Tropelak 10 urte betetzen ditu gaur!!

Tropela 10 urteAtzo izango balitz bezala dugu gogoan proiektu honi ekin genion eguna. 2005eko Frantziako Tourra bizi izan genuen Tropelarekin lehen aldiz. Gaur egun, ordea, nekez pentsa dezakegu Frantziako Tourra Tropelarik gabe, ezta?

Bi izan ziren 2005ean antolatutako ekitaldiak; egun 21 dira antolatzen ditugun lehiaketak. Parte hartzaileei dagokionez ere goraka doa tropelaren tamaina, goraka txirrindularitza Tropelarekin bizi nahi dutenen kopurua.

Tropela bere hastapenetatik ezagutu duzuenok webguneak izan duen garapena ere gogoan izango duzue. Badu egungo Tropelak 2005koaren antza, baina zalantzarik gabe oso desberdina da. Teknologia berriek eskatzen dutenaren egokitzapenetara moldatzen saiatzearen ondorio, nahiz eta askotan nahi bezainbeste aurrera egin ez.

Berrikuntzak izan dira eta berrikuntza berriak ere etorriko dira. Espero dezagun guztion gustukoak izatea!!

 

HAU OSPATU BEHARRA DAGO!!

10. urteurren hau ospatzeko, bi lehiaketa antolatzea erabaki dugu. Ondo irakurri!

Lehen zozketa sare sozialetan eta blogean bertan egingo duguna da. Zoriontzeko mezuak bidaltzen dizkiguzuen artean Tropelaren 10 kamiseta zozketatuko ditugu. Horretarako ondorengo bide hauek erabil ditzakezue:

– Twitter: #tropela10urte traola erabiltzen duten zorion mezuak norberaren Tropelako erabiltzaile izena gehituz

– Facebook eta Google+: gure orman zorion mezuak gehituz, Tropelako erabiltzaile izenarekin bateraLuxuzko Gregario bidoia

– Blogean: post honen ondoren zuen mezuak txertatuz, Tropelako erabiltzaile izenarekin batera

Zozketa hau igande gauean burutuko dugu, beraz, parte hartzeko epea igande honetan arratsaldeko 18:00etan itxiko dugu, Flandriako Tourra amaitu ondoren. Zozketan honetan Tropelako erabiltzaile guztiek parte hartu ahalko dute.

Bigarren zozketa Luxuzko Gregarioei zuzendua izango da. Luxuzko Gregarieon 10 bidoi ditugu, nola ez, Luxuzko Gregario zareten guztion artean zozketatzeko. Zozketa hau ere igande gauean egingo dugu kamiseten zozketarekin batera, beraz, oraindik Luxuzko Gregario ez bazara bihurtu zaitez igandea baino lehenago zozketan parte hartzeko!!

Tropela aurten ere Itzuliarekin lanean

Iaz hasitako bidetik, aurten ere Tropela Itzuliarekin elkarlanean izango da. Martxan jarri genuen itzulia.net webgune eleanitz propio berria eta aurten ere webgunearen kudeaketaz arduratuko gara.

Horretaz gain aurkezpen ekitaldiak ere streaming bidez zuzenean emateko ardura ere egokitu zaigu. Ostegunean izan zen Itzuliaren aurkezpena eta zuzenean sarean zabaltzeaz Tropela arduratu zen lantaldearen lan bikainari esker. Badakigu hobetzeko tartea badagoela, baina guretzat erronka handia izan zen aurrera eramatea.

Hemen gehitzen dizuegu aurkezpen ekitaldian zuzenean eman genuen streamingaren bideoa.

Peter Saganen 260 eguneko lehortea

sagan-tirreno-adriatikoa

37 aste eta egun bat, hau da, 8 hilabete eta 16 egun. 260 egun, guztira. Denbora hori igaro da 2014ko ekainaren 29aren eta 2015eko martxoaren 16aren artean. Lehenengo datan, Eslovakiako errepideko txirrindularitza txapelketa irabazi zuen Saganek. Bigarrenean, herenegun, Tirrenoko 6. etapan gailendu zen. Tarte horretan, 2. postuetan espezializatu da eslovakiarra.

Lehenengo postuaren ateetan geratu da maiz Sagan, garaipen bilduma ikusgarria daukan txirrindularia. Aurten, irabazi gabe eman ditu lehenengo hilabeteak. Tinkoff-Saxoren milioi askoko fitxaketari lehenengo arrazoia emateko itxaron behar izan du. Nolakoak izan ziren, baina, 9 hilabete hauetako bigarren postuak?

Continue reading “Peter Saganen 260 eguneko lehortea”

Quintana itzuli da

bettiniphoto_0202012_1_full_670-1
Kolonbiar txikiak Tirreno-Adriatikoa astebeteko itzuliaren edizio berri bat gaineratu du. Larunbateko etapan, Terminillon elurpean amaitu zena, erakustaldi eman ostean Movistar taldeko 2015ko Frantziako Tourreko lider eta hautagaia mahai gainean kolpe sendo bat eman du.

San Luis-eko itzulian ezin izan zion Dani Diaz argentinarrari aurre egin. Kolonbiako txapelketan ere eroria izan zuen eta horrek planak eraldatu zizkion – arrazoi horregatik Andaluziako Itzulian ez zen egon. Zertarako gai zen askok ez zekiten. Begi bistan geratu da: Quintana on bat ikus dezakegu 2015 honetan.

Iaz, Contadorrek izugarrizko erakustaldia eman zuen itzuli berdinean. Sekulako erakustaldia eramanez poltsikoratu zuen Neptunoren hiruhortza sari bezala duen lasterketa. Uztailean berriz gogotsu ikusi arren, eroriko batek bere helburu nagusiaren borrokatik at utzi zuen (hala ere urtea ondo amaitzea lortu zuen Vuelta bereganatuz).

Buruhausteak besterik ez digute emango lau handiek kinielak egiterakoan (Nibali –Astana-, Contador –Tinkoff-Saxo-, Quintana –Movistar– eta Froome –Sky). Italiarrak iaz bezala pattal hasi du urtea baina Italiako txapelketaraino ez zuen bere gaitasunaren berririk eman. Madrildarra maila onean dago, baina ez dago iaz bezain sasoitsu edo gutxienez ez da hain erraz gailentzen besteekiko. Kolonbiarra ikusi dugu zertarako gai den eta Kenian hazitako Britainiarrak Andaluzian sekulako sasoia erakutsi zuen Contador oso on bati garaituz baina azken orduko osasun arazoek bi itsasoetako lasterketan ez parte hartzera bueltatu dute.

Zer egingo dugu? Ez dakit. Ziur daukadan bakarra: izango dugu aukera disfrutatzeko txirrindularitza onaz eta urteko zita oso garrantzitsuez (Milan San Remo igande honetan, Euskal Herriko Itzulia, Ardeenetako Hirukoa eta Roubaix apirilean…). Kinielako txapelketa klabeak iritsi arte puntu pilaketa handiak (edo galerak) izateko badaukagu zer gozatuaz.

Argazkia: cyclingnews.com

Jean-Christophe: bat ez, hiru!

AG2R 2014ko Tourreko podiumeanIazko denboraldian, lasterketaren bat hasi aurreko egunetan, tropela-zaleon artean asko komentatzen genuen honakoa: “AG2R tope zabilenk! Lasterketa guztietan norbait sartzen ditenk aurrean! Begira nola dabilen Betancur!” eta horrelakoak. Eta halaxe zen, kolonbiarrak Paristik Nizarakoa irabazteaz gain, ezin ahaztu Pozzovivo-ren Giroko 5. postua eta nola ez, urteko zita garrantzitsuenean bi emaitzarik onenak: Tourreko Péraud-en bigarren postua eta Bardet-en 6.a eta gazteen saria.

Salto kualitatibo bat eman zuen talde frantziarrak, horrelako postuetara ohitu gabeko taldea izaki. Azken bi urtetako zenbait gertakarik eman dezakete erantzuna. 2012 bukaeran 24 urteko Houanard gazteak EPOz positiboa eman zuen, eta 2013ko Giroan Georges-ek enmaskarante batekin beste bat. Giro hartan Betancur ikaragarri bat ikusi genuen, gogoratzen baduzue. Aste honetan jakin dugu bere profesional ibilbideko urte guztiak talde frantziarrean daramatzan Mondory-ren EPO positiboaz. 2 urte eskasetan 3. positiboa.
Continue reading “Jean-Christophe: bat ez, hiru!”