Lance Armstrong erretiratu egin da. Edo hobeto esanda, AEBetako lasterketa batzuetan baino ez du parte hartuko aurrerantzean. Tourra, klasiko handiak eta abar bukatu dira. Kitto. Nahiko oharkabe joan da Armstrong, baina txirrindularitza zale gehienontzat joan den urteko Tourra eta gero erretiratu zen, orduan iragarri zuelako Europan ez zela berriz ere lehiatuko. Haren jaioterritik milaka kilometrora gaude, baina ematen du hemendik aurrerakoa ez dela oso gozoa izango, hasieran behintzat, dopinaren zurrunbiloaren erdian baitabil. Salaketa han, salaketa hemen. Hala eta guztiz ere, esan bezala urrun dago Armstrong eta legez kanpo edo lege barruan jardun zuela epaitzeko urrutiegi, nik behintzat eskuartean dudan informazio apurra kontuan hartuta. Jaungoikoa ala deabrua den ez dut nik esango. Continue reading “Oslotik L’Alpe d’Huezera, Donostiatik igarota”
Hilabetekako Artxiboak:otsaila 2011
Espainiako Itzulia Euskal Herrian
Askok jada jakingo duzuenez 2011ko Vuelta-ko nobedade bat Euskal Herrian etapa batzuk jokatuko direla izango da. Orain dela 33 urte ez zela Euskal Autonomia Erkidegotik pasatzen Espainiako itzulia. Azken aldiz igaro zenean etapa bertan behera geratu behar izan zen jende talde batek ez ziolako tropelari aurrera egiten utzi Durango ingurutik. Amaiera eman goizeko sektore horri eta autobusetan hoteletara itzuli behar izan ziren txirrindulariak. Arratsaldeko erlojuz kontrako saioari hasiera eman zitzaion baina arazoak egon zirelako jendearekin baita ere bigarren sektorea bertan behera gelditu zen. Continue reading “Espainiako Itzulia Euskal Herrian”