Tropela Elkartea

Tropeleko sari banaketa eta sari gehiago

Eztabaida sakonean sartu da gure Tropela. Dopaje kontuak bete dituzte gure berrien atalak baina Tourra aurrera doa eta Tropeleko lehiaketa ere bai. Tropela.net sari banaketa 2005

Igandean emango zaio amaiera Tourrari, oraindik nola amaituko den ez badakigu ere. Dakiguna da sariak ditugula gure partehartzaileen artean banatzeko, sari ugari. Askok jardun duzue galdezka nola eskuratu behar diren sariak eta hori, aurreko edizioetan bezala, sari banaketa ekitaldi batean izango da. Ekitaldi hau Zestoako Bainuetxean burutuko da abuztuaren 3an arratsaldez, hau da, hurrengo asteko ostiralean. Ordua hurrengo egunetan zehaztuko dugu.

Beharrezkoa izango da Continue reading “Tropeleko sari banaketa eta sari gehiago”

Astana, Cofidis eta Tropela

Moreni Ez, Tropela Elkarteak ez du positibo eman. Eta lasai, ez dugu emango nahiz eta txirrindularitzari oso lotuak izan. Hor dago gakoa, azken orduotako gertakarien ostean badirudi bai txirrindulariak eta bai ingurukoak susmagarriak garela.

Atzo Astanak hartu zuen etxerako bidea Vinokouroven positiboaren ondoren eta gaur jakin dugu Morenik ere testosteronarekin positiboa eman zuela 11. etapan. Bai, arraroa izan da Vinokouroven positiboa 13. etapan izanda lehenago jakin izana. Beharbada Cofidis taldea frantziarra delako? Kontu teknikoak soilik ere izan daiteke horren arrazoi. Kontua da Cofidisek ere Tourra utzi duela (Wiggins eta Chavanel tarteko).

Eta Tropelak positibo eman ez badu ere, Tourra utzi behar al dugu? Hori ere pentsatu dugu. Zergatik egin kirol honi horrelako jarraipena protagonistek nahiz eta UCIren agiria sinatu doping kontuekin jarraitzen badute? Afizionatuok merezi al dugu horrelakorik? Ez dugu uste eta iazkoaren ondoren (Puerto operazioa, Landisen positiboa,…) aurrera darraigu.

Baina nola jokatu Tropelako lehiaketari dagokionez honelako egoren aurrean? Continue reading “Astana, Cofidis eta Tropela”

Tropelari lagundu nahi? Erosi kamiseta bat

Duela bi urte egin genuen bezala, aurten ere Tropela Elkarteak kamiseta eder batzuk atera ditu udan janzteko. Kamiseta hauen salmentarekin ateratako diruarekin ditugun gastuak kubritzea dugu helburu: hosting-a, telefono deiak eta abar.

Diseinu aldetik oso ederrak dira eta koloreei dagokienez udarako aproposak, kolore bizi-biziekin. Mutiletan lima koloreko eta laranja koloreko kamisetak dituzue aukeran eta nesken modeloan berriz kamisetak zuriak dira. Guztiek Tropelaren logoarekin jokatuz egindako marrazki bat dute. Mutiletan aurrealdean erdi-erdian doa marrazkia zuri eta beltzez eta nesketan berriz, behealdean doa marrazkia eta berdea eta beltza konbinatzen dira.

Orain artean arrakasta ona izaten ari dira kamisetak. Ea denon artean ea kamiseta guztiak agortzen ditugun!

Kamiseta bat nahiko lukeenak eta bide batez, Tropela Elkarteari laguntzatxo bat eman nahi dionak, bere kamiseta kamiseta_bat_nahi_dut@tropela.eus helbidera mezu bat bidaliz eska dezake. Bidali zuen datuak, kamiseta modeloa eta talla eta nora bidali behar dugun. Ondoren, ordainketa zein helbidetan egin behar duzuen adieraziko dizuegu eta behin ordainketa bideratu ondoren, etxean jasoko zenukete eskatutako kamiseta.

Kamisetei buruzko informazio gehiago aurki dezakezue kamiseten atalean eta zalantzaren bat izanez gero kamiseta_bat_nahi_dut@tropela.eus helbidean galdetu eta argituko dizkizuete duda guztiak.

Bestalde, norbait animatuko al litzateke bere denda edo komertzioan Tropela Elkarteko kamiseta hauetako batzuk saltzen? Pres bazaude, bidali email bat goian aipatutako helbidera eta hitz egingo dugu.

Guztion laguntza behar dugu proiektu hau sendotzen joateko. Tropela gustukoa baduzue eta identifikatuta sentitzen bazarate, badakizue, kamiseta zoragarri bat erosiz laguntza ederra eman dezakezue. Eskerrik asko.

Emaitzak sartu ditugu

Tropela Azkenean sartu ditugu emaitzak! Ez da lan erraza izan erabiltzaileak aztertzea eta erabakitzea onargarriak ziren ala ez. Kasu batzutan zalantza asko izan ditugu eta erabakirik zuzenena hartu beharra genuen. Arauak garbi jarri genituen eta hauek betetzea izan dugu helburu. Izan ere doako lehiaketa da eta guztiok aukera berdinak izatea nahi dugu.

Aztertu ditugu erabiltzaile guztiak eta ezabaketen ondoren 6.269 kiniela ditugu lehiaketan. Emaitzak ere sartu ditugu jada. Badakigu asko zinetela gogo biziz atzoko eta gaurko emaitzak jakiteko. Lasai, geu ere bai.

Atzoko sarrerako etapan ijito ordiziarra izan genuen garaile. Beretzat izango da Eneritz Iturriagaren maillota eta 3 ardo botila. Bigarrena aupahorner hernaniarra izan da eta berarentzat Argiaren mahai jokoan. Gaurko etapan lehen bi sailkatuak amatio eta aupagu bi emakumezko beasaindar izan dira. amatiok Mikel Gaztañagaren maillota irabazi du.

Zorionak guztioi eta zorterik onena opa dizuegu! Hau hasi besterik ez da egin!

OHARRA: Prologoko sailkapenak bihar

Tropela Erabiltzaile eta kiniela kopuru handia dela eta guztiei errepaso bat ematea denbora dezente joko duenez, gaurko prologoko emaitzak eta sailkapenak bihar eguerdian jarriko ditugu. Tropelako lehiaketako arauak jarraituz, datu faltsuak dituztenak eta kiniela bat baino gehiago egin dituzten erabiltzaileak aztertu eta parte har dezaketen ala ez erabakiko da.

Barkatu eragozpenak.

Tropela Elkartea