Koldo Gilen erakustaldia Suitzan

Gil SuitzanA ze erakustaldia burlatarrak Suitzako itzuliko 6. etapan eman duena. Suitzako mendi garaietan oilarren borroka hasi denean hortxe egon da Koldo Gil, burua hotz. Unerik aproposenean erasoa jo eta bakarrik ekin dio maldaren azken kilometroei. Aurretik zihoazenak harrapatu, gailurrera heldu eta ziztu bizian jeitsi ditu helmugarako geratzen ziren kilometro apurrak. Etapa eta lidergoa berarentzat. Nafarraren atzetik Jorg Jasche eta Jan Ullrich izan dira indartsuenak.

Hiru hauen artetik irtengo da aurtengo Suitzako itzuliko garailea. Ea Saunier Duvaleko txirrindulariak besteekiko abantaila zertxobait handitzen duen, igandeko erlojupekoan maillot horia galdu nahi ez badu.

Lan bikaina Koldorena. Ea bukaera ezin hobea ematen dion egindako lanari.

Mayo nagusi!

Mayo DauphinenGaur jokatu da Dauphiné Libéréko etapa erregina eta Mayok irabazi. Gainera 1:20ko tartea atera dio bigarren izan den Valverderi.

La Croix de Fer mendate handian gora Mayo, Arrieta, Valverde eta Arroyok osatutako laukotea izan da lasterketa buruan. Atzetik, Leiphemer liderra eta Moreu distantziak mantentzen izan dira uneoro.

Azken mendatean gora, ordea, Valverde eta Mayo izan dira aurrera jo dutenak eta igorrekoak azken kilometroetan erasoa jo eta La Toussuiren garaipena eskuratu du. Garaipen garrantzitsua benetan. Continue reading “Mayo nagusi!”

Ia-ia podiumean hiru euskaldun

Koldo irabazleGaurkoan bai. Koldo Gilek atzo Euskaltel-Euskadiko aurrikuspenak zapuztu bazituen ere, gaurkoan David Herrerok Arrateko igoeran etapa garaipena lortu ahal izan du. Honekin ehun dira Euskaltel-Euskadik lortutako garaipenak.

Koldok ez du hutsik egin eta erraz eutsi dio lidergoari. Aurtengo edizioan bera izan da garaile nagusia itzuliaz gain bi etapa garaipen lortuaz. Bigarrena, Herrero bilbotarra 44 segundora. Azkenean, etapa, sailkapen nagusiko 2. postua eta erregulartasuna eta mendiko sailkapenak irabazita, Euskaltel-Euskadi ez dela esku hutsik geratu esan genezake. Continue reading “Ia-ia podiumean hiru euskaldun”

Guztia Saunier Duvalentzat

Koldo ospatzenGaurko etapak bi sektore zituen, eta erlojupekoan ondo moldatzen zirenek arratsaldean saio polita zuten liderrari denbora kentzeko. Saunier taldeak, ordea, lan bikaina egin du. Goizeko etapa beraien esprinterrak irabazi du, Ventosok (ez da harritzekoa) eta hori gutxi balitz, arratsaldean Koldo Gilek erakustaldia eman, erlojupekoa irabazi, guztiei tartea handitu eta Itzulia erabakita utzi duela esan genezake.

Bihar, azken etapan, eraso asko izango da baina indartsuena izaki, etapa kontrolatzeko arazo handirik ez dutela izango iruditzen zait. Bihar bai; bihar lana serio egingo dute Saunier Duvalekoek. Eta ez harritu Arrateko gainean liderra bera nagusitzen bada.

Orbeak etapa, Koldo Gilek Itzuli erdia eta Euskaltelek lana

Villega eta GilAzkenean iritsi da etapa zoroa eta ihesaldi arriskutsua. Lasterketako garailea markatu zezakeen ihesaldia. Liderraren taldeak, Saunier Duvalek, aurreko egunean lana beltz egin ondoren, gaur dena pikutara botatzea nahiago izan du. Euskaltel-Euskadik, etxeko taldeak, itzulia irabazteko bi gizon indartsu dituela eta teorian erlojupekoan Koldo baino hobeto moldatzen direnaren aitzakian. Penagarria. Eta gainera esango dute ihesaldian 3 gizon zituztela sartuta. Horrek ez du logikarik. Euskal Bizikleta ez irabaztea ez zitzaiola batere axola adierazi du jarrera horrekin.

Azkenean, etxeko taldeak oso akats larria egin dutelako (ihesaldian hiru gizon indartsuetako bat ez sartzea ez dut ulertzen nola gerta daitekeen ihesaldian 42 txirrindulari egonda) Itzuliko ardura hartu, ihesaldian zituenak atzeratu, eta lana beltz egin behar izan dute aurrekoek tartea modu eskandalugarrian handitu ez zezaten. Banan-banan, taldekide guztiak erre ditu talde laranjak eta baita liderrak ere, Haimar ezik. Continue reading “Orbeak etapa, Koldo Gilek Itzuli erdia eta Euskaltelek lana”