Euskara, teknologia eta txirrindularitza
Eguraldi txarra dela eta gaurko eta biharko aurrikusita zeuden grabaketak bertan behera geratu dira. Ondorioz, bihar, uztailak 12, estrak Lizarraga mendatera gerturatzeko autobusak ere ezerezean geratzen dira.
Gure webgunean jarriko dugu noiz izango diren grabaketak, egunak zehazten direnean.
Eutsi filma zer da? Baleuko etxea grabatzen ari den euskarazko filma bat da bertan aktore ezagunek parte hartzen dutela. Informazio gehiago aurreko asteko berri honetan aurki dezakezue.
Urtero bezala ESAIT-ek, Euskal Selekzioaren aldeko iritzi taldeak Pirinioetan festa itzela antolatu du Frantziako Tourra Euskal Herritik pasatzen delako. Hori dela eta, Euskal Herriko mugan, Soudet gainean gune bat montatuko dute eta bertan uztailaren 11ean eta uztailaren 12an euskal giroan ongi pasatzeko aukera izango da.
Egitaraua:
uztailak 11 – arratsaldeko 18:00etan
Euskal jaia: esait gunean (soudet gaina)
· Gazta, txistorra, sagardoa eta garagardoa.
· Trikitixa
· Toka
uztailak 12 – goizeko 10:00etan
VI. Bizikleta martxa
· Santa grazi- soudet gaina (11 km)
· Hamaiketakoa eta material zozketa esait gunean
Continue reading “Euskal selekzioaren aldeko VI. bizikleta martxa”
Uztailaren 12ko grabaketarako 150 estra behar dira, errepide ertzean Tourreko zaleen papera egingo dutenak. Autobusa antolatu da.
Eutsi izeneko euskarazko hirugarren film luzea grabatzeko lanak ekainaren 19an abiatu zituen Alberto. J. Gorritiberea zuzendariak Oarsoaldean, Baleuko eta Irusoin produkzio etxeek bultzatuta. Proiektua Aupa Etxebeste eta Kutsidazu bidea, Ixabel ondoren dator eta ETBren eta Eusko Jaurlaritzaren laguntza jaso du. Pelikulak euskal gizartearen kezka eta arazoak azaleratuko ditu.
Unai Iturriagak idatzi du umore puntua duen drama sozial honen gidoia, Gorritiberaren laguntzarekin. Protagonista nagusiak Anjel Alkain eta Asier Hormaza aktoreak dira, besteak beste Sorginen Laratza eta Wazemank telebista saioetan ezagun egin direnak. Txirrindularitzarekiko grina duten bi gazte dira hauek. 30 urtetik gora dute jada eta lanean egoera zaila dute, bi urte baitaramatzate greban. Egoera horri aurre egiteko, Frantziako Tourrean protesta ekintza bat egitea bururatuko zaie. Buru-belarri jarriko dira zeregin horretan, baina neskatila gazte batekin (Oihana Martikorena) egingo dute topo. Ondorioz, bi gazteen arazoak eta beldurrak begi-bistan geldituko dira. Continue reading “Eutsi filmaren grabaziora joateko autobusa. Izena emateko azken egunak.”
Jose Luis Arrieta gaurko protagonistetako bat izan da. Arrietak eta Unai Etxebarriak, Voigt, Pineau eta Christophe Laurentekin batera ihesaldia harrapatzea lortu dute. 6 minututik gorako abantaila lortu badute ere, Caubergeko azken maldara iritsi aurretik banan-banan irentsi ditu iheskideak tropelak. Aurrean, Arrieta bakarrik geratu da baina donostiarraren ahaleginak alferrikakoak izan dira eta Caubergeko malda tenteetan irentsi dute. Orduan, eraso festa hasi da eta Mathias Kessler-ek (T-Mobile) segundu batzutako abaintalarekin helmugara bakarrik iristea lortu du. T-Mobilekoa gustura zen, atzo azken metroetan kendu zioten garaipena baina gaur ez. Gaur indar erakustaldi aparta eman du.
Sailkapen nagusian lider berria dugu, Tom Boonen (Quick Step). Izan ere tropela zatituta iritsi da eta Hushovdi 7 segunduko aldea atera baitio. Maillot berdea ere, momentuz, berarena da. Continue reading “Arrieta saiatu den arren, Kessler alemaniarrarentzat garaipena”
Hincapie prestu ibili da gaurkoan eta bonifikazioei esker, maillot horiaz jabetu da sprintean amaitu den etapan.
Ihesaldi bat izan da gaurko etapan, 3. kilometroan abiatu dena. 7 kidez osatutako tropeltxo honetan, Unai Etxeberria zen tartean. Hala ere, sprinterrek gaurko etapa irabazteko zuten interesak, etapa amaierarako ihesaldia ezerezean utzi dute eta sprinta jokatu da.
Esan beharra dago sprinta nahiko arraro joan dela, eta askoren ezusterako, Casper frantziarra izan dela azkarrena. Hushovdek, berriz, ezbeharra izan du eta hospitalera eraman dute. Dirudienez, ikusle batek zuen publizitatea duen kartoizko esku ezagun horietako batekin besoan zauritu egin da. Sprinta jokatu ondoren odoletan etzanda izan da helmuga ondoreneko bidean.
Gerard Porte Tourreko mediku ofizialaren hitzetan eta lehen azterketa egin ostean, puntu batzuk beharko dituela argitu du eta lasterketan jarraitzeko moduan izango dela uste duela.
*** tropela.eus ***
Gaurkoan, Zeraingo ibani erabiltzailea izan dugu garaile 347 punturekin. Sailkapen metatuan ehtxok hartu du lehen postua 751 punturekin.