Egile Artxiboak:Tropela Elkartea

Barkatu eragozpenak

TropelaSentitzen dugu azken orduetan izandako arazo teknikoak direla eta zerbitzu egoki bat ezin eman izanagatik. Gure barkamenik sendoena helarazi nahi dizuegu bai baitakigu asko eta asko zaretela emaitzak ikusteko irrikitan zaudetenak.

Dakizuen bezala gero eta gehiago zarete Tropeleko lehiaketan parte hartzen duzuenak. Hori dela eta zerbitzaria aldatu beharrean izan gara eskari kantitate hauei aurre egiteko. Aldaketa prozesu honetan uste ez genituen konplikazioa batzuk jazo zaizkigu eta horren ondorioak pairatu ditugu eta dituzue. Hori dela eta, atzo webgunea probisionalki istearen erabakia hartu genuen konponketa lanei ekiteko.

Gogor jardun dugu arazoa lehen bailehen konpontzeko. Azkenean lortu dugulakoan gaude eta espero dugu aurrerantzean horrelako arazorik ez izatea.

Asko estimatzen dugu gugan jarritako konfidantza. Ia arazoa hau gainditu eta Giroaz gozatzeko aukerarik dugun. Zorteriko onena opa dizuegu guztioi!

Tropela Orioko erlojupekoan

Tropela Elkartea Orioko erlojupekoa jarraitzen izan zen. Bertatik David Herrero irteeran izango ez zela jakinarazi genizuen, eta zoritxarrez, gaur esan dutenaren arabera, hilabetez korritu ezinda izango da txirrindulari bizkaitarra. Beraz, ezin izango du Euskal Bizikletan parte hartu hasieran espero zuen bezala. Gure animorik beroenak Davidi!

Orion bizi izan genuena bideo honetan bildu dugu. Espero dugu gustukoa izango duzuela!

Grabaketa eta bideo edizioa: Imanol Agirre

Vuelta al País Vasco

Atzo Orion izan ginen egun pasa beste zaletu asko bezala. Xaloa tabernan bazkaltzeko asmotan geundela herriko Karkara aldizkariari begirada bat eman guztiz identifikatuta sentitu ginen zutabe-artikulu bat topatu genuen Euskal Herriko Itzuliari buruz eta hona ekartzea erabaki genuen. Artikulua Ana G. de Txabarrik idatzia da eta hemen daukazue oso-osorik:

Vuelta al País Vasco

Euskal Herritik pasa behar duenean ahaleginak eta bi egiten dira munduko txirrindulari proba handienak ere aitor eta erakuts dezan euskaldunen herrian gaudela. Izugarrizko garrantzia ematen diogu, gutxi bada ere, Tourrean zerbait euskaraz agertzeari: toki izenak elebitan ikusteari, arrivé-rekin batera helmuga azaltzeari. Txirrindulari saiatuei eta gogorrei animoak emateko ikurrinen koloreekin betetzen ditugu Pirineotako zelaiak: jakin dezatela nolakoa den zaletu euskaldunaren grina.

Hemen dugu gurea, Euskal Herriko izena daraman txirrindulari itzulia, handia izan nahi duena, bertako periodiko batek antolatua, etxeko erakundeek lagundua, herriko jendeak eskuzabal musu-truk bultzatua eta aterako ditugu ikurrinak eta grinak, zaleez gainezka beteko ditugu Aiako eta Orioko zelaiak, baina bideko bazter batean ahaztuta utziko dugu euskararen herrian gaudela: Hitz bat bera ere ez dator euskaraz Organizaciones deportivas El Diario Vascok emandako txosten eta argibide liburuan.

Tori Itzulia!

Nork emango dio buelta horri?

ANA G. DE TXABARRI

[Karkara aldizkariko 239. alea]

Euskal Herriko Itzulian, Tropelik ba ote?

Euskal Herriko Itzulian 2008 IbilbideaPixkanaka ari da gerturatzen tropeleko txirrindularirik onentsuenak Euskal Herriko errepideetan lanean jarriko dituen Itzulia. Apirilaren 7an emango zaio hasiera probari eta aurtengo Itzuliak, iaz bezala, 6 etapa izango ditu 6 egunetan banatuta.

Legazpin emango zaio hasiera Itzuliari eta larunbatean Orion amaituko da. Orion jokatuko den erlojupeko aldapatsu eta konplikatuak emango digu aurtengo txapelaren irabazlearen izena. Hemengo iruzkinetan aipatu dutenez, erlojupekoak ziklistek Aiara bidean igo beharreko maldak ez dira nolanahikoak. Gainera 20 kilometroko lan batean denbora tarte handiak jan edo kendu daitezkeenez etapa erabakigarria izango dela ez da zalantzarik.

Parte hartzera etorriko diren txirrindularien zerrenda ez dugu ezagutzen baina ziur gaude ziklista asko eta askok oso gustukoa dutela lasterketa hau eta apirilaren 7a iristeko irrikitan daudela. Irrikitan eta desiatzen dauden besteak zaletuak izan ohi dira. Jada mordoxka batek galdetu dute blogean ea lehiaketarik egongo den edota txirrindularien multzoak noiz publikatu behar ditugun.

Zaletu guzti hauek lasaitzeko adierazi nahi genuke Tropelak iaz antolatutako lehiaketa guztiak errepikatzeko asmoa duela eta beraz, Euskal Herriko Itzulian ere jada tradizio bihurtzen ari den txapelketa antolatzeko lanean jo eta su ari dela. Alegia, Euskal Herriko Itzulian Tropelako lehiaketa izango da eta sariekin gainera. Nabarituko zenuten bezala, Tropela.net webgunea diseinu aldetik eraberrituta dator eta Itzulian parte hartuko duten ziklisten zerrenda hein handi batean osatzen dugunean kiniela egiteko epea irekiko dugu. Ea datorren astelehenerako abian jartzen dugun Euskal Herriko Itzulia 2008. Bitartean pazientzia pixka bat eskatzen dizuegu…

Gaztañaga garaile Loire Atlantique klasikoan

Atzo jokatu zen Loire Atlantique klasikoaren bederatzigarren edizioa eta bertan Mikel Gaztañagak denboraldiko lehen garaipena lortu zuen. 18 kilometroko zirkuitu bati hamar itzuli eman behar zizkioten ziklistek helmuga Nantes inguruko herri txiki batean kokatua zegoela. Itzuli bakoitzean pare bat muino ere igo behar zituzten baina gogortasun askorik gabeak.

Gaztañ�aga garaile Loire Atlantique klasikoanHelmugarako 30 kilometro inguru falta zirela Continue reading “Gaztañaga garaile Loire Atlantique klasikoan”