehar epaimahaiari dagokio aukeraketa egitea. Zuei bezala epaimahaiari webgunea gustuko bazaio, Tropela.net saritua izan daiteke. Hori abendua hasieran jakingo dugu.

Gure eskerrik beroenak bozka eman diguzuen guztioi!

Tropela.net Buber sarietan hautagai

2009_bubersariakBuber sariak euskal webguneen artean banatzen diren sariak dira. Aurtengoa 7. edizioa izango da eta Tropela.net “Euskara sustatzeko webgunerik onena”ren sailean hautagai da. Dakizuen bezala Tropela.net txirrindularitzaren inguruan teknologia berriak, internet, eta euskara sustatzeko asmoz sortutako proiektua da horregatik dugu webgunea euskara hutsean.

Sari banaketa honetan, ordea, zuen laguntza beharrezko zaigu. Azken erabakia epaimahai batek hartuko badu ere, hautagai hauen guztien artean Tropela.net finalista izan ala ez zuek aukeratuko dituzue. Hori dela eta Buber sarien webgunean erabiltzailea sortu eta aipatutako atalean Tropela.net-eri bozka ematea eskatzen dizuegu. Anima zaitezte eta Tropela.net-i eman zuen bozka!! Ah, eta ez ahaztu ingurukoak ere jakinaren gainean jartzeaz!!

Oilar asko eta Armstrong!

Armstrong livestrong mallotarekin15 egun barru hasiko Italiako Giroa, ehunurteurrenaren Giroa. Ez da ehungarren ekitaldia, 92.a baizik, baina 100 urte betetzen ditu Giroak eta beraz, aurtengoa berezia izango da. Berezia izatea nahi zuten antolatzaileek eta ibilbidean esperimentuak txertatu dituzte: Taldekako erlojupekoa Venezian, bakarkako erlojupeko oso luzea (61 km), 83 km-ko etapa laburra izugarrizko igoerarekin (Blockhaus), 100 itzuliko zirkuitua Milanon, Erromako amaiera eta nola ez, mendi eta aldapatxo ugari… Baina Giro hau benetan erakargarria egiten duena beste gauza bat da: Lance Armstrong-en parte hartzea!

Ondorioz, ia urtero bezala, aurtengo ekitaldiak ere lasterketa ikusgarri bat izateko osagai guztiak ditu. Eta parte hartzaileak edo hautagaiak? Etorriko al dira? Armstrong-ek izango al du aurkaririk? Ba bai, eta ez nolanahikoak.

Oraindik parte hartzaileen zerrenda ofizialik ez da kaleratu baina denen ahotan dabiltza honako izen hauek:

– Ivan Basso: 2006ko garailea. Bi urteko zigorraren ondoren aurten itzuli da.

– Danilo Di Luca (LPR): 2007ko garailea.

– Damiano Cunego (Lampre): 2004ko garailea.

– Gilberto Simoni (Serramenti): 2001eko eta 2003ko garailea. 7 aldiz podiuma zapaldutakoa.

– Marzio Bruseghin (Lampre): Iaz podiumean amaitu zuen 3.postuan.

– Carlos Sastre (Cervelo): Iazko Frantziako Tourreko garailea

– Denis Menchov (Rabobank): Tour gizona da baina iaz Giroa 5.postuan amaitu zuen.

– Levi Leipheimer (Astana): Tour gizona. Armstrongen taldekidea. Aurkaria etxean?

– Franco Pellizotti (Liquigas): Iazko Giroa 4.postuan amaitu zuen.

– Stefano Garzelli (Acqua Sapone): 2000ko garailea.

Badira, faltan botako ditugunak ere: Alberto Contador, Ricardo Riccó, Cadel Evans, Christian Vandevelde,  Schleck anaiak… baina halere hautagaien zerrenda itzela dela iruditzen zait. Ikusiko dugu zer gertatzen den. Buruari eragin beharko diogu bi aste hauetan Tropelan kiniela txukun bat egiteko!