II. Jokin Ormaetxea Kriteriuma Azkoitian

kartela_kriterium_08-2_1.jpgAurreko urtean martxan jarritako ekimenari jarraipena eman eta Jokin Ormaetxea zenaren oroitzapena bizirik mantendu nahian datorren Larunbatean Irailak 27 arratsaldeko 17:00tan Azkoitian Euskal Txirrindulari Profesionalen II Jokin Ormaetxea Kriteriuma ospatuko dugu.Bertan izango direla konfirmatu duten txirrindulari batzuk honako hauek dira:

Haimar Zubeldia
Koldo Fdez de Larrea
Amets Txurruka
Mikel Astarloza
David Lopez
Imanol Erviti
Igor Romero
Mikel Gaztañaga
Aitor Galdos
Juanjo Oroz
Josu Agirre
Igor Romero
Xabat Otxotorena
Dioni Galparsoro
Beñat Intxausti
Markel Irizar
Pablo Urtasun
Angel Vazquez

Eta azkoitiko afizionatu mailako Jokin Sudupe eta Jon Garate.

Antolatzaile den JOKIN ORMAETXEA TXIRRINDULARI ELKARTEAREN izenean denok gonbidatuta zaudete Euskal Txirrindulari festa honetara!!!!!!


Euskalteleko txirrindularien astea

Larrearen garaipena 2008ko Burgosko itzulianBerandu nator, bai, baina ez nuke aurreko astean Euskaltel-Euskadi talde euskaldunak izan dituen garaipenak aipatu gabe gehiago atzeratu. Nire aitak dioen bezala “berandu baina seguru!”.

Aurreko astean jokatu zen Burgosko itzulia eta bertan Fernandez de Larreak sprintean (nola ez) amaitu zen 3. etapan garaipena lortu zuen. Oker ez banako aurtengo 4. garaipena du gasteiztarrak. Bejondeizula Koldo!

Bigarren garaipena sonatuagoa izan da. Eta ez da harritzekoa lau urtez behin jokatzen diren joku olinpikoetan urrezko domina eskuratzea ez baita txantxetakoa. Samuel Sanchezek hori egun zuen Txinako harresiaren inguruan jokatu zen lasterketan. Asturiarrak “ESP” maillota eta Euskaltel-Euskadiko kaskoa buruan zuela eskuak aurpegira eraman zituen helmuga lehen postuan gurutzatu zuenean. Rebellin zaharrak (edo azeri zaharrak) zilarrezko dominarekin konformatu beharrean izan zen eta Cancellara brontzezkoarekin. Continue reading “Euskalteleko txirrindularien astea”

Multzoak aztertuz (V): Euskaldunak

Amets Txurruka Parisko podiumean iazAdiskide batek honako hau esan zidan: “Egoitz, nola jarri duzue euskaldunetan bi txirrindulari aukeratzeko? Garbi dago eta faborito Haimar eta Astarloza izango direla eta partehartzaile guztiek bi horiek aukeratuko dituztela. Ez zait iruditzen multzo hau erabakigarri izango denik guztiok txirrindulari berdinak hartuko baititugu”. Beharbada nire adiskideak arrazoi du eta asko izango zarete berak bezala pentsatzen duzuenak. Baina hain ziur al zaudete?

Dakizuen bezala hiru asteko lasterketa batean denetik gerta daiteke: erorketak, doping kasuak (iaz euskadunen artean Mayoren kasu sonatua izan genuen), gaixotzeak, ezinak… Faboritoei ere toka dakieke. Continue reading “Multzoak aztertuz (V): Euskaldunak”

Igor Antonek Suitzako etapa eta lidertza bereganatu ditu

Igor Antonek Suitzako etapa eta lidertzaBerandu gabiltza, baina atzo Igor Antonek garaipen garrantzitsua lortu zuen Suitzako itzulian. Igandea bitartean sei etapa geratzen dira oraindik, baina gaurko etapa eta gero lidertzari eusten dio eta seguraski biharko etapa ondoren ere bai.

Aurreneko etapan Freirek lortu zuen garaipena, baina Igor Anton eskalatzailea da, eta atzoko etapa Flumserberge lehen mailako mendian bukatzen zela baliatuz, garaipena eta lidertza eskuratu zituen Oinatz Bengoetxea bezala, sinistu ezinda izango da Galdakaoztarra, seguru. Benetan garrantzitsua atzokoan lortutakoa Arrateko garaipenak ihes egin baitzion eskutatik zaleok ulertzeko zail egin zitzaigun moduan, baina atzoko garaipenak itzalean utzi du Euskal Bizikletan jazotakoa. Continue reading “Igor Antonek Suitzako etapa eta lidertza bereganatu ditu”

Herreroren garaipen ederra!

David HerreroAurreko egunetan erakutsi zuen bai garaipen goseak jota zebilela bizkaitarra; aurreko bi etapatan hirugarren postuan sailkatu eta gero, Vianako helmugan bera izan da lehena gaurkoan. Garaipen handia, batez ere ikusita nortzuri gailendu zaien: Bettini eta Luis Leon Sanchezi hain juxtu.

Gustora azaldu da Karpin-Galiziako txirrindulari euskalduna komunikabideen aurrean. Dagoeneko helburua lortu duela zioen. Izan ere gogoratu beharra dago Karpin-Galizia ez dela ProTourreko taldea eta gonbidapen bati esker dagoela itzulian.

Baina Herrerok guztia eman al du? Ez dakit ba! Ez da ahaztu behar erlojuaren aurkako txirrindulari aparta dela eta beharbada kontuan hartu beharko genukeela larunbateko etapari begira. Egia da Orioko erlojupekoko ibilbidea ez dela bere ezaugarrietarako aproposena, baina ezustekoren bat eman dezakeelakoan nago. Hori bai, ez dut uste itzulia irabazteko bestekoa izango litzatekeenik, baina bai beharbada podiumean sartzeko.

Erakustaldi aparta ematen ari da David, zalantzarik ez. Baina ez al zen ba Euskaltel-Euskaditik alboratua izan maila ematen ez zuelako? Niri behintzat zer pentsatua ematen dit.

Argazkilaria: cyclinginside.com