Erlojupekoa bertan behera geratu ondoren, Vladimir Efimkin (Caisse d’Epargne) eguneko protagonistarekin hitz egiteko aukera izan genuen. Goizeko etapa irabazi ondoren, biharko azken etapa gogorrari liderraren maillot urdinarekin egingo dio. Berak dioenez itzulia irabazteko asmotan aterako da. Ikusiko dugu.
Egile Artxiboak:Tropela Elkartea
Podiuma hutsik, euria garaile
Kurutziaga Hotelean gaude, Durangon, Liquigas eta Euskaltel-Euskadi taldeak atseden hartzeko duten hotelean. Zenbait txirrindularik bertara etortzeko esan digute maillotak jasotzera. Ari gara bai pixkanaka apurka maillotak biltzen. Eskerrik asko berriro ere euskal txirrindulari guzti hauei beren eskuzabaltasunagatik.
Gaur arratsaldean erlojupeko garrantzitsua genuen Abadiñoko herrian. Arratsaldeko hiruretan ikaragarrizko beroa izan dugu eta bertako termometro batek 35ºC ere erakusten zituen. Bero eta eguzkia nagusi.
15:17ak aldera irten da lehen txirrindularia eta seguru kexu izango zela egiten zuen beroagatik. Txirrindulariak iristen joan dira, baina 16:45ak aldera aurreikusita zegoen eguraldi aldaketa hasi da. Mendialdean tximistak ikusten genituen eta gero izugarrizko ekaitza. Hainbestekoa izan da antolakuntzak lehiaketa bertan behera uztea erabaki duela. Dirudienez helmugan bertan grua edo dorreren bat ere erori egin da eta txirrindularien segurtasuna bermatu asmoz hartu dute erabakia.
Tropela Abadiñotik zuzenean
Hemen gaude Tropela Elkarteko zenbait kide Abadiñoko herrian Euskal Bizikletari jarraipen txiki bat egiteko (une honetan, taberna batetik idazten). Helburu nagusia euskal txirrindulariekin harremanetan jarri eta Frantziako Tourreko sarietarako beraiek sinatutako maillotak eskuratzea dugu. Zenbaitek jada eskaini dizkigute hona etorri aurretik (Egoi Martinez, Amets Txurruka, Bingen Fernandez, Haimar Zubeldia, …) eta orain gutxi Mikel Gaztañaga (Agritubel, Tourrera doan beste euskaldunetako bat) eta Beñat Albizurirekin (Euskaltel-Euskadi, gaurko goizeko etapako lehen euskalduna) hitz egin dugu eta beraiek ere eskainiko dizkigutela ziurtatu digute. Ongi hasi da goiza.
Aurrikusten zen bezala goizeko etapa labur honek itzulian bere eragina izan dezake. Caisse d’Epargne-ko taldeburua ihes eginda iritsi da Abadiñoko helmugara eta segundo oso garrantzitsuak lortu ditu. Harrigarria Saunier Duvalek sailkapen nagusiko beste txirrindulari bati Continue reading “Tropela Abadiñotik zuzenean”
“maribel” garaile 2007ko Giroan
maribel izan da aurtengo Giroko garailea eta berarentzat izango da Atxaspi Hoteleko sari eder hori. Eta esan merezimenduz irabazi duela; izan ere, usurbildarrak azkeneko bost etapetan izan du lidertza eta aurrez 5 eta 6. etapetan. Zorionak, maribel!
Podiumeko bigarren eta hirugarren postuak Claudia donostiarrak eta maialen errenteriarrak osatu dituzte, hurrenez hurren. Maialen juxtu xamar sartu bada podiumean (laugarren postuan geratu den epndrtri 8 puntu besterik ez baitio atera), maribel ere garaile 31 punturen aldeaz bakarrik izan da. Continue reading ““maribel” garaile 2007ko Giroan”
Igandean Laudioko Sari Nagusia
Datorren igandean, ekainak 3, Euskal Herriko beste txirrindularitza proba bat izango dugu Laudion. Txirrindulari profesionalentzat Araban egiten den proba bakarra da eta aurtengoa ere ongi prestatuta dute antolatzaileek. Laudio Sari Nagusiaren 58. ekitaldian ehun bat txirrindularik parte hartzea espero da eta irteera eta helmuga Laudion bertan izango ditu.
Ibilbideko oztopo nagusiak Makuartu eta Garateko gainak dira eta azken honek lasterketako irabazlea erabaki dezake, Laudioko helmugatik 5 kilometrotara baitago.
Ea euskal txirrindulariren batek beste garaipen bat lortzen duen hilabete hau nahiko oparoa izaten ari baita euskal garaipenei dagokienez (Koldo Gil, Mikel Gaztañaga, Igor Anton eta Pablo Urtasun). Informazio gehiago izateko Euskal Txirrindulariak atala begiratu dezakezue.