Puntuazio sisteman egokitzapen batzuk

Puntuazio sistemaAurtengoa Tropelaren 13. denboraldia izango da eta sare sozialetan askotan aipatu dugun moduan, irrikaz gaude denboraldi berri honi ekiteko. Ea orain artekoak besteko oparoa izaten den!

Denbora luze honetan hobekuntza eta egokitzapen lanetan aritu izan gara. Oraingo honetan puntuazio sisteman doitze batzuk egitea egokitu zaigu eta post honen bidez aldaketa horien berri eman nahi dizuegu, nahiz eta ikusgai dituzuen puntuazio sistemaren atalean. Continue reading “Puntuazio sisteman egokitzapen batzuk”

Lasai antzean hasi eta su bizian bukatu

PROFILCOLSCOTES_1

Tropelako kiniela egin aurretik ez dago sobera Paris-Niza probaren ibilbideari bistadizo bat botatzea. Aurtengo lasterketa martxoaren 5ean, iganderarekin, abiatuko da Bois-d’Arcyn eta ez da erlojupeko lehiarekin hasiko. Hori da, begien bistan, aldaketarik nagusiena aurreko urtekoekin alderatuta. Lehenengo hiru etapak lasai samarrak izango dira sailkapen nagusiari begira. Hortaz, esprinterrek eta ihesaldietan iaioak direnek hiru egun apropos izango dituzte borrokarako.

Martxoaren 8an, asteazkenarekin, jokatuko da erlojupekoa. Etapa bitxia inondik ere, izan ere, 14 kilometro eta erdiko saioaren azken hiru kilometroak maldan gora izango dira. Hori horrela, erlojuz kontrako espezialistek lanak izango dituzte igotzaile petoei eusteko. Ostegunean, berriz ere bare eta ostiralean, martxoak 10, izango da lehen mendiko etapa; ziklistek ez dituzte mendate izugarri gogorrak igoko, baina oso ibilbide gorabeheratsua izango dute eta azken bi kilometroek ia %10eko malda dute. Continue reading “Lasai antzean hasi eta su bizian bukatu”

Aldapan gora doa Ben Hermans

Hermans Green Mountainen etapa garaipena lortzenAskok Flandriako Brabantse Pijl klasikoa irabazi zuenean izan zuten Ben Hermans belgikarraren berri. 2015ean izan zen eta BMC taldearen maillotarekin lortu zuen lehen garaipena izan zen, Matthews eta Gilberten aurretik. Berarentzako mugarri izan zen lorpen hura, eta ordutik bere diziplina talde lana, ehiztari sena eta erlojuaren kontrakoetan lehiatzea izan da. Continue reading “Aldapan gora doa Ben Hermans”

Atzo euskaldunak protagonista, poza eta pena

Jonathan Castroviejo erlojuaren kontrako saioanAtzoko egunez hiru itzuli desberdinetako hiru etapa jokatu ziren: Omango, Andaluziako eta Algarveko itzulietako etapak jokatu ziren atzo. Horietatik bitan euskaldunak protagonista izan genituen, zentzu desberdinean izan bazen ere.

Berri pozgarria Jonathan Castroviejok eman zigun erlojuaren kontrako etapan garaipena lortuta. Eta ez zen edonolako garaipena izan, izan ere Tony Martin eta Roglic espezialisten aurretik sailkatu zen. Bikain Jonathan eta zorionak! Jada erlojuaren kontrako espezialistetan puntakoa zarela garbi utzi diguzu!

Beste notizia, hau tamalgarria, Ion Izagirrek eman zigun. Gogotsu zen Andaluziako itzuliko erlojuaren kontrako saiorako aste osoan zehar erakutsitako maila ikusita. Tamalez erorikoa izan zuen eta lasterketa utzi beharrean suertatu zen ormaiztegiarra. Pena, pena galanta eragin zidan. Baina tira, ez du hausturarik, zauri harinak besterik ez. Gogoan izan bere hurrengo zita garrantzitsuagoa Paria-Niza izango duela Bahrein-Meridako liderrak. Ea ba ondo osatu eta onenenkin lehian ikusten zaigun, Ion!

Contador eta Valverde Twitter bidez 'jolasean'Amaitzeko esan Movistarrek borobildu zuela atzoko eguna Jonathanen garaipenaz gain Valverdek ere garaipena lortu baitzuen Andaluzian eta lider jarri da Contadorren aurretik segundo bakar batera bada ere. Txantxetarako tartea ere izan bazuten ere Twitter bidez, ondo bidean Valverdek eramango du bere bosgarren Andaluziako itzulia.

Argazkia: Bettini Photo eta Twitter

Txirrindularitza eta edertasuna

DumoulinBizikleta gainean makurtuta, bizkarra biribilduta doazen ziklistak gustatu izan zaizkit gehien betidanik. Ez derrigor karrera gehien irabazten dituztenak, baizik eta ikusteko gozagarriak direnak, nolabait esan, bizikleta gaineko gentleman-ak, edo gurpil gaineko Ryan Goslingak. Bob Jungels eta Tom Dumoulin dira gaur egun gehien liluratzen nauten ziklistak, biak ere 50. hamarraldiko film batetik atereak diruditen karreristak. Lehena, Jungels, da eleganteena, bai postura aldetik eta bai janzkera aldetik gehien zaintzen denetako bat. Aukera duen bakoitzean kaskoa erantzi eta bere vintage orrazkera erakusten du, Ray-ban markako betaurrekoak eramaten ditu, eta, oro har, sedukzio paperean guztiz sartuta egoten den karrerista da luxenburgotarra. Ez dezala inork pentsa, horregatik, bizikleta gainean despistatuta ibiltzen denik, iazko Giroan erakutsi zuen bezala, hortzak estutzeko garaian kirolari sakrifikatuenen pare ibiltzen baita, (kirol alorrean ere) nabarmentzeko antsiaz. Erlojuaren kontrako ziklista brillantea da, dudarik ez da, eta maldan gorakoan gabezia handi xamarrak dauzkan arren, nik uste askoren buruan dagoela Jungels itzuli handietarako gizona izan daitekeen ideia. Continue reading “Txirrindularitza eta edertasuna”