Kategoria Artxiboak:Podcastak

#85 Tropela.net podcastak: Euskaltel taldearen desagertzea

Post honetan Eneko Garatek (@egarate), Hibai Martinezek, Iban Perezek (@piban) eta Egoitz Lizasok (@elizaso) grabatutako podcasta aurki dezakezue. Podcast honetan Euskaltel taldearen desagertzearen inguruan sakon aritzen dira lau solaskideak.

Euskaltelen desagertzearen berri aurreko astean jakin genuen ofizialki. Inork gutxi espero zuen hau gertatuko zenik. Podcast honetan solaskideek, ordea, seguraski entzun ez dituzuen iritziak ematen dituzte. Seguru oso interesgarri izango zaizuela.

Aurrerapen moduan, hona hemen jorratzen dituzten puntu nagusiak:

– Zer sentsazio eragin dizue albisteak?
– Talde xume batetik hasi zen taldea eta World Tour izatera iritsi da, mailarik gorenera. Noiz ikusi zenuten hain luzea izan den proiektu hau ez zihoala biderik zuzenetik?
– Zein izan dira taldearen jarraipenari amaiera eman dioten klabeak?
– Euskaltel enpresa eta erakunde publikoak. Errua beraiena izan al da?
– World Tour lizentzia 3 urterako izanik, ez al da posible beste babesle bat lortzea? Eta babeslerik gabe jarraitzea HighRoad edo Blancok egin izan duten moduan?
– Eta orain zer?

Zuen iritzia eman dezakezue post honetan bertan iruzkinak gehituta. Zein da zurea?

Argazkia: euskalteleuskadi.com

#84 Tropela.net podcastak: Espainiako Vuelta 2013. Txirrindularien eta ibilbidearen azterketa (bi podcastak)

Hemen duzue berriki grabatutako txirrindularien inguruko podcasta entzungai. Bertan Iosu Garatek (@iosugarate), Eneko Garatek (@egarate) eta Egoitz Lizasok (@elizaso) grabatutako podcasta duzue. Beherako ibilbidearen podcasta ere aurki dezakezue, Axier Sukiak (@sukigalp) eta Egoitz Lizasok (@elizaso) orain egun batzuk grabatu zutena.

Txirrindularien azterketa

Podcast honetan ondorengo gai hauek jorratu dituzte:

– Euskaltel taldea desagertzeari aipamena egiten zaio saioaren hasieran gogoratuz hurrengo astean gai horren inguruan podcast bat grabatzeko asmoa dagoela.
– Hautagai nagusiak: Nibali (AST) puntu bat gorago izan badaiteke ere, Tropelan hartzeko arrazoi nahikoa izan al daiteke?
– Beste hautagaiak: hautatu daitezkeenen artean abaniko nahiko zabala dela aipatzen dute, baina nahiko garbi dute zein ez hartu.
– Igotzaileak eta espezialistak: Cancellara (RLT) eta Tony Martin (OPQ) dira multzoko bi espezialistak, baina merezi al du hauetakoren bat hartzeak?
– Besteak: aurreko itzuli handietan ez bezala multzo hau argiago ikusten dute solaskideek.

Ibilbidearen azterketa

Hona hemen jorratu diren gaiak:

– Esprinterrentzat aukera gutxi
– Ikuskizuna bilatzen jarraitzen dute Vueltako antolatzaileek
– Azken asteko etapak jokatu aurretik garailea zein izan daitekeen jakiteko arriskua

#83 Tropela.net podcastak: Espainiako Vuelta 2013. Ibilbidearen azterketa

Vuelta 2013. IbilbideaPost honetan Axier Sukiak (@sukigalp) eta Egoitz Lizasok (@elizaso) grabatutako podcasta aurki ditzakezue. Podcast honetan 2013 Espainiako Vueltari errepasoa egiten diote, denboraldiko zazpigarren kinielari begira interesgarri izan dakizukeena.

Hona hemen jorratu diren gaiak:

– Esprinterrentzat aukera gutxi
– Ikuskizuna bilatzen jarraitzen dute Vueltako antolatzaileek
– Azken asteko etapak jokatu aurretik garailea zein izan daitekeen jakiteko arriskua

#82 Tropela.net podcastak: Frantziako Tourra 2013. Txirrindularien eta ibilbidearen azterketa (bi podcastak)

Hemen duzue berriki grabatutako txirrindularien inguruko podcasta entzungai. Bertan Iosu Garatek (@iosugarate), Axier Sukiak (@sukigalp) eta Egoitz Lizasok (@elizaso) grabatutako podcasta duzue. Beherako ibilbidearen podcasta ere aurki dezakezue, Raul Perezek (@raulperezmartin), Iban Perezek (@piban) eta Egoitz Lizasok (@elizaso) orain egun batzuk grabatu zutena.

Txirrindularien azterketa

Podcast honetan sakon jorratu dira ondorengo gai hauek:

– Hautagai nagusiak: Froome (SKY) eta Contador (TBT)
– Podiumerako hautagaiak: multzo honetako norbaitek sorpresa eman eta Tourra bereganatuko ote du?
– Aurrean ibiltzekoak: nor hartu, sailkapen nagusiaren lehian izango dena ala etapa garaipenak ziurta ditzakeena? Aipatutako adibideen artean T.Martin (OPQ) edo Voeckler (EUC) aurkitzen dira.
– Azkarretan azkarrenak: Sagan (CAN) eta Cavendishen (OPQ) arteko aukeraketara mugatzen dira solaskideak. Baina zein hartu?
– Azkarrak: aurreko multzoan aukeratutakoaren arabera egin beharko litzateke aukeraketa solaskideen arabera.
– Muinoetan azkarrak: multzo berri honek joko pixka bat ematen duela diote solaskideek.
– Beste azkarrak: bertan taldeetako esprinter nagusiak eta bideratzaileak aurkitzen dira. Baina zein irizpide erabili aukeraketa egiteko?
– Besteak: hona iritsita dagoeneko 16 txirrindulari aukeratu behar izan dira. 16 horien aukeratutakoaren baitan, oreka bilatzeko baliatu behar da multzo hau solaskideen arabera.

Ibilbidearen azterketa

Hona hemen jorratu diren gaiak:

– Aurtengo edizioa 100. edizioa da. Horrek ibilbidean eragina izan du
– Lasterketaren egitura aztertzen da ibilbideari dagokionez
– Aurtengo edizioko berritasunak

#81 Tropela.net podcastak: Frantziako Tourra 2013. Ibilbidearen azterketa

Post honetan Raul Perezek (@raulperezmartin), Iban Perezek (@piban) eta Egoitz Lizasok (@elizaso) grabatutako podcasta aurki ditzakezue. Podcast honetan 2013 Frantziako Tourrari errepasoa egiten diote, denboraldiko zazpigarren kinielari begira interesgarri izan dakizukeena.

Hona hemen jorratu diren gaiak:

– Aurtengo edizioa 100. edizioa da. Horrek ibilbidean eragina izan du
– Lasterketaren egitura aztertzen da ibilbideari dagokionez
– Aurtengo edizioko berritasunak