Brasil eta Argentina. Argentina eta Brasil. Messi eta Neymar. Futbola da nagusi Hego Amerikako bi herrialdeotan, nahiz eta noiz edo noiz, beste kirolen batek poza ematen dien herritarrei –argentinarrei saskibaloiak, adibidez-. Edonola ere, ziklistarik ere bada nola Brasilen hala Argentinan, eta baita zaleak ere. Edozein oilarri gandorra erakusteko adorea dutela erakutsi berri dute Argentinako eta Brasilgo txirrindulari batzuek Argentinako errepideetan jokatu den San Luiseko Tourrean. Zuekin guztiokin, Diaz, Guevara (ondoko argazkian) eta Diniz.
Hilabetekako Artxiboak:otsaila 2013
Wild-en erakustaldia, denboraldia hasteko
Qatar-ko haize eta hondar artean ekin zion emakumezkoen tropel gaztetuak 2013ko errepide denboraldiari. Eta hori bera dugu, akaso, lehen albistea: egutegia normaltasunez, ezustekorik gabe hasi izana. Izan ere, lasterketa gehienek azken asteotan baieztatu dute aurtengo ekitaldia, eta ez dira gutxi oraindik zalantzan direnak, edota data zehaztu gabe dutenak (gure Emakumeen Bira horren lekuko).
Izan ere Olinpiar Jokoen osteko denboraldian gaude (emakumezkoen egutegiarentzat zailena), testuinguru ekonomikoak ez du batere languntzen eta egoera honetan, lehiatzen den lasterketa bakoitza gozatu eta ospatzea dagokigu zaleoi.
Continue reading “Wild-en erakustaldia, denboraldia hasteko”