Euskara, teknologia eta txirrindularitza
Gaur arratsaldean Alberto Martinezek (Agritubel) erlojupeko bikaina egin du eta maila handiko txirrindulariei aurre hartuz Nazioarteko Kriteriumeko 3.etapa irabaztea lortu du. Ederra garaipena!
Kriteriuma Ivan Bassok irabazi du eta bai mendian nahiz erlojupekoetan bikain moldatzen dela erakutsi digu. Baina honek zer egin nahi du? Martxoan garaipenak lortu, maiatzean Giroa irabazi eta uztailean Tourra ere bai? Jarrera oso arriskutsua iruditzen zait baina ikusleentzat horrela hobe!
Gaztela-Leongo Itzuliko 3.etapa, Txente Garcia nafarrak (Caisse d’Epargne – Illes Balears) irabazi du. Azken kilometroan tropeletik ihes egin eta 2 segunduko abantailarekin tropelari aurre hartuta iristea lortu du. Ez da txirrindulari garailea baina bere potentziari esker garaipen ederra lortu du. Gainera, bere atzetik, tropelari denbora emanaz beste nafar bat, Pablo Urtasun (Kaiku) urdiaindarra sartu da. Beraz, etapa ikusgarria izan ez den arren euskaldunentzat oso etapa emankorra izan da.
Lortu du. Ez gauzka ohituta podiumetara beratarrak baina aurten oso sasoiko dago eta gainera gustua hartu dio podiumari.
Italiako Giroan eta beste itzuli handietan morrontza lanak egin beharko ditu baina ea Euskal Herriko Itzulian aurrean, irabazteko lehian ikusten dugun. Onenen pare ibiliko dela seguru! Zorionak!
Jon Bru, ostiralean egin zuen bezala, gaur Santaremgo Itzuliko azken etapan nagusitu da. Oraingoan ere tropela bat eginda iritsi da helmugara eta bertan azkarrena txirrindulari nafarra izan da.
Aipatzekoa da, Jon Bruk bi etapa irabazteaz gain mendiko sailkapena eta puntukako sailkapena ere poltsikoratu dituela.
Segi dezala horrela! Eta ea Euskal Herriko Itzulian, ProTourreko taldeen artean, aurrean ikusten dugun!
Kaiku taldeko txirrindulari nafarrak bere taldearen aurtengo lehen garaipena lortu du Portugalen, Santaremgo Itzulian.
2. etapa honen amaiera aldapa gora izatean tropeleko esprinter nagusien ezin izan dute beraien potentziaz baliatu eta azkenean Jonek aurre hartu die tropeleko guztiei. Ea Espainiako Itzulian parte hartzeko gonbiterik gabe geratu ondoren garaipen onek animuak berpizten dizkien talde euskalduneko txirrindulari eta kide denei.
Garaipen honekin, berriz ere argi geratu da Unipublic-ek hartutako erabakia – Kaiku Espainiako Vueltara ez gobidatzea – ez dela kirol arloan oinarritu. Aupa Kaiku!