Euskara, teknologia eta txirrindularitza
COVID-19ak guztiz baldintzatutako denboraldi honetan, txirrindulariek berrekin diote denboraldiari. Tropelan hurrengo kinielak Strade Biancheko klasikoak ditugu, gizonezko zein emakumezkoenak. Hauek aztertzeko bildu dira podcast honetan Inaxio Esnaola (@inaxioesnaola), Eneko Garate (@egarate) eta Egoitz Lizaso (@elizaso).
Berriro ere Eneko Garate (@egarate), Imanol Llucia (@imanolllucia) eta Egoitz Lizaso (@elizaso) bildu dira podcast honetan 2020ko Paris-Nizako ibilbide zein kinielari errepasoa emateko. Nola ez, koronabirusak baldintzatutako Paris-Niza izango dela gogorarazten dute.
Hauxe duzue 2019ko Espainiako Vueltaren inguruko podcastaren aurre analisia. Dagoeneko 22 taldeek beraien zortzikoak aurreratu dituzten honetan, Lander Garro, Iban Perez (@piban), Inaxio Esnaola (@inaxioesnaola) eta Egoitz Lizasok (@elizaso) ibilbidea eta Tropelako kinielari errepasoa ematen diote. Ohi moduan, irizpide eta informazio ugari denboraldiko azken itzuli handiaren inguruan.
2019ko Dauphine Kriteriumari errepasoa ematen diote ezohiko podcast honetan Inaxio Esnaolak (@inaxioesnaola), Imanol Lluciak (@imanolllucia), Iban Perezek (@piban) eta Egoitz Lizasok (@elizaso). Izan ere “collage” podcast bat dela esan daiteke bakoitzak bere kasaka multzo desberdinen inguruko iritzia ematen baitute. Ohi bezala, kinielak egiten laguntzeko audioa.
Igande honetan jokatuko da Frantziako Paris-Roubaix klasikoa famatua. Podcast honetan Eneko Garate (@egarate), Imanol Llucia (@imanolllucia) eta Egoitz Lizaso (@elizaso) bildu dira bereziki txirrindularien eta Tropelako kinielari errepasoa emateko.