Kategoria Artxiboak:Sariak

Dauphineko lehen postuentzat sariak ditugu

Lehiaketa guztietan sariak izaten saiatzen gara eta aurtengo Dauphinen ere hala izaten saiatu gara.

Jakionekin eta Kutixirekin lortutako akordioei esker, gaurko etaparen amaieran aterako ditugun sailkapenen ondoren Tropela guztian garaileak Jokionen produktuez osatutako otarre bat eramango du. Urola Kostako eta Zarauzko lehenengoak ere saria izango dute Kutixi izozki-dendaren eskutik: seina izozkiz gozatzeko aukera izango dute.

Tourrari begira sari gehiago biltzen ari gara. Dakizuen moduan Tropela osoan izan daitezke sari horiek, baina baita eskualde edo herri mailan ere. Norbait Tropelan saria jartzeko interesatuta balegoke jarri gurekin harremanetan.

Zorte on guztioi!

Ardenetako Hirukotea hasi bezperatan, Aldatzgora Itzuliako garaile Tropelan

Udaberriko klasikoak jokatzen ari dira eta horien artean garrantzitsuenetakoa den Paris-Roubaix gaur jokatuko da. Hau ez dago Tropelako lehiaketen artean, baina bai hurrengo astetik aurrera jokatuko diren Amstel Gold Race, Fleche Wallonne eta Liège–Bastogne–Liège klasikoak, beraz adi kiniela egiteko epeei.

Atzo bukatu zen aurtengo Euskal Herriko Itzulia dakizuen bezala eta Tropelan garaile Aldatzgora izan dugu. Berarekin batera domadoria eta XARET123 izan dira podiuma osatu dutenak. Hiru hauek sariak jasoko dituzte gure sarien atalean agertzen den moduan. Hauek dira sariak: Continue reading “Ardenetako Hirukotea hasi bezperatan, Aldatzgora Itzuliako garaile Tropelan”

Tropelean Paris-Nizako garailea ‘pelillo’ izan da

Atzo esaten genizuen bezala, aurtengo Paris-Niza lehiaketan Jakionek eskainitako otarre eder bat genuela Tropelako onenari emateko. Azkenean 6038 parte hartzaileetatik garailea pelillo Eibartarra izan da. Zorionak pelillo!!

Gainontzekooi esan hurrengo lehiaketa Euskal Herriko Itzulian izango dela. Laster adieraziko dizuegu kiniela noiz egiten has zaitezketen. Zorte on guztioi!

Paris-Nizako Tropelako irabazleak saria izango du

Tropelan ohikoa dugun bezala, sariak banatzen ditugu parte hartzen duzuen guztion artean. Post honen bidez aurtengo lehen saria bihar amaituko den Paris-Niza lehiaketako garaileak eramango du. Saria Jakionek eskainitako otarre zoragarri bat izango da.

Ikusiko dugu ia nork irabazten duen otarre hau lehen postuetan lehia estua baitago. Biharko etaparen faltan, oraingoz podiuma pelillo, paxotix eta kortak osatzen dute.

Zorte on guztioi eta eskerrik asko Jakioni saria eskaini izanagatik!

iPad 2 zoragarri bat eta iPod Touchak Tropelan!!

2011ko denboraldia hastera doa, Tropelaren 7. denboraldia izango dena hain zuzen ere. Hori dela eta aurtengoan sari bereziak jartzea erabaki dugu jarraitzaile guztiok merezi duzuelakoan baikaude: iPad 2 bat eta bi iPod Touch! Ez dira, noski, sari bakarrak izango eta gehiago biltzen goazen heinean jakin arazten joango gatzaizkizue.

Iaz bezala Urteko Sailkapenari garrantzia eman nahi diogu. Honez gero jakingo duzuen moduan, sailkapen hau denboraldian zehar jokatuko diren lehiaketetan batutako puntuekin osatuko da.

2011ko Urteko Sailkapeneko irabazlearentzat atzo aurkeztu zuten iPad 2 zoragarri bat izango da! Lehia zaila izango da, beraz, hasiera hasieratik lehiaketei ondo ekiteak bere garrantzia izango du. Continue reading “iPad 2 zoragarri bat eta iPod Touchak Tropelan!!”