Tropela Elkartea

Ongi etorri

Aurreko astean hasi zitzaigun aurtengo Korrika, 16.ekitaldia. Beraz, hamar bat egunez bai lekukoa eta baita euskara ere bolo-bolo ibiliko dira Euskal Herriko errepideetan. Baina datozen egun hauetan Korrikaz aparte Euskal Herriko errepideetan munduko ziklistarik onenak lehian ikusteko aukera izango dugu. Batzuentzat Euskal Herriko Itzulia izango da ezagunena baina igaro den asteburutik hasita hainbat lasterketa daude antolatuta egun hauetarako. Hona hemen txirrindularizaleon Euskal Astea:

Martxoak 29, Laudioko Sari Nagusia: Asteburu honetan jokatu da eta Euskaltel-Euskadi taldeko Samuel Sanchez nagusitu zen, David De la Fuente (Fuji) eta Ezequiel Mosquera (Xacobeo) iheskideei aurre hartuta.

Apirilak 4, Miguel Indurain Sari Nagusia: Euskal Herriko Itzulira datozen ziklista asko bertan lehiatu ohi dira. Lasterketa hau jarraituta informazio ona lor daiteke Tropelako kiniela egiteko.

tropela_eh2008

Apirilak 6-11, Euskal Herriko Itzulia: Aurten, lehen aldiz, Euskal Herriko Itzulia eta Euskal Bizikleta elkartu egin dira eta horrek ibilbidean Arrateko igoera gehitzea dakar. Ibilbide eta parte hartzaileen aldetik itxura oso ona du lasterketak. Ea protagonistek zer ematen duten eta gure kinielekin asmatzen dugun!

Apirilak 12, Udaberriko Klasika (Zornotza): Parte hartzaileen maila zertxobait jaisten den arren, Euskal Herrira etorri diren talde sendoetako batzuk bertan izan ohi dira. Euskal asteari amaiera emateko proba biribila.

Tropela Elkartearen aldetik gure ongi etorririk beroena Korrikari, euskarari eta txirrindularitzari! Goza dezagun!

Argazkia: cyclingnews.com

Flandriako Tourrera goaz!!

Dakizuen bezala Flandriako Tourra apirilaren 5ean jokatuko da. Udaberriko lasterketarik erakargarriena izaki, Tropela Elkarteak ikuskizun hau ikustera joateko bidaia antolatzea erabaki du. Flandriako Tourra giro bikainean eta bertatik bertara gozatzeko aukera paregabea eskaini nahi dizuegu, beraz, guztiok Gantera (Belgika) egingo dugun bidaiara etortzera animatu nahi zaituztegu.

Bidaia autobusez izango da eta jasotze puntuak bidaiarien arabera zehaztuko dira. Ostiralez izango litzateke irteera eta astelehenean goizeko orduetan itzulera (oraindik ordutegia zehaztu gabe dugu). Bidaiaren kostua 125â‚¬koa izango da eta bidaiari bakoitzari Tropela Elkartearen kamiseta bana oparituko zaie. Anima zaitezte!! Continue reading “Flandriako Tourrera goaz!!”

Komertzial bila

Tropela Elkartea datorren denboraldirako plangintza egiten ari da eta erabaki nagusia urtarrilean langile bat kontratatzea izan da. Horretarako, komertzial edota marketing perfila betetzen duen pertsona baten bila gabiltza. Hasteko 6 hilabeterako iraupena izango luke lanaldiak eta lanaren zeregin nagusiak babesle nagusiak topatu eta publizitatea jartzera interesatuta leudeken entitateekin harremanetan egotea izango lirateke.

Lan postua emateko garaian ondorengo ezaugarriak hartuko dira kontuan:

– Euskara
– Harremanetarako erraztasuna
– Mugikortasuna

Interesatuta dagoenak bidali dezala bere curriculuma [email protected] helbidera urtarrilaren 15a baino lehen. Epe hau amaitutakoan astebeteren buruan hartuko dugu erabakia eta hautagai guztiei emango zaizue erabakiaren berri.

“Abantail” tropeltxoko irabazlea bere sariarekin!

Abantail tropeltxoko irabazlea Badakigu Euskal Herriko lantoki askotan txirrindularitza porrak antolatzeko joera dagoela eta gure asmoa horretarako Tropela.net webguneak eskaintzen duen aukera erabiltzea dela. Kasu horietako bat ekarri nahiko genuke hona, bertan beraien tropeltxoko irabazleak Tropelako kamiseta baitu sari moduan. Tropelako kamiseta eta urte osorako lankideen begirunea! Hauxe da Arrasateko Garaia Berrikuntza Zentroan dagoen enpresa batetik bidali diguten gutuna:

Abantailen txirrindulari amorratu asko dago eta txirrindularitzaz nork gehiago jakin demostratu nahi zuten Tropelean! Azkenean lankide guztiak zirikatu eta Abantaileko tropeltxoa sortu genuen.

Tourrean sorpresa izan genuen ordea, ustez gehien zekitenak atzean gelditu eta hona hemen gure irabazlea!

Animo Tropelakin, ondo pasatzeko aukera ematen diguzue eta! Txirrindularitzaz ere zeoze ikasten ari gara…

Tropela Sariak 2008

Aurtengoan denboraldiaren amaieran egin dugu sari banaketa, beste urteetan ez bezala. Lehiaketa guztietan sarituak zeudenez, urriaren 3an Zestoako Bainuetxean egindako ekitaldi xume batekin eman genion amaiera denboraldiari. Ekitaldia Gaizka Lasa kazetari eta txirrindulari ohiak gidatu zuen eta sariak banatzen Igor Romero eta Amets Txurruka bizkaitarrak eta Haimar Zubeldia gipuzkoarra aritu ziren. Hemen doakizue saria jasotzera agertu ziren irabazleen famili argazkia.

Aurtengo irabazleak

Amaitzeko Tropela elkarteko presidenteak, Egoitz Lizasok, esker oneko hitzak izan zituen bai zale, babesle eta euskal ziklistentzat. Urtetik urtera Tropela haziz doala adierazi zuen zenbakiekin eta datorren urterako berrikuntza batzuk aurreratu zituen. Bertaratutako jendearengan interes gehien piztu zuena, Continue reading “Tropela Sariak 2008”