Aste honetan jakingo zenuten bezala, Espainiako Itzuliko etapak egituratzerakoan Euskal Autonomi Erkidegoa kontutan hartzea eskatzeko iniziatiba plazaratu da. 1978iaz geroztik ez dira Espainiako Itzuliko etapetan Euskal Autonomi Erkidegoko errepideak gehituak izan, beraz, jada 28 urte izango lirateke. Nafarroakoak, aldiz, gehituak izan dira.
Frantziako Tourrari dagokionez, ordea, orain hiru urte Baionan amaitu zen etapa izan da azkena eta aurretik beste zenbait izan dira. Aurten ere Euskal Herria kontutan izan da eta 10.etapa Kanbotik abiatuko da. Datu hauek kontutan izanda esan liteke Tourreko antolakuntzak garrantzi gehiago ematen diola euskal errepideei Vueltakoak baino.
Vueltako etapak Euskal Herrian zehar korritzeari ongi irizten diot, Tourrekoak korritzeari ongi irizten dioten bezala. Kezka iniziatibaren sorburuak eta izan dezakeen intentzionalitateak sortzen dit. Continue reading “Espainiako Itzulia Euskal Herrietako errepideetan?”
GOR diskoetxeko arduradunen esanetan, CDak hilak daude eta aurrerantzean beste era batetako salmentei ekin beharko zaiola. Hauen artean internet bidezko deskargak leudeke, Apple enpresak iTunes programaren bidez egiten duen bezalakoa. Abestien kostua 0,99 eurotakoa da eta disko osoa nahi izatekotan 9,99 euro ordaindu beharko lirateke. Disko batekin alderaturik, sei eta hamar euro merkeago izango litzateke internet bidezko erosketa. Ordainketa erari dagokionez, aurre ordainketako txartelak erabil daitezke,15 eta 25 eurotakoak.
Aurreko astean lau egunez bildu ziren munduko enpresa garrantzitsuenetako ordezkariak Bartzelonan izan zen 3GSMko kongresuan. Aurrekoa Cannesen izan bazen ere, oraingoan Kataluniako hiriburua izan da aukeratua.