Txirrindularitza sexista da

Bai behintzat Italia aldean. Aurtengoan Giroaren 100. edizioa izango da eta ezer gutxi aldatu da bota itxura duen herrialdean.

Txirrindularitza aldatzen ari da, zalantzarik gabe hoberako. Gero eta emakumezko lasterketa gehiago daude, Ardenetan ikusi genuen moduan – gogoratu Emakumeen Bira ere laster izango dugula gure errepideetan. Gizonezkoen lasterketetan ere aldaketa nabaritzen ari gara eta gero eta azafata lirain gutxiago ikusten ditugu podiumetan, Australiako Tour Down Under edo Euskal Herriko Itzulian kasu. Baina Italian garaiak aldatzen doazenik ez da antzematen.

Atzo erakutsi zuten autengo garaikurra. Polita askoa deritzot inongo ‘gehigarririk’ jarri gabe, baina italierrentzat dirudienez ez. Aurkezpenean emakumezko bat garaikurra laudoriotzen erakutsi zuten eta egia esan, irudiak ikustean ez zidan graziarik egin.

Zoritxarrez ez dut uste emakumeak era horretan Giroan ikusiko dugun azken aldia izango denik. Seguru podiumetan ikusiko ditugula eta baita helmugatan sailkapen desberdinetako maillotak soinean desfilatzen, iaz bezala.

Oso gustuko dut Italiako Giroa eta aurtengoa ere ikusgarria izango delakoan naiz. Orain, gorroto dut antolakuntzak emakumeak era honetan erabiltzea.

Klasikoak, klasikoan

Valverdek bosgarren aldiz irabazi du Fleche-Wallonne klasikoaJoan den igandean, txirrindularitza zale bat baino gehiago ia maitemindu ginen Amstel Gold Race lasterketarekin. Batez ere, azken 40 kilometroak zirraragarriak izan zirelako. Cauberg aldapa mitikoa ez zen lasterketa amaiera, baina azken kilometroetako profilak, aldapari aldapa, ikuskizun ederra eskaini zigun. Fleche-Wallonen, ordea, ikuskizuna apalagoa izaten da. Huyko hormak ez du ustekabeentzako tartetik uzten. Jungels izan da gaur azken kilometroetan ausartena eta Luxenburgoko ziklista garaiak lehen postuan igaro ditu Huy aurretik jarritako koskak. Marrazoek, baina, ez diote urrutiegi joaten utzi, eta azken kilometroan irentsi dute -erne, dena dela, berarekin igandean Liejera bidean-. Oilarren txanda iritsi da orduan, azken metroetan, eta Valverdek une honetan geldiezina dirudi. Edo geldiezina da, hobe esanda. Aurkariak hankapean hartu ditu gaur. Daniel Martin eta Teuns igo dira podiumera Movistar taldeko txirrindulariaren ezker-eskuin, eta pozik egongo dira ziurrenik… Valverderen aurtengo denboraldiko garaipen zerrenda ikustea eta zorabiatzea, biak bat. Ez hori bakarrik: laugarren aldiz jarraian lortu du Fleche-Wallonnen nagusitzea -eta 2006an ere gailendu zen!-. Continue reading “Klasikoak, klasikoan”

#162 Tropela podcastak: 2017ko Paris-Roubaix

2017ko Paris-RoubaixIban Perezek (@piban) eta Imanol Lluciak (@imanolllucia) aurtengo Paris-Roubaix, iparraldeko infernuaren kinielari errepasoa ematen diote podcast honetan. Zalanzarik gabe Tropelako kiniela egiteko podcast lagungarria. Continue reading “#162 Tropela podcastak: 2017ko Paris-Roubaix”

Oude-Kwaremonteko ibiltaria

Gilbert helmuga pasatzen 2017 Flandriako TourreanBalentria hitzarekin topo egiten du maiz txirrindularitzak. Txakalaldi hitzak ere. Bi horien artean ibili zen Philippe Gilbert 101. Flandriako Tourrean, eta azkenean, erakustaldia emanez lortu zuen garaipen gogoangarria. Ederki sufrituta, hori bai.

Muur Kapelmuur mitikoan hasi zen benetako lasterketa. Azken 100 kilometroetan sarturik, Tom Boonenek tropela luzatu, estutu eta bat baino gehiago ikusleak agurtzen harrapatu zuen. Horrela geratu ziren atzean kiniela guztietako bi faborito nagusiak: Greg Van Avermaet eta Peter Sagan. BMC eta Bora taldeak, hurrenez hurren, lo geratu ziren, eta minutu inguruko aldea bertan behera uzteko erre zituzten makinak. Lotto-Soudalek ere kale egin zuen, enegarrenez. Continue reading “Oude-Kwaremonteko ibiltaria”

#160 eta #161 Tropela podcastak: 2017ko Flandriako Tourra eta Euskal Herriko Itzulia

Hemen dituzue bai bihar jokatuko den Flandriako Tourreko podcasta bai astelehenetik aurrera izango de Euskal Herriko Itzuliaren podcastak. Seguru lagungarri zaizkizuela zuen kinielak egiteko. Zorte on!!