Kategoria Artxiboak:Dopin auziak

UCI Astanako beste txirrindulari kazajastandarraren atzetiko omen zebilen honi ere analisiak egin asmotan. Eta aurki, aurkitu dute eta positibo ere eman du Bakiolak gogoratu digun bezala.

Dakizuen bezala Astanak Tourreko kolpearen ostean hilabetez lehiaketatan parte ez hartzeko erabakia hartu zuen. Dirudienez Kashechkin oporretan izango zen iruditan duzuen Belek herrian, Turkian. Bertara joan ziren UCIko “vanpiroak” abuztuaren 1ean eta gaur jakitera eman denez Kashechkinek ere odol transfusioarekin eman du positiboa.

Azken positiboarekin lau dira aurten positiboren bat izan duten Astanako txirrindulariak: Mathias Kessler, Eddy Mazzoleni, Vinokourov eta azkena Kashechkin. Buelta emateko gauza izango al da Astana?

Ez, Tropela Elkarteak ez du positibo eman. Eta lasai, ez dugu emango nahiz eta txirrindularitzari oso lotuak izan. Hor dago gakoa, azken orduotako gertakarien ostean badirudi bai txirrindulariak eta bai ingurukoak susmagarriak garela.

Atzo Astanak hartu zuen etxerako bidea Vinokouroven positiboaren ondoren eta gaur jakin dugu Morenik ere testosteronarekin positiboa eman zuela 11. etapan. Bai, arraroa izan da Vinokouroven positiboa 13. etapan izanda lehenago jakin izana. Beharbada Cofidis taldea frantziarra delako? Kontu teknikoak soilik ere izan daiteke horren arrazoi. Kontua da Cofidisek ere Tourra utzi duela (Wiggins eta Chavanel tarteko).

Eta Tropelak positibo eman ez badu ere, Tourra utzi behar al dugu? Hori ere pentsatu dugu. Zergatik egin kirol honi horrelako jarraipena protagonistek nahiz eta UCIren agiria sinatu doping kontuekin jarraitzen badute? Afizionatuok merezi al dugu horrelakorik? Ez dugu uste eta iazkoaren ondoren (Puerto operazioa, Landisen positiboa,…) aurrera darraigu.

Baina nola jokatu Tropelako lehiaketari dagokionez honelako egoren aurrean? Continue reading “Astana, Cofidis eta Tropela”

Informazio asko ari gara jasotzen ordu gutxitan eta beharrezko ikusi dut guztiak pilatu eta lerro hauetan pilatzea.

Susmoei dagokienez, atzokoan Matthias Kessler alemaniarraren ustezko positiboa izan genuen. Aketza Peñari nandrolona aurkitu zioten data berean egindako analisietan, apirilaren 24ean, testosterona altua aurkitu diote. Ikusi beharko da ze kantitatean eta ia zein medikamendu hartzeko baimena duen. Dena dela, taldeak txirrindularia alboratu du eta Tourrera joan gabe geratuko da.

Gogoratzen al zarete Mayoren “ez positiboa”? Dakizuen bezala UCIk behar besteko dokumentuak ditu Mayoren balio horiek justifikatzen dituena, baina ez da hau Mazzoleni eta Petacchiren kasua, Mayorekin batera ezagutzera eman ziren beste txirrindulariena.

Petacchi sprinter beteranoak uztailak 2an, asteartean, CONIren aurrera joan beharko du bere ez ohiko subutamol kantitearen zergatia azaltzera. Mazzolenik, berriz, bi egun beranduago, uztailak 4ean, “Oil for drug” kasuan izan dezakeen inplikazioagatik.

Baina ez da Mazzoleni kasu honetan nahastuta izan daitekeen txirrindulari italiar bakarra, dagoeneko Di Lucaren izena, aurtengo Giroko irabazlearena ere dantzan dabil. Eta oraindik haratago; “Oil for drug” eta “Puerto Operazioak” zerikusiren bat edo eta puntu amankomunak izan ditzakeelakoaren susmoak daude, nahiz eta italiako kasu honetan mediku izen nagusi Carlo Santuccione azaldu.

Susmo guzti hauetaz gain, eskutitzaren inguruan sinatu duen euskal txirrindulari bakarra Jose Alberto Martinez izan dela. Dirudienez asteburuan jokatuko den Espainiako txapelketa bezperatan txirrindulariak bilera bat egitekoak dira elkarrekin erabaki amankomuna hartzeko. Ikusiko dugu zer erabakitzen duten.

Badakit ez dela Olentzerori eskutitza idazteko garairik egokiena, nahiz eta egunotako eguraldiak hori pentsatzera lagundu. Baina zenbait euskal txirrindulariri hori egokituko zaio hilaren 7an Londresen abiatuko den 2007ko Tourrean parte hartu nahi badu. Christian Prudhomme Tourreko zuzendaria dugu uda honetako Olentzero eta txirrindulariak uztailaren 7an Tourrean parte hartzeko oparia jaso nahi duten ume esperantzatsuak. Eta noski, oparia nahi duenak eskutitza derrigorrean bidali behar dio Olentzerori, bestela esku-hutsik geratzeko arriskua du.

Txirrindulariek urte hauetan zehar zein txintxo portatu diren kontatu beharko dute eskutitz honetan, Pat McQuaid UCIko lehendakariak 19ko bileran aurreratu zuen bezala. Txintxo-txintxoak izan direla; ez dutela Puerto Operazioarekin inolako zerikusirik izan eta ez daudela inongo doping affairetan nahastuta. Gainera, beren zintzotasuna frogatzeko, prest daudela 2007an irabaziko duten soldata emateko, baldin eta saltsaren batean harrapatuko balituzte. Continue reading “Olentzerori eskutitza”