Hilabetekako Artxiboak:apirila 2012

Zertan zabiltzate, bikote?

Denboraldia apurka-apurka aurrera doa. Paris-Niza, Tirreno Adriatiko, Euskal Herriko Itzulia, udaberriko klasikoak. Giroaren atarian gaude jada. Eta Schlecktarren arrastorik ez dugu. Tourra itsu-itsuan prestatu nahi omen dute eta gainerako lasterketa guztiak bigarren mailakoak omen dira haientzat. Tira, espero dezagun sikiera Suitzako Itzulian haien dohainez gozatzea…

Nibalik kale egin du Lieja-Bastonje-Lieja klasikoan, azken kilometroetan Iglinskyk mendean hartu baitu, baina marrazoa oso denboraldi ona egiten ari da, benetan. Omango Tourreko etapa irabazi zuen, eta Tirreno Adriatikon ere etapa eta sailkapen nagusia. Valverdek ere garaipen politak lortu ditu dagoeneko Australian eta Paris-Nizan, besteak beste. Samuel Sanchez, Joaquim Rodríguez edota Wiggins ere garaipen zakua betetzen hasiak dira.

Continue reading “Zertan zabiltzate, bikote?”

Baikorretik gutxi

Batez ere Euskal Herriko Itzuliaren harira, han eta hemen entzun dugu Miguel Madariaga Euskaltel Euskadiren managerra. Agur kutsua izan dute bere adierazpenek, inondik ere. Talde laranjaren etorkizuna datozen hilabeteetan argituko da, baina Madariagak argi utzi du bera ez dela bertan ariko.

Oharkabean pasatzen ez den horietakoa da Madariaga, egiazki. Azken bi hamarkadetan oso momentu gozoak bizi izan ditu. Gutxi batzuk aipatzearren, Roberto Laisekak Luz Ardinenen lorturiko garaipena –Euskaltelen lehen garaipena izan zen Tourrean- edota Iban Mayok eta Haimar Zubeldiak Tourreko podiuma hatz puntekin ukitu zutenekoa. Azken urteetan Samuel Sanchezek, Igor Antonek eta Mikel Nievek eman dizkiote poz gehien kirol arloan; bereziki hunkigarria izan zen Antonek Bilbon irabazitako Espainiako Vueltako etapa. Egun garratzak ere izan ditu, noski. Mikel Astarlozak positibo eman zuenekoa, kasu. Kirol arlotik kanpora ere jardun da Madariaga, besteak beste ate joka ibili da taldearen biziraupenerako beharrezko sosen bila.
Nork bere iritzia izango du Miguel Madariagari buruz. Hona hemen, azken egunotan Noticias de Gipuzkoan eta Euskal Telebistan esandakoen laburpentxoa.

Continue reading “Baikorretik gutxi”

Lieja-Bastogne-Lieja zuzenean!!

15:30etan hasiko gara Lieja-Bastogne-Lieja lasterketaren jarraipena egiten. Gogoratu ordua iritsi artean ez duzuela seinalerik jasoko.

Saioan zehar gurekin harremanetan jartzeko Twitter (@tropela), Facebook (facebook.com/tropela) eta Skype (‘tropela.elkartea’) erabili ahal izango dituzue.

Android mugikorretik jarraitzeko: Winamp aplikazioa
iOSetik jarraitzeko: FStream
Nokia (Symbian) mugikorretik jarraitzeko: Internet Irratia.

Bi kasueta gehitu beharreko URLa: http://giss.tv:8000/tropela.mp3
Argi bide gehiago hemen.

Nola jarraitu Lieja-Bastogne-Lieja Tropelarekin?

Prest gaude bihar, apirilak 22, Lieja-Bastogne-Lieja klasiko famatua zuzenean streaming bidez eskaintzeko. Saioari arratsaldeko 15:30etan ekingo diogu (gogoratu lasterketa 17:00ak aldera amaituko dela antolakuntzaren arabera).

Nola entzun dezaket saioa?

Continue reading “Nola jarraitu Lieja-Bastogne-Lieja Tropelarekin?”

Jarraituko al zenuke Lieja-Bastogne-Lieja zuzenean Tropelarekin?

Tropelan hurrengo igandeko Lieja-Bastogne-Lieja klasiko handia zuzenean eskaintzean pentsatzen ari gara. Lehen proba Milano-Sanremorekin egin genuen eta igandeko klasikoarekin ekimena errepikatzeko aukera dagoela ikusi dugu. Hori dela eta galdeketa bat egin nahi dugu zuen artean jakiteko zuen iritzia ekimen honen aurrean.

Era berean inolako iradokizun edo gomendiorik bazenukete formatoaren edo edukiaren inguruan, mesedez, gehitu iruzkinak jarraian. Gustura hartuko ditugu bai galdeketaren erantzunak bai iradokizun edo gomendioak.