Gaur amaituko da 2008ko Vuelta, Tropelan izango den azken aurreko lehiaketa. Dakizuen bezala, hurrengo astean izango den Mundiala ere jokatuko dugu ohi legez eta honekin denboraldia amaitutzat emango dugu. Beraz, gainontzeko lehiaketa nahi bezain ondo ibili ez bazarete azken aukera izango duzue aurtengoz. Continue reading “2008ko denboraldia amaitzen”
Egile Artxiboak:Tropela Elkartea
Tropelako sari banaketa irailean izango da
Aurreko hiru urteetan Tourreko lehiaketaren ondoren irabazleei dagozkien sariak emateko sari banaketa bat egin ohi izan dugu Zestoako Bainuetxean. Aurtengoan, berriz, irailera atzeratzea erabaki dugu. Atzeratze honen arrazoi nagusia sari banaketa abuztuko lehen egunetan egokitzen dela da eta ondorioz hainbat sarituk oporrak direla eta ezin izaten dute sari banaketa ekitaldira joan. Ahalik eta saritu gehienak bildu asmotan sari banaketa irailera atzeratzea pentsatu dugu. Continue reading “Tropelako sari banaketa irailean izango da”
Euskal selekzioaren aldeko VIII. bizikleta martxa
Aurtengoan ere iritsi dira Pirinioak Tourrera. Datorren igandeko eta asteleheneko etapetan igaroko dira Euskal Herri ondotik eta nahiz eta Euskal Herria ez sartu, urteroko legez jende uholde handia gerturatuko da ondoan daukagun mendikatera, ziklistak maila goreneko esfortzuan ikustera.
Azken zazpi urteetan bezala, bertan Euskal Selekzioaren Aldeko Iritzi Taldeak (ESAIT) festa ederra antolatu du egun horietarako. Beraz, La Mongie edota Tourmalet aldera gerturatzekoak bazarete badakizue non daukazuen jaia eta aldarrikapena. Continue reading “Euskal selekzioaren aldeko VIII. bizikleta martxa”
Minutuz minutu: etaparen nondik norakoa Tropelean bertan
Eitb.com eta Tropela Elkartearen lankidetzari esker, aurtengo Frantziako Tourrean etapen jarraipena gure webgunean bertan egin ahal izango duzue. Eskuinean azaltzen diren oharrak minutuz minutu eguneratuko dira eta bertan Eitb-ko lagunek sartutako azken iruzkinak irakurriz eguneko etapa zein egoeratan aurkitzen den jakingo dugu. Bikaina!
Gaurko erlojupekoa jarraitu nahi duzula? Bada, hemen duzu beste aukera bat! Orain ez duzu aitzakiarik zure ziklista taldeari jarraipen berezia egiteko.
Zestoako lehen sailkatuarentzat ere afaria
Zestoarren artean Tourrean lehen amaitzen duenak afari bat izango du bi pertsonentzat Fati tabernan. Beraz, Fati taberna Zarauzko Txiki-Polit tabernari gehitzen zaio herrietako sariei. Ikusten duzuen bezala oraingoz Zestoarrak eta Zarauztarrak zorteko dira. Zure herrian ez al da inor animatzen?
Tropela Elkartearekin [email protected] helbidera mail bat bidaliz egin zaitezke babesle. Ez galdu aukera hau!