Oraindik txirrindulari kolonbiar beteranoak sasoia baduela erakutsi du eta azken metroetan atzetik jarraika zituen bi txirrindularien aurrean amore eman beharrean, ondo eutsi die eta segundu eskas batzuren aldearekin eskuak goian zituela bakarrik helmugaratzea lortu du.
Bere atzetik zihoan bikotean David Latasa (Comunidad Valenciana) nafarra sartu da eta atzerago, tropeltxo bati denbora emanez, Ruben Perez (Euskaltel-Euskadi) helmugaratu da. Tropeltxo honetan euskaldun gehiago ere baziren eta horien artean, gaur ere izugarrizko lasterketa burutu duen Amets Txurruka (Barloworld) gaztea.
Etorkizun oparoa duela dirudi. Ea laister ikusten dugun laranja kolorez, etxeko taldearen maillotarekin, hau ere!
Sailkapen osoa ikusi nahi izanez gero hemen aurki dezakezue. Gazteleraz soilik aurkitu dugu. Pena bat da.
KAIKUk atzo jakinarazi zuenez, aurten amaitutzat emango du KAIKU txirrindulari taldeari ematen zion babesa. Jakina zen proiektu hau motza izan zitekeela, bi urteotako kontratua sinatu baitzuten. Nahiz eta KAIKUk positiboki baloratu bi urteotako lana, seguru nago Espainiako Itzulian parte hartu ezin izanak bere pisua izango zuela.
Atzo izan zen Euskal Herrian arras ezaguna zaigun Tourreko zuzendaria. Dirudienez aurreko urteko istiluak direla eta izan da bisita, euskal zaleak ‘sosegatu’ asmoz edo. Ez dut behar baino hitz gehiagorik egin nahi, beraz, harira noa.
Bihar, asteazkena, maiatzak 31 dituenean, aurtengo