Giroa: arrosa, laranja eta beltza

Bukatu berri zaigun Giroaren balantzeari ekingo diot lehen hamar sailkatuen aipamentxoa eginda. Podiumera igotako hirurek Giro borobila egin dutelakoan nago. Cotadorrek hiru asteko lasterketetan nekez kale egiten duela erakutsi du, beste behin –sei daramatza dagoeneko, oraindik ere ez badakigu ere klenbuterolaren auziagatik iazko Tourrari eutsiko dion edo kenduko dioten. Scarponiren lana itzalean geratu da, baina […]

Ze majoa den Contador!!

Gaurkoan Contadorrek nabarmen utzi dio Tiralongori etapa garaipena. Bai, Contador bera da Giroko indartsuena zalantzarik gabe eta gaurko etapa irabazteko indarrak ere sobran zituen. Baina iaz bere ‘gregario’ zen Tiralongori garaipenaren bidean laguntzea erabaki du. Bazirudien Katushak gaur Puritorekin etapa garaipena lortu nahi zuela. Di Luca eta gainerakoak lanean aritu dira ihesaldia zapuzteko eta hori […]

Esprint eztabaidagarria italiarren artean

Gaurkoan ihesaldiak etapa garaipena eraman du. Esprinter nagusiak etxea joanak dira eta ez zegoen tropelean ihesaldia zapuzteko gogo berezirik zuen talderik. Horrela, ihesaldiko Visconti, Ulissi, Lastras eta Bakelants elkarrekin helmugaratu dira. Etapa garaipena esprintean erabaki da eta hika-mika ederra sortu ere sortu da. Protagonistak Visconti eta Ulissi gaztea izan dira. Bi italiar Italian elkarri mokoka. […]

Nevegaletik Finestrera

Asteburuan gozatu ederra hartu genuen Euskal Herriko bi txirrindularik, Igor Antonek eta Mikel Nievek, Giroko bi etapa nagusiak irabazi zituztelako. Hala ere, batek daki, beharbada gozatzeko parada gehiago izango ditugu etxeko ziklistekin. Sestriere, Aprica, Finestre… Giroaren azken txanpak ere zeresana emango du. Ea ba… Asteartean, Nevegalen gora erlojupean ariko dira txirrindulariak: zortzi kilometro eta batez […]

Xavi Tondo hil egin da

Badirudi txirrindularitzari laino beltz batek jarraitzen diola. Wouter Weylandten heriotz tragikoa denok hain presente dugun aldi honetan, gaurkoan patuak Xavi Tondo txirrindulari kataluniarraren bizia eramatea erabaki du. Belgiarrak ez bezala, Tondok ez du bizia errepidean galdu, istripu inozo batean baizik. Xavi Tondo Granadan zegoen Tourra prestatzen, Beñat Intxaustirekin batera. Dirudienez, gaurkoan Valverderekin batera Sierra Nevadan […]

Eta gaur Mikel Nieve!!

Atzokoan Igor Antonen garaipena sinistu ezinda banintzen, zer esango dizuet ba gaurko Mikel Nieveren garaipenaren ondoren? Txalotzekoa talde laranjaren lana, asteburua bikain borobildu baitute. Zorionak guztioi!! Atzo ikusi genuen Mikel Nieve indartsu zebilela. Gaurkoan eguneko ihesaldian sartu da Garzelli zakur zaharra tarteko. Mugimendu ezberdinak izan dira aurrealdean, baina garrantzitsuena Garzellik Marmolada igotzerakoan jo duena izan […]

Igor Antonen garaipen ikaragarria Zoncolanen

Ikaragarria Igor Antonek Zoncolanen lortutako garaipena. Euskaltel-Euskadi taldeak aurkezpenean etapa garaipena zuten helburu aurtengo Giroan eta lortu dute. Eta nola gainera! Zoncolango mendate mitikoan amaitzen zen etapa. Ikaragarria Galdakaokoak lortutako garaipena. Hemen duzue azken kilometroen bideoa ikusgai. Etapa polemikaz beterik zetorren. Zoncolan igo aurretik Crostis mendatea igo eta jaitsi behar zuten. Azken unean, ordea, UCIk […]

Giroan, matxinadarako tarterik ez

Rujanok irabazi du Austriako Grossglockner mendatean. Venezuelako igotzaile ttikia Contadorrekin helmugaratu da. Espainiarrak aldea handitu du Nibali eta Scarponirekiko sailkapen nagusian. Igor Antonek etapa egin du; bosgarren bukatu du eta zazpigarren posturaino igo da. Bide batez, antolakuntzak jakitera eman berri du azkenean ez dutela bihar Crostis mendatea igoko arriskuagatik. Etapa, hori bai, aurreikusi bezala, Zoncolanen […]

Futbol selekzioa, erregea eta garagardoa

Horiexek omen dira, oraindik orain Belgikako presidente den Yves Leterme-k esan zuenaren arabera, bere herritar guztiek, hau da, flandestar eta waloiek, komunean dauzkaten gauza bakarrak. Hortik aurrera, elkarrekin ia bat ere zerikusirik ez duten bi eskualdek osatzen dute Belgika. Hizkuntza da ezberdintzen dituen bereizgarri ezagun eta nagusienetarikoa. Alabaina, diferentziak alor linguistikotik aratago doaz, belgikar estatuak […]