Kategoria Artxiboak:Frantziako Tourra

Iritsi da aurtengo txirrindularitza munduko hitzordurik garrantzitsuena, Frantziako Tourra. Duela urte gutxi txirrindularitzaren festa zen ekitaldi honek, denborarekin, zalantzez jositako egunak ekartzera ohitu gara. Zalantzak txirrindularien artean nork parte hartuko duen jakiterako orduan, zalantzak mediku kontroletan zerbait gertatuko ote den, zalantzak UCIk agindutako eskutitza sinatzearekin… utz ditzagun zalantza guzti hauek web orrian irekita dauden beste gaietako eta saia gaitezen hemen kirol arloari bakarrik aipamena egiten. Ez da ziurrenik lan erraza izango baina…

Urtero bezala badira Tourra irabazteko hautagai nagusiak. Eta hori berau Tropela Elkartearen porran ederki ikus daiteke. Aditu askok aipatzen dituzten Vinokourov edo Valverde bezalako txirrindulariak dira lehiaketan ere gehien aukeratu direnak. Hala ere, ez nintzateke euren multzo berdinean edo “Beste hautagaietan” dauden beste txirrindulariekin.

Italiako Giroan ez bezala asko dira Tourra irabazteko aukerekin irteten duten txirrindulari eta taldeak. Kasu askotan gainera, talde bakoitzak izen bat baino gehiago ditu sailkapenean goian amaitzeko: Valverde, Pereiro, Karpets Caissen, Vinokourov, Kloden, Kashechkin Astanan, Sastre eta Schleck CSCn, Leipheimer eta Contador Discoveryn… borroka polita ikusi dugulakoan nago.

Joango gara esprinterrak eta eskalatzaileak hobekiago aztertzen baina aurreko etapa 6km ko erlojupekoa dugu? zein duzue hautagai nagusia? Fabian Cancellararen izena aipatu beharrean gara baina lehiaketan zenbatek aukeratu duten ikusi ondoren ez da inongo ezustekoa izango. Gutxiago aipatzen den izen bat esatearren Stefan Schumacherren aldeko botua ere emango dut.

Joan zuen izenak ematen, idatzitako mezu hauetan irabazlea asmatu ezkero, betirako hor gelditzen bait da.

Gaur jarri dugu martxan Frantziako Tourreko lehiaketa handia, gauerdian. Urteko lehiaketa nagusia dela esan daiteke bai lasterketa partaidetzari dagokionez baita Tropeleko kiniela eta sariei dagokienez ere. Txirrindulariak Londresetik abiatu aurretik 3 aste izango ditugu gure aukeraketa egin, tropeltxoak antolatu eta gure kinielari azken ukituak emateko. Hiru aste hauetan batzuk azken lasterketak mimo handiz jarraituko dituzte txirrindularien forma zein den ezagutzeko eta urteko proba garrantzitsura nola eta ze asmorekin joango diren jakiteko.

Frantziako Tourrak ere gaurko eguna aprobetxatu du bere webgunea eraberritzeko. Dotorea baina oraingoz Londreseko lehen etapa ze ordutan hasiko den ez dute jarri. Garaia iritsi da eta guk dena prest jarri dugu zuek guztiok ziklistekin gozatu dezazuen. Tropelean, lagunekin, euskaraz!

Eta hori gutxi balitz, ondo pasatzeaz gain, izugarrizko sari ederrak irabazteko aukera izango da. Nork irabaziko ote du irabazlearentzat dagoen itsas-bidaia ederra? Frantziako Tourra hasi bitartean sarien zerrenda osatuz joango gara. Orain zuena da hitza. Has dadila festa!

Txirrindulari estatubatuarraren “B” analisiak aurreko analisiaren emaitzak konfirmatu ditu eta beraz, testosteronarekin emandako positiboa ofiziala da. Ondorioz, bi urtez ezingo du txirrindularitza probetan parte hartu eta badirudi, Frantziako Tourreko garaipena ere kendu egingo diotela. Hori horrela balitz, aurtengo Tourreko garailea Oscar Pereiro galiziarra genuke.

Oscar Pereirok gaur 18:00tan prentsaurrekoa emango du kontraanilisien emaitzak baloratzeko eta bere iritzia emateko.

Bestalde, Phonak taldeak Floyd Landis txirrindularia taldetik kanporatuko duenaren berria ere zabaldu da “talde barruko kode etikoa ez errespetatzeagatik”. Ikusiko dugu zer gertatzen den. Gogoratu txirrindulari amerikarrak legez kanpoko produkturik ez duela hartu adierazi zuela eta analisietako emaitza arraro horiek bere gorputzak berez eragindakoak direla esan zuen.

Gaur iluntzean egin da Zestoako bainuetxean sari banaketa eta jende dezente bildu gara. 36 sari genituen banatzeko eta irabazle gehienak horiek jasotzera hurbildu dira Zestoara.

Kepa Iribar Euskadi Irratiko kiroletako kazetariak eraman du sari banaketaren gidaritza eta sariak banatzen Iker Leonet (Caisse d’Epargne) oiartzuarra eta aurtengo Tourra bukatu berri duen Mikel Astarloza (Ag2r) izan dira. Hasteko, bi txirrindulariek pare bat galdera erantzun dizkiote Kepari eta eguneko berria ere jorratu dute, Astarlozak gaur bertan itxi baitu datozen bi urteetarako kontratua Euskaltel-Euskadi taldearekin. Oso gustura zegoen pasaitarra.

Ondoren, banan-banan 21 etapetako irabazleak Continue reading “Sari banaketa ederra!”

Atzo Tourreko kontroletako batean positibo bat egon zela adierazi zuten. Nik neuk txirrindulari “arrunt” batek emango zuela pentsatu eta ez nion garrantzia handiegirik eman. Gainera prentsa espainiarrak espainiarra ez zela esan zutenez, euskaldun batek ez zuela positibo hori eman pentsatu nuen.

Baina hara non, berria zabaltzen hasi da eta Danimarkako egunkari batean Floyd Landis-en izena agertu da susmagarri nagusi bezala. Badirudi azken egunetan parte hartu behar zuen kriteriumetara ez dela agertu eta gainera ezin dituztela lokalizatu. Egia ote da?

Oraingo honetan bai, txirrindularitza pikutara doa… Azken hiru itzuli handietako irabazleak doping kasuengatik kakaztuta… Iazko Vueltan Roberto Heras, Giroan Iban Basso (eta Gutierrez bigarrena) eta orain, Landisena Tourrean.

Oraindik ez da konfirmatu eta gainera kontranalisien zain egon beharko dugu baina… nik argi daukat. Informazio gehiago daukagunean emango dizuegu. Galdera honako hau da: Noiz jakingo dugu zein den aurtengo Tourreko irabazlea? Eta podiuma, argazkian dagoen bezala mantenduko al da?