Iparraldeko ortzadarraren bila

Errepide gaineko denboraldiaren hasiera lau haizetara zabaldu den honetan (Lance Armstrong-en itzulerak eraginda berez lasterketek duten garrantziak baino), ziko-krossarena bere amaierara ari da iristen, isilean, ohi bezala. Espezialitatearen puntu gorena heltzeke da oraindik ordea, asteburu honetan jokatuko baitira Herbeeretako Hoogerheide-n Munduko Txapelketak. Urteroko legez, proba nagusia gizonezkoen elite mailakoa izango da.

Lars Boom txapeldun Trevison (2008)Iaz Trevison txapeldun izan ostean, Lars Boom titulua berresten ahaleginduko da. Etxean finkatu ditu 2009rako helburuak herbeherearrak: bere Iparraldeko Brabanten bertan ospatuko den munduko txapelketa, eta goraxeago hasiko den Espainiako Itzuliaren atarikoa. Errepidera eman lezakeen behin betiko urratsak ordea iganderako grina piztuko dio seguru asko.

Hasiera batean biren arteko lehia behar luke igandeko lasterketak. Esan beharrik ez da, Boom-en arerio nagusia Sven Nys handia izango dela. Flandestarrrak ez dauka urteko zitarik garrantzitsuenarekin erlazio onegirik (behin baino ez da izan txapeldun), baina parte hartzen duen lasterketa orotan da faborito.

Continue reading “Iparraldeko ortzadarraren bila”

Munduko txapelketa ere jokatuko dugu!!

Urtero legez, Tropelako denboraldia Varesen jokatzen ari den Munduko txapelketarekin amaituko dugu. Dakizuen bezala igandean jokatuko den iraupen luzeko lasterketaren inguruan izango da lehiaketa eta egun horretako emaitzak erabakiko du garailea. Puntuazioak ikusteko Arauak atalean begira dezakezue. Irabazleak Ipintza-Rezola sagardotegian afari batetaz gozatzeko aukera izango du.

Gogoratu nahi genizueke lasterketa hau eta Munduko txapelketako gainontzekoak ETB-1etik jarraitzeko aukera dugula.

Zorte on guztioi!!

Munduko Txapelketa… nahasia

Bettini iaz podiumeanMcQuaid, valv., Bettini-Sinkewitz, Zabel, Valverde, Di Luca, Eddy Merckx, UCI, 18, Bugno, Altig, Museeuw, Landis, Pereiro, TAS, Kashechkin, Piti, oil for drugs… Zerrenda luzea da.

Txirrindularitzaz, nik neuk ez dut besterik entzun komunikabideetan egunotan. Izan ere, hasi da Munduko Txapelketa, baina lehia bigarren mailan geratu da beste behin. Eta domekan jokatuko da iraupen proba. Espainiako Itzuliak izandako arrakasta txikiaren ondoren (audientziak, jendea, emozioa…), ematen zuen Munduko Txapelketak nolabaiteko interesa piztuko zuela, baina ez da hala izan. Dopinaz bakarrik hitz egiten da.

Harira, partaidetza iraupen probarako: azkenean, Valverderi utzi egingo diote parte hartzen, baina nik neuk ez dut sartuko faboritoen artean, ez duelako ezer egin azken hilabetean. Ala bai? Auskalo. Bai, ordea, Freire eta Samuel Sanchez. Freirek ez du aurkezpenik behar, eta Samu oso indartsu dago. Gilbert (Belgika), Duque (Kolonbia), Zabel, Burghardt eta Schumacher (Alemania), Rebellin, Cunego, Bettini, Ballan, Pozzato… (Italia), Kirchen eta Schleck anaiak (Luxenburgo), Boogerd eta Dekker (Herbehereak), Popobitx (Ukraina), Cancellara (Suitza)…

Eta, zelan ez, esprinter edo gizon azkar asko: Richeze eta Garrido (Argentina), Haselbacher (Austria), Usau (Bielorrusia), Pagliarini eta Fisher (Brasil), Pütsep eta Tombak (Estonia), Feillu (Frantzia), Hammond eta Cavendish (Erresuma Batua), Kopp, Haussler eta Ciolek (Alemania), Hushovd (Norvegia), Hunter (Hegoafrika), Elmiger (Suitza), Backstedt (Suedia)…

Partaidetza erlojupekorako: faborito nagusia Cancellara suitzarra da, nire ustez. Baina lehia estua izango du: Lang (Alemania), Millar eta Wiggins (Erresuma Batua), Jose Ivan Gutierrez (Espainia), Bodrogi (Hungaria), Zabriskie eta McCartney (AEB), Gusev (Errusia)…

Ibilbidea: %13ko eta %8ko maldak daude zirkuituaren puntu batzuetan, eta bukaera aldapatsua ikusten da profilean, baina hiru kilometrotan 76 metroko desnibela igotzen dute, ezer gutxi. Edozein esprinterrek irabazteko moduko txapelketa, beraz, betiere aurreko maldak ondo igarotzen baditu.

Egin apustu!

tropela.net: Munduko Txapelketa ere bai!

Munduko Txapelketako logoaZalantza batzuk izan ditugun arren gure bezero fidelenei sorpresatxo bat ematea erabaki dugu eta hori dela eta, aurten lehiaketek izan duten arrakasta ikusirik, Munduko Txapelketan ere lehiaketatxoa martxan jartzea erabaki dugu. Munduko Txapelketak fama handia du eta egun bakarreko proba luze eta gogorra izan ohi da eta nazioka jokatu ohi da. Irabazleak, urte osoan zehar ortzadar koloreko maillota eramaten du, munduko txapeldun denaren seinale.

Munduko Txapelketa egun bakarreko proba izaten denez, lehiaketa apur bat xelebrea izango da baina ikusiko dugu nola ateratzen den. Txirrindulari zerrenda eta arauak (arauak betikoak izango dira baina puntuazio taula aztertzea komeniko da) astelehen gauean prest izatea espero dugu, beraz, asteartetik igandera bitartean izango duzue Munduko Txapelketarako zuen taldea egiteko aukera. Taldea egiteko epea, beti bezala, proba hasten den orduan amaituko da, Continue reading “tropela.net: Munduko Txapelketa ere bai!”