Etiketa Artxiboak:Bernal

#489 Tropela.eus podcastak: 2021eko Italiako Giroa errepasoa – 20. etapa

Carusok (TBV) garaipen garrantzitsua azken mendateko etapan

Ikusgarria Giroko 20. etapa nahiz eta sailpanen nagusian aldaketa gehiegirik ez zuen sortu. Bardet (DSM) eta Caruso (TBV) oso ausart erasoan, Bernal (IGD) eta Daniel Felipe Martinez (IGD) bikian arrosaren defentsan. Azkenean Carusok etapa garaipena lortzeaz gain, bigarren postua sendotu zuen, hein handi batean Pello Bilbaoren (TBV) lan eskergari esker.

Atzoko etapak emandakoa eta gaurkoak eman dezakeenaren ingurukoak bildu ditu Egoitz Lizasok (@elizaso) podcast berri honetan.

Podcastera harpidetu

#487 Tropela.eus podcastak: 2021eko Italiako Giroa errepasoa – 19. etapa

Yatesek (BEX) etapa garaipena lortu du

Sailkapen nagusian aldaketarik izan ez bada ere, Bike Exchange taldeak etapan protagonista izateko nahia erakutsi du. Azkenean lan hori Yatesek (BEX) borobildu du etapa garaipena lortuz. Sailkapen nagusian aldaketarik ez eta Bernalek (IGD) eusten dio lidergoari.

Gaurko etapak emandakoa eta bihar eman dezakeenaren ingurukoak bildu ditu Egoitz Lizasok (@elizaso) podcast berri honetan.

Podcastera harpidetu

#485 Tropela.eus podcastak: 2021eko Italiako Giroa errepasoa – 17. etapa

Dan Martinek (ISN) etapa garaipen handia Giroko 17. etapan

Atseden egunaren ondorengo etapan, Dan Martinek (ISN) arantza kendu eta etapa garaipen handia lortu du eguneko ihesaldian sartuta. Azken igoera bikaina eginda, ondo eutsi dio hautagai nagusien tropelari eta bertan izandako erasoei. Gainara garaipen honekin hiru itzuli handietan etapa bana ditu palmaresean. Sailkapen nagusian aldaketak izan dira eta, Bernalek (IGD) lidergoari eusten badio ere, ahultasuna erakutsi zuen. Aurrera jauzi egitea lortu zuena Yates (BEX) izan da etapan hirugarren sailkatuta podiumeko postuetan sartu baita. Txanponaren beste aldea Evenepoelek (DQT) erakutsi du; erorikoa izan, eta etapa bukatu bazuen ere, ez da gaur irteeran izango.

Atzoko etapak emandakoa eta bihar eman dezakeenaren ingurukoak bildu ditu Egoitz Lizasok (@elizaso) podcast berri honetan.

Podcastera harpidetu

#484 Tropela.eus podcastak: 2021eko Italiako Giroa errepasoa – 16. etapa

Bernal (IGD) jaun eta jabe eguraldi traketsak baldintzatutako etapan

Dolomitetako etapa garrantzitsua, eguraldiak baldintzatua hasterako eta etapan zehar. Izan ere, antolakuntzak ibilbidea aldatu beharrean izan da eta edozein kasutan ere, eguraldi makurrak, telebistako irudiak ez izatea eragiteaz gain, triskantza eragin du tropelean. Nagusitasunez agertu dena Bernal (IGD) izan da, ia minutu t’erdiko errentarekin helmugaratu baita Bardet (DSM) eta Carusorekiko (TBV).

Gaurko etapak emandakoa eta etzikoak eman dezakeenaren ingurukoak bildu ditu Iban Perezek (@piban) podcast berri honetan.

Podcastera harpidetu

#483 Tropela.eus podcastak: 2021eko Italiako Giroa errepasoa – 15. etapa

Campenaerts (TQA) gailendu da azken metroetan etapa poltsikoratzeko

Transiziozko etapa Italiako Giroko 15. etapa hau. Espero bezala ihesaldiak bide egin du eta azken metroetan bi txirrindulari iritsi diren horretan, Campenaerts (TQA) izan da azkarrena. Sailkapen nagusian aldaketarik ez eta Bernalek (IGD) jarraitzen du buruan. Hori bai, Buchmannek (BOH) etxerako bidea hartu behar izan du eroriko baten ondorioz.

Gaurko etapak emandakoa eta biharkoak eman dezakeenaren ingurukoak bildu ditu Egoitz Lizasok (@elizaso) podcast berri honetan.

Podcastera harpidetu