Grabaketa astearte hontan izango da

Uztailaren 25eko grabaketarako 150 estra behar dira, errepide ertzean Tourreko zaleen papera egingo dutenak. Autobusa antolatu da.

Eutsi filmaren beste grabaketa irudi batEutsi izeneko euskarazko hirugarren film luzea grabatzeko lanak ekainaren 19an abiatu zituen Alberto. J. Gorritiberea zuzendariak Oarsoaldean, Baleuko eta Irusoin produkzio etxeek bultzatuta. Proiektua Aupa Etxebeste eta Kutsidazu bidea, Ixabel ondoren dator eta ETBren eta Eusko Jaurlaritzaren laguntza jaso du. Pelikulak euskal gizartearen kezka eta arazoak azaleratuko ditu.
Unai Iturriagak idatzi du umore puntua duen drama sozial honen gidoia, Gorritiberearen laguntzarekin. Protagonista nagusiak Anjel Alkain eta Asier Hormaza aktoreak dira, besteak beste Sorginen Laratza eta Wazemank telebista saioetan ezagun egin direnak. Txirrindularitzarekiko grina duten bi gazte dira hauek. 30 urtetik gora dute jada eta lanean egoera zaila dute, bi urte baitaramatzate greban. Egoera horri aurre egiteko, Frantziako Tourrean protesta ekintza bat egitea bururatuko zaie. Buru-belarri jarriko dira zeregin horretan, baina neskatila gazte batekin (Oihana Martikorena) egingo dute topo. Ondorioz, bi gazteen arazoak eta beldurrak begi-bistan geldituko dira. Continue reading “Grabaketa astearte hontan izango da”

Eutsi filmaren grabaketak atzeratu egingo dira

LaneanEguraldi txarra dela eta gaurko eta biharko aurrikusita zeuden grabaketak bertan behera geratu dira. Ondorioz, bihar, uztailak 12, estrak Lizarraga mendatera gerturatzeko autobusak ere ezerezean geratzen dira.

Gure webgunean jarriko dugu noiz izango diren grabaketak, egunak zehazten direnean.

Eutsi filma zer da? Baleuko etxea grabatzen ari den euskarazko filma bat da bertan aktore ezagunek parte hartzen dutela. Informazio gehiago aurreko asteko berri honetan aurki dezakezue.

Eutsi filmaren grabaziora joateko autobusa. Izena emateko azken egunak.

Uztailaren 12ko grabaketarako 150 estra behar dira, errepide ertzean Tourreko zaleen papera egingo dutenak. Autobusa antolatu da.

Eutsi filmaren grabaketa irudiaEutsi izeneko euskarazko hirugarren film luzea grabatzeko lanak ekainaren 19an abiatu zituen Alberto. J. Gorritiberea zuzendariak Oarsoaldean, Baleuko eta Irusoin produkzio etxeek bultzatuta. Proiektua Aupa Etxebeste eta Kutsidazu bidea, Ixabel ondoren dator eta ETBren eta Eusko Jaurlaritzaren laguntza jaso du. Pelikulak euskal gizartearen kezka eta arazoak azaleratuko ditu.
Unai Iturriagak idatzi du umore puntua duen drama sozial honen gidoia, Gorritiberaren laguntzarekin. Protagonista nagusiak Anjel Alkain eta Asier Hormaza aktoreak dira, besteak beste Sorginen Laratza eta Wazemank telebista saioetan ezagun egin direnak. Txirrindularitzarekiko grina duten bi gazte dira hauek. 30 urtetik gora dute jada eta lanean egoera zaila dute, bi urte baitaramatzate greban. Egoera horri aurre egiteko, Frantziako Tourrean protesta ekintza bat egitea bururatuko zaie. Buru-belarri jarriko dira zeregin horretan, baina neskatila gazte batekin (Oihana Martikorena) egingo dute topo. Ondorioz, bi gazteen arazoak eta beldurrak begi-bistan geldituko dira. Continue readingEutsi filmaren grabaziora joateko autobusa. Izena emateko azken egunak.”

ZIKLO kmk 06

XV. Gipuzkoako Txalenge Zikloturista

Euskara muga guztien gainetikBihar, ekainaren 25ean, Oiartzungo Haurtzaro Ikastolak, aurtengo Kilometroak antolatzen duen ikastolak antolatuta III. Ziklokilometroak egingo da. Zikloturistentzako plan bikaina eta ibilbide zoragarria. Ibilbidea osatzerakoan antolatzaileek aurten Nafarroa Oinez Beran izango dela eta Herri Urrats, beti bezala, Senperen izan dela kontuan hartuz, Oiartzun, Senpere eta Bera lotzen dituen ibilbide eder bat osatu dute. Irteera eta helmuga Oiartzunen izango dira, Done Eztebe plazan, eta anoa-postua Beran egongo da. Inskripzioa han bertan egin beharko da eta 15 euro kostatuko da. Helmugan hamaiketakoa izango denentzat eta bestelako hainbat zerbitzu ere emango ditu antolakuntzak, Lartaun zikloturista elkargoaren laguntzaz.
Informazio gehiago nahi izanez gero (ibilbide zehatza, perfila eta abar) Kilometroetako webgunean aurkiko duzue.

Animatu, ondo pasako duzue eta!

Tropela.net ere euskarazko webgune elebakar bisitatuenen artean

Tropela.netCybereuskadik, Alexa webgune estatubatuarrak plazaratzen dituen webguneei buruzko datuetan oinarrituta, Euskal Herri osoko sailkapen-zerrenda argitaratu berri du. Sailkapen-zerrendok webguneek jasotzen duten bisita kopuruaren arabera osatzen dira hain zuzen ere. Erabili.com webgunea, berriz, haratago joan da eta euskara hutseko lehen hogei webguneen sailkapen-zerrenda argitaratu du. Sailkapen honen arabera, Tropela.net 19. postuan agertzen da.

Tropela Elkartearentzat berri hau pozgarria den arren, are eta pozgarriagoa da jakitea iazko datuekin alderatuta, euskara hutsezko webguneek aipatutako sailkapenean gorantz egin dutela.

Zorionak, beraz, euskal nabigatzaile guztioi!!