Herreroren garaipen ederra!

David HerreroAurreko egunetan erakutsi zuen bai garaipen goseak jota zebilela bizkaitarra; aurreko bi etapatan hirugarren postuan sailkatu eta gero, Vianako helmugan bera izan da lehena gaurkoan. Garaipen handia, batez ere ikusita nortzuri gailendu zaien: Bettini eta Luis Leon Sanchezi hain juxtu.

Gustora azaldu da Karpin-Galiziako txirrindulari euskalduna komunikabideen aurrean. Dagoeneko helburua lortu duela zioen. Izan ere gogoratu beharra dago Karpin-Galizia ez dela ProTourreko taldea eta gonbidapen bati esker dagoela itzulian.

Baina Herrerok guztia eman al du? Ez dakit ba! Ez da ahaztu behar erlojuaren aurkako txirrindulari aparta dela eta beharbada kontuan hartu beharko genukeela larunbateko etapari begira. Egia da Orioko erlojupekoko ibilbidea ez dela bere ezaugarrietarako aproposena, baina ezustekoren bat eman dezakeelakoan nago. Hori bai, ez dut uste itzulia irabazteko bestekoa izango litzatekeenik, baina bai beharbada podiumean sartzeko.

Erakustaldi aparta ematen ari da David, zalantzarik ez. Baina ez al zen ba Euskaltel-Euskaditik alboratua izan maila ematen ez zuelako? Niri behintzat zer pentsatua ematen dit.

Argazkilaria: cyclinginside.com

Hasi da 2008ko Euskal Herriko Itzulia

Hasi da, bai, 2008ko Euskal Herriko Itzulia. Eta nola hasi ere!!

Egoi Martinez eta Iban Mayoz ihesiContadorrek tropeleko sendoena dela erakutsi digu. Lehenengo egunetik 8 segundu atera ditu faborito guztiak atzean utzita. Pena Egoi Martinez eta Iban Maiozek egindako ahaleginak etapa garaipenik eman ez izana. Behintzat mendiko eta helmuga tarteko mailotak lortu dituzte hurrenez hurren.

Baina ez da hori gaurko berri bakarra. Tropelean, eta tropela.eus webguneaz ari naiz, 3500 baino kiniela gehiago egin dira aurten, iazko 1900 kinielak ia bikoiztuz! Hainbestekoa izan da gorakada, asko konturatuko zineten bezala webgunearen erantzun gaitasuna murriztua suertatu dela. Hori dela eta gure zerbitzariak erantzun mantsoagoa eman du eta denboran nabarmen kosta izan zaio datuak bistaratzea. Dirudienez ez da izan erabiltzaile kantitateagatik, kantitate hori oso denbora gutxian izateagatik baizik. Kontuak kontu, badirudi gauzak hobetu ditugula, baina hala ere hurrengo lehiaketarako era honetako eragozpenik izan ez dadin neurriak hartuko ditugu.

Tropeleko lehiaketari dagokionez, Zeraingo kadentzia izan da etapako garailea, 2008ko gure lehen garailea. 2008ko Euskal Herriko Itzuliko lehiaketarako ez dugu etapako saririk, baina lehiaketa amaieran izango direla aurreratzen dizuet. Oraindik sarien atalean jarri ez baditugu ere, hurrengo egunetan ikusgai izango dira.

Denok hainbeste espero genuen lehen lehiaketa hasi da. Asko gara momentu honen zain izan garenak eta ia gozatzeko aukera izaten dugun. Hasiera interesgarria izan da; horrela jarraituko al du hurrengo egunetan? Ia ba!!

Zorterik onena opa dizuet Tropela zale guztioi! Onenak irabaz dezala!!

Argazkia: diariovasco.com

Euskal Herriko Itzulia 2008. Ibilbideari gainbegiratua.

Euskal Herriko Itzulian 2008 IbilbideaEuskal Herriko Itzulia hasteko aste bete falta denez gero, ibilibideari gainbegiratu bat ematea komeni da. Hartara gainera, Tropelak antolatutako jokoan parte hartzen dutenek erreferentzia baliagarri bat izango dute txirrindulariak hautatzerako garaian. Baina, gehiago luzatu gabe, has gaitezen etapak banan banan aztertzen:

1. Etapa: Legazpi-Legazpi (137 km.). Aurtengo edizioko etaparik laburrena (erlojupekoa salbu, noski). 3. mailako lau mendate eta 2.mailako beste hiru gainditu beharko dituzte txirrindulariek. Lasterketa honetan izan ohi diren osagaiez osatutako ibilbidea, alegia. Azkeneko mendatea, Deskarga (motza baina malda gogorduna) helmugatik 6 kilometrotara kokatzen da. Hortaz, liderraren aurreneko maillota talde murriztu baten artean lehiatzea espero liteke. Hala ere, diferentziek ez lukete handiak izan behar.

2. Etapa: Legazpi-Erandio (153 km.). Continue reading “Euskal Herriko Itzulia 2008. Ibilbideari gainbegiratua.”

Euskal Herriko Itzulian, Tropelik ba ote?

Euskal Herriko Itzulian 2008 IbilbideaPixkanaka ari da gerturatzen tropeleko txirrindularirik onentsuenak Euskal Herriko errepideetan lanean jarriko dituen Itzulia. Apirilaren 7an emango zaio hasiera probari eta aurtengo Itzuliak, iaz bezala, 6 etapa izango ditu 6 egunetan banatuta.

Legazpin emango zaio hasiera Itzuliari eta larunbatean Orion amaituko da. Orion jokatuko den erlojupeko aldapatsu eta konplikatuak emango digu aurtengo txapelaren irabazlearen izena. Hemengo iruzkinetan aipatu dutenez, erlojupekoak ziklistek Aiara bidean igo beharreko maldak ez dira nolanahikoak. Gainera 20 kilometroko lan batean denbora tarte handiak jan edo kendu daitezkeenez etapa erabakigarria izango dela ez da zalantzarik.

Parte hartzera etorriko diren txirrindularien zerrenda ez dugu ezagutzen baina ziur gaude ziklista asko eta askok oso gustukoa dutela lasterketa hau eta apirilaren 7a iristeko irrikitan daudela. Irrikitan eta desiatzen dauden besteak zaletuak izan ohi dira. Jada mordoxka batek galdetu dute blogean ea lehiaketarik egongo den edota txirrindularien multzoak noiz publikatu behar ditugun.

Zaletu guzti hauek lasaitzeko adierazi nahi genuke Tropelak iaz antolatutako lehiaketa guztiak errepikatzeko asmoa duela eta beraz, Euskal Herriko Itzulian ere jada tradizio bihurtzen ari den txapelketa antolatzeko lanean jo eta su ari dela. Alegia, Euskal Herriko Itzulian Tropelako lehiaketa izango da eta sariekin gainera. Nabarituko zenuten bezala, Tropela.net webgunea diseinu aldetik eraberrituta dator eta Itzulian parte hartuko duten ziklisten zerrenda hein handi batean osatzen dugunean kiniela egiteko epea irekiko dugu. Ea datorren astelehenerako abian jartzen dugun Euskal Herriko Itzulia 2008. Bitartean pazientzia pixka bat eskatzen dizuegu…

6. etapa. Oiartzun – Oiartzun

EH ItzuliaOraindik gaur ikusi dudan erakustaldia gehiegi sinesten ez dudan momentu honetan, azken egunari buruzko informazioarekin natorkizue.

14km-tako erlojupeko batek emango dio amaiera aurtengo Euskal Herriko Itzuliari. Urte askotan gertatu izan den bezala aurtengoak ere baditu bere tranpatxoak. Askotan esaten da irudi batek mila hitz baino gehiago balio izaten duela eta horri kaso eginez hona hemen erlojupekoa pixka bat hobekiago ezagutzeko balioko digun argazki sorta.

www.altimetrias.com web orriko foroan “Louis” erabiltzaileak jarri zituen argazkiak dira berauek. Bere kamerarekin atereak, espero dezagun ez dezala gaizki hartu guk argazki horiek erabili izana gure web orrian. Continue reading “6. etapa. Oiartzun – Oiartzun”