Etiketa Artxiboak:sariak

Aurten sariak izango ditugu!

2013ko sariakIazko urtean zehar ezin izan genituen saririk banatu baina aurtengo honetan sariak jartzeko moduan izango gara gure babesleei esker.

Alde batetik Frantziako Tourrerako sariak izango ditugu: sagardotegian otorduak (Ipintza sagardotegiak eskainia), Tropela.net maillotak eta txapelak eta Raul Perez Martinezek idatzi zuen Jacques Anquetilen biografia euskaraz. Sari gehiago izan daitezke eta gehitzen joango gara gure sarien atalean.

Urteko sailkapenari begira, berriz, www.TientaAzul.com webguneak eskainitako Phillips 40 hazbeteko telebista bikaina oparituko diogu aurtengo irabazleari, baita Tropela.net maillota ere bai. Hori bai, Tourrean eta gainontzeko lasterketatan bikain ibili beharko da sari hau eskuratu nahi baduzue!

Gogoratu Tropela.net maillot eta txapelak salgai ditugula nahi duzuen guztientzat.

Tropeltxorako sari ederra, Tropelari laguntzeko

Asko eta asko zarete Tropelan parte hartzen duzuenak eta tropeltxoetako saltsa eta piperrarekin, lagunartean, txirrindularitza probez gozatzen duzuenak. Tropeltxoan ohorea jokatzea gutxi ez eta askotan, kafe bat, trago bat edo afaritxo bat jokatuz tropeltxoko kideon artean saltsa ederra izaten duzue. Hori horrela, tropeltxoko irabazlearentzat oso egokia den osagai bat kaleratzea pentsatu dugu: Tropelako txapela, txapeldun handien ortzadarra duen txapela.

Txapel hauetako bat erosiz tropeltxoko irabazlea (edo azkena) saritzeaz gain Tropela Elkartean dihardugunon lana errekonozitu eta eskertzeko modu bat bezala ikustea ere nahiko genuke. Donazioen atalak ez du funtzionatzen, baina orain, tropeltxoko garailearentzat sari txiki bat jartzeko aukera duzue. Tropeltxorako saria jarri eta bide batez, Tropelari lagundu!

Tropelaren txapela eskatzeko ondorengo formulategia erabiliz egin dezakezu. Maillot edo kulote bat eskatzeko, berriz, hemen duzue esteka.

Eskerrik asko zuen laguntzagatik!

Tropela 2012 denboraldia: aldaketak

Paris-Niza lehiaketarekin Tropelaren 8. denboraldiari ekingo diogu. Denboraldi berri honetan zenbait aldaketa egingo ditugu eta ondorengo berri honetan azaldu nahi dizkizuegu.

1. Saririk ez

Aurtengo denboraldian, Tropela.net sortu genuenetik lehen aldiz, saririk ez dela izango jakinarazten dizuegu. Erabaki hau hartzearen arrazoiak bi izan dira: alde batetik, iaz zenbait erabiltzailerekin izan genuen eztabaida eta bestetik, sariak lortzeko ditugun zailtasunak. Hori guztia kontuan izanda, eta barne eztabaidaren ondoren, 2012ko denboraldian saririk ez dela izango jakinarazi nahi dizuegu. Espero dugu erabakia ulertu eta onartuko duzuela.

2. Arauak eguneratu ditugu

Tropela.net-en parte hartzeko arauak eguneratu ditugu. Aldaketa berezirik ez dugu egin, aldaketa txikiak dira eta helburua araudia argiago jartzea izan da egoera ezberdinetan zalantzarik egon ez dadin.

Araudi berriaren inguruan zalantza edo komentariorik baduzue jarri iruzkinen bat eta argituko dizuegu.

3. Londreseko Olinpiar Jokoak

Orain arte 9 lehiaketa jokatu ditugu azken denboraldietan. Aurtengoan Londresen Olinpiar Jokoak jokatzen direnez, zuei galdera egin ostean, lehiaketa berri bat gehitzea erabaki genuen. Beraz, ondo bidean, 10 lehiaketa izango ditugu aurtengo denboraldian.

Espero dugu aldaketa hauekin ados izango zaretela. Gure asmoa txirrindularitzaz gozatzen jarraitzea izango da eta aldaketa hauekin ere hala jarraituko dugulakoan gaude. Zorte on guztioi eta gozatu Tropelaren denboraldi berri honetaz!