Talde honen inguruan dabiltzanak Idiazabal aldera begira ari dira AMPO enpresaren erabakiaren baitan baitago talde kontinentalaren jarraipena esan dutenez. Dakizuen bezala AMPO enpresa ez da unerik goxoena bizitzen ari eta horrek publizitatean inbertsioak txikitzea ere badakar.
Txirrindulari taldeak beste babesle bat ere badu; Murtziako agintariek ere taldea babesten dute eta hori da Contempolis-Ampo taldean Murtziako eta euskal txirrindulariak izatearen arrazoi nagusia. Euskaldun horien artean Mikel Gaztañaga, Aitor Perez, Dionio Galparsoro eta Jabier Etxarri izango lirateke egungo blokean.
AMPOk ezezkoa ematen badu beste babesleren bat bilatu beharko dute UCIk jartzen dituen baldintzak betetzeko, bermeetan oinarritzen diren baldintzak hain zuzen ere. Hurrengo egunetan zerbait jakingo dela pentsatzen da.