Agritubel taldean dabilen pasaitarrak, erlojupekoan egindako lan onari esker Bavierako Itzulian garaile izan da eta etapakako lehen itzulia eman dio Agritubel talde frantziarrari. Honebestez, Bavierako Itzulian azken urteetan alemaniarrek izan duten nagusitasunarekin bukatu du. Argazkian ikus dezakezuen bezala podiumean Beat Zberg (Gerolsteiner) eta Luke Roberts (CSC) izan zituen atzetik. Zorionak Alberto!
Egile Artxiboak:Tropela Elkartea
Igandean, Laudioko Sari Nagusia
Antolatzea dezente kostatu bada ere, azkenean Laudioko probaren 57. edizioa jokatuko egingo da. Bertan Euskaltel y Saunier Duval izango dira talde izarrak, proTourrekoak alegia.
Horietaz aparte Kaiku eta Orbea taldeak ere bertan izango dira. Iaz, euskaldun batek irabazi zuen, David Herrero Euskaltelekoak. Ea aurten ere euskaldun baten garaipena ospatzeko aukera daukagun.
Tropela.net ere euskarazko webgune elebakar bisitatuenen artean
Cybereuskadik, Alexa webgune estatubatuarrak plazaratzen dituen webguneei buruzko datuetan oinarrituta, Euskal Herri osoko sailkapen-zerrenda argitaratu berri du. Sailkapen-zerrendok webguneek jasotzen duten bisita kopuruaren arabera osatzen dira hain zuzen ere. Erabili.com webgunea, berriz, haratago joan da eta euskara hutseko lehen hogei webguneen sailkapen-zerrenda argitaratu du. Sailkapen honen arabera, Tropela.net 19. postuan agertzen da.
Tropela Elkartearentzat berri hau pozgarria den arren, are eta pozgarriagoa da jakitea iazko datuekin alderatuta, euskara hutsezko webguneek aipatutako sailkapenean gorantz egin dutela.
Zorionak, beraz, euskal nabigatzaile guztioi!!
Oharra: 5.etapak ez du punturik banatuko
Gaurko etapak, taldekako erlojupekoak, ez du punturik banatuko eta ondorioz, sailkapenak dauden bezala geratuko dira gure Tropelean.
Sariak eta babesleak lortzeko…
Bai Girorako eta baita Tourrerako ere zuei laguntza eskatzea bururatu zaigu. Babesle, laguntzaile edota sari-emaileen bila gabiltza, beraz, norbaitek ideia edota kontakturen bat baldin badauka gustura eskertuko genioke bere iritzia hemen botatzea edo [email protected] helbidera mezu bat idaztea. Edozein motatako laguntza eskertuko genuke. Adibidez, iaz bezala Tourrerako euskal txirrindularien maillotak biltzen ari gara eta norbaitek txirrindulari baten batekin harreman estua badu gurekin harremanetan jartzea gustatuko litzaiguke.
Badakigu euskararen esparrua urria dela bertan publizitatea egin nahi dutenentzat baina zerbait okurrituz gero badakizue non gauden. Aldez aurretik eskertu nahi dizuegu denoi zuen laguntza. Ea denon artean iazko sarien maila hobetzerik daukagun.
Giroko sariei dagokionez, oraingoz, Damiano Cunego (Lampre), Giroa irabazteko hautagaietako baten maillota daukagu, berak sinatuta. Ea denon artean sari gehiago lortzen ditugun.