Aireportu, itsas portu eta bestelakoak

Bilboko portuaSpanair konpainiak Hondarribiako aireportutik hegaldiak jarri ditu abian Iberiaren Air Nostrum konpainiaren eskaintza handituz.

Itsasoak, berriz, ez dio asko lagundu gure Unai Basurko itsasgizonari. Bost itsasoetako lasterketan Getxoko itsas portura itzuli beharrean izan zen gure ordezkaria itsaso zakarrak eragindako kalteak zirela eta.

Egia esan, ordea, portu hauen inguruko berriak interesgarri baderitzot ere, aspaldi isilean izan den bestelako Portu batetaz hitz egin nahiko nuke: ‘puerto’ operazioaz. Continue reading “Aireportu, itsas portu eta bestelakoak”

DVDari agur?

Jada hilabete batzuk aurrerago gogoz nintzen gai honi heltzeko, seguru bainago askok Blu-ray Disc eta HD DVD terminoak entzun dituzuela. Baina zer dira eta zer suposatzen dute?

Blu-ray DiscDakizuen bezala, multimedia aplikazio berriek eta definizio altuko telebistek informazio gehiago eskatzen dute, DVD batek gorde dezakeena baino gehiago. Beraz, DVDek baino gaitasun handiagoko diskoak beharrezko suertatu dira. Gogoan izan DVDaren aurretik CDa izan zela eta arrazoi beragatik DVDa merkaturatu zutela. Tendentzia argia da, Continue reading “DVDari agur?”

Leblanci buruz pare bat hitz

LeblancAtzo izan zen Euskal Herrian arras ezaguna zaigun Tourreko zuzendaria. Dirudienez aurreko urteko istiluak direla eta izan da bisita, euskal zaleak ‘sosegatu’ asmoz edo. Ez dut behar baino hitz gehiagorik egin nahi, beraz, harira noa.

Asko gara Pirinioetara Tourreko etapak disfrutatzeko asmotan joaten garenak baina badirudi gutxi batzuen aldrebeskeriak guztiok ordaindu behar ditugula. Ez deritzot zuzen Ibarretxerekin biltzeari euskaldun guztiok errudun izango bagina bezala ez baitut uste euskal zalegoa beste edozein baino txarragoa edo hobea denik. Zaletuak gara, asko, eta tartean denetik dugu.

Aurtengoan Pirinioetako etapak astean zehar jokatzea kasualitate hutsa izan omen da. Aurreko urteko gertakari haien ostean izandako adierazpenak gogoan, norbaitek hau sinisten badu, mesedez, eskua altxa dezala. Nik ez.

Eta amaitzeko, bertsoaren azken puntuarekin geratzen naiz: «Zale gartsuak nahi ditugu, txirrindulariak animatzen dituztenak, garrasi egiten dutenak, baina euren lekuetatik mugitzen ez direnak». Neuri ematen dit amorrurik gehiena txirrindularien aldamenetik korrika azaltzen diren ‘sanferminero’ horiek ikustean, baina badirudi euskaldun denok garela berez ‘sanfermineroak’ eta ez dugula, aurten behintzat, Pirinioetako etaparik disfrutatzerik merezi.

Euskaldunak Dolomitetan nagusi!

Garate garaileEz da txantxetakoa izan gaurko etapa bukaera! Nire larruazaleko ileak ere zutik jarri ditu! Bi euskaldun lehen hiruretan eta Voigtek erakutsitako kiroltasuna!

Garate irundarrak eta Vila beratarrak euskal txirrindularitzaren maila agerian utzi dute gaurko etapa garrantzitsuan: Garatek etapa garaipena eta Vilak hirugarren postua. Gaurko etapan 12 laguneko ihesaldian izan da gakoa. Bertan ziren Juanma eta Patxi. Tropelarekiko 6 minutuz gorako aldea lortu dute. Azken mendatean gora, San Pellegrinon, helmugaren bila, eraso ugari izan dira. Azkenean Garate eta Voigtek osatutako bikotea geratu da lasterketa buruan. Atzealdean ere mugimenduak izan dira eta Basso eta Simonik aurrera egin dute. Vila, berriz, lasterketa burura iritsi nahian ibili da baina ezin.

Garate izan da bikotean lan gehien egin duena, eta guztion zirrararako, Voigtek 400 metro falta zirela eskua luzatu dio eta han abiatu da Garate helmugara bakar bakarrik eta irrifartsu. Voigt bigarren eta Patxi Vila hirugarren. Zaila zen honelako emaitzarik aurrikustea jakinda zein garrantzi zuen gaurko etapak. Ezin liteke gehiago eskatu.

Zorionak bi txirrindularioi!!! Bejondeizuela!!

Giroa Belgikatik Italiara

giro.jpgAtzo atseden eguna izan zuten txirrindulariek. Beno, atsedena edota bidaia eguna. Piacenzan dute hitzordua gaurkoan eta talde lanean erlojuaren kontra korritzea egokitzen zaie. 38 kilometro izango dira Italiar lurretan aurtengo edizioan egingo dituzten lehenak. Gogoratu gure lehiaketan gaurko etapa ez dela puntuagarria.

Giro hasiera honetan aipagarriena Petacchiren erorikoa eta ondorioz erretiratzea izan da. Egoera honetan badirudi McEwenek ez duela esprintean areriorik izango. Continue reading “Giroa Belgikatik Italiara”