Euskara, teknologia eta txirrindularitza
Kaikuren bigarren garaipena itzulian.
Kaikuk atseden hartuko du uztailean abuztua amaieran hasiko den Espainiako itzuliari aurre egiteko. Atseden egun horien aurretik, ordea, indarrean dagoela erakusten ari da. Aurreko larunbatean Andoni Aragana izan zen garaile eta gaur Dioni Galparsoro.
Dakizuen bezala, Kaiku taldeko txirrindularien maillotak sinatuta izango ditugu gure sarien artean, baita taldearen kamisetak ere zozketagai. Hau guztia Kaiku taldeak eskainita.
Tropela Elkartearen azalpena.
Bati baino gehiagori bururatu dakioke. Ez dabil guztiz oker, baina ez da zuzena ere. Tropela Elkarteak euskara teknologia berrietan indartzea du helburu. Horren haritik, eta txirrindularitzan era honetako webgunerik euskara hutsean ez dugunez, tropela.eus proiektua gauzatzea erabaki genuen.
Tropela Elkarteak teknologiak gure egunerokotasunerako ematen dituen erraztasunak euskara hutsean izatea ahalbideratzea nahi du. Hainbat urtetan txirrindularitza munduan lehiatzen jardun dugu hainbat porratan, batez ere Tour-ean. Aurten euskaraz eta interneten, normaltasun osoz, egin ahal izango dugu. Guztiok batera, abian goaz euskararen tropelean!
Asteartean emitituko den saioaren parte izango da.
Gaueko 9etatik aurrera eta Bertatik Bertara saioaren barnean, Tropela Elkartearen proiektuaren berri telebistaz jasotzeko aukera izango da. Zarauzko Malekoian grabatu zen elkarrizketan, Tropela Elkarteko hiru kidek Itxaro-rekin jardun zuten tropela.eus-en inguruan hitz egiten. Galderak, erantzunak… eta ordenagailuan tropela.eus. Hau guztia, astearte honetako Bertatik Bertara saioan.
Mendiko sailkapenean Roberto Laiseka nagusi.
Euskaltel-Euskadiren bigarren garaipen garrantzitsua izan da Dauphine Libereren ostean. Azken etapa arte Rogers australiarra izan bazen itzuliko lider, itzuliko 9. etaparen garaile Aitor Gonzalez izan da eta behar besteko abantaila eskuratu ostean itzulia bereganatu du. Baina Euskaltel-Euskadi-ren garaipen honi mendiko sailkapenekoa gehitu behar zaio, izan ere, Roberto Laiseka txirrindulari algortarrak irabazi baitu.
Michael Rogers australiarra sailkapenean bigarren izan da 22 segundora eta Jan Ullrich alemaniarra hirugarren 1’36ra.
Tropelean sartu den azken laguntzailea Zestoako Bainuetxea (Relais Termal) izan da. Irabazleak bertan bilduko ditugu eta ekitaldia uztaileko azken astean izango da. Aurrerago zehaztuko da eguna eta ordua.
Gogoratu sarien atalak irekita jarraitzen duela eta berriak egon daitezkeela. Egon zaitez adi!