Paris-Niza 2010 lan erditan?

Contador lider berria Paris-NizanNire iritzian, gaur hasi da Paris-Niza irabazteko lehia. Ez nuen oso garbi gizonik indartsuenak zeintzuk izango ziren Contador salbu. Gaurkoan Contadorrek lasterketa irabazi nahi duela argi utzi du eta orain arte genituen zalantza batzuk argitzen doaz.

Igandeko erlojupekoan Boomek ezustekoa emanda irabazi zuen eta lidergoa lortu. Berak ere hala aitortu zuen. Voigtek era lasterketaren lehian aritzeko zantzuak eman zituen egun hartan, eta garaipenaren lehia horretan, atzoko etapan lidergoa eskuratzea lortu zuen Boomen kaltetan.

Asteleheneko etapa Hendersonek irabazi zuen mozketa baten ondoren esprintean. Sky taldeko txirrindulariak esprinter onenen artean izateko gai dela erakutsi digu.

Asteartean beste esprint bat jokatu zen. Oraingoan tropelean jokatu zen, baina faboritoen artean Greipel, Bozic edo Haussler bagenituen, Bonnet frantziarra izan zen ezustekoa eman zuena. Continue reading “Paris-Niza 2010 lan erditan?”

2010eko taldeen analisia (XVII): Team Milram, Gerolsteinerrek utzitakoarekin

Ez du askorako ematen Team Milram taldeak. Ez dago lider sendorik; hiru izen nabarmentzen dira besteen gainetik. Datu aipagarri bat da Gerolsteiner taldea desagertu eta hango ziklista asko joan zirela Milram taldera, baina ez diote eutsi talde hartan eman zuten mailari. Denok dakigu zergatik.

bettiniphoto_0046213_1_full_600Förster da taldean garaipen gehien dituena. Esprinter purua. Batez ere, Giroan nabarmendu izan da, hainbat garaipen ditu. Iaz garaipen bakarra batu zuen; gutxi, esprinter batendako. Talde aldaketak ez zion onik egin, askori bezala. Ciolek gaztea da taldeko beste erreferente bat, baina otsailean lepauztaia hautsi zuen eta denbora batez geldirik egon beharko du. Albiste txarra taldearendako; iaz Espainiako Vueltako etapa bat irabazi zuen alemaniarrak. Gaztea da, eta proiekzio handikoa. Ea, bada, laster errekuperatzen den. Eta taldeko hirugarren zutabea Gerdemann da. Tourrean, Suitzan, Alemanian… garaipen politak ditu. Aurten palmaresa estreinatuta da, Mallorcako Challengeko hirugarren etapa irabazi du-eta. Hura ere hobeto moldatzen da astebeteko probetan. Ez da tropelean geldi egoten den horietakoa, oso lehiakorra.

robertsboscomartinWegmann-ez zer esango dugu, ba! Euskal Herriko probetan sarritan ikusi dugu, amaiera bihurriak gustuko dituen horietakoa da, eta garaipen asko ditu. Borrokalari peto-petoa. Beste batzuen moduan, Gerolsteiner desagertu ostean joan zen Milramera, eta hari ere ez zion onik egin aldaketak. Bazuen zerbait talde hark… Roberts australiarrak ostiralean bertan irabazi zuen Murtziako Itzuliko hirugarren etapa. Tour Down Under ederra egin zuen, eta horrek esan nahi du urte oparo baten aurrean egon litekeela. Hasiera ezin hobea denboraldiari. Knaven eta Wrolich dira beteranoenak. Holandarrak, zelan ez, klasikoak izango ditu helburu; urte batzuk badaramatza ezer irabazi gabe, eta hau haren azken urtea izan liteke. Austriarrak ere urte askotxo daramatza eskuak altxatu gabe; esprinterra dela esan dezakegu, baina berezia, ezer gutxi egin dezake-eta puntako esprinterren aurrean.

Fothen anaietatik Markus da irabazlea; Suitzako Itzuliko etapa bat irabazi zuen 2008an eta Romandiako bat 2007an, besteak beste. Ondo moldatzen da astebeteko probatan.

pic37967372_600Hainbat gazte eta fitxaketa berri era badira: Kluge laugarren izan da Qatarren, eta baditu hainbat garaipen lortuta; Voss eta Stroetinga Mallorcako Challengean izan berri dira, emaitza handirik gabe; Roels iaz Espainiako Itzuliko 15. etapan nabarmendu zen (3. izan zen helmugan); gazteena Nerz dugu (20 urte); Gajek-ek hainbat urte daramatza taldean; Frohlinger postu onak eginda da Tourren eta Giroan, besteak beste, eta oso lehiatsua da, saiatua. Etorriko dira garaipenak. Terpstra-k garaipen politak ditu: iaz Dauphinen etapa bat eta Ster Elektrotoer proban beste etapa bat irabazi zituen. Russ-ek ere Gerolsteinerren eman zituen bere urterik onenak.

De Votcht eta Knees, berriz, klasikoetan lehiatuko dira, Knavenen ondoan. Rohregger-ek postu on asko ditu, baina azkeneko urteetan ez da garaipenetik gertu egon. Sentjens Lotto taldean zen iaz, eta, beste ezeren gainetik, talde-gizona da. Eta Eichler eta Schröder-ekin osatzen da taldea.

Erretratuak: Roberto Bettini, Bosco Martin, Fotoreporter Sirotti.

2010eko Paris-Niza lasterketari begirada bat

2010eko Paris-NizaAurtengoa 68. edizioa izango du lasterketa Frantziarrak eta lehena izango da Tropela.net webgunean lehiatzeko moduan  izango dena. Lasterketa hau 8 etapaz osatuta dago eta Tourrera joateko gonbidapena behar dutenek (BMC, Cervélo, Katusha, Vacansoleil,…) erakusleiho hau ezinbestean aprobetxatu beharra dute.

Bihar jokatuko da lehen etapa, 8 kilometrotako erlojuaren kontrako saioa. Ez da erabat laua, beraz, Contador eta Kreuziger bezalako txirrindularientzat egokia izan daiteke gainontzeko faboritoak ahaztu gabe.

Astelehenean jokatu den etapan 201,5 km burutu beharko dituzte. Etapa hau esprinterrentzat egokia da, beraz, ezustekorik ezean, esprinterren arteko lehen lehia ikusiko genuke.

Astearteko etapak ere 201 km inguru ditu, baina oraingo honetan etapa amaiera aldera 3. mailako bi mendate sartu dituzte eta honek, beharbada, iheslariak mugitzera anima ditzake. Hala ere, faboritoen taldeek ezingo diete denbora tarte handiegirik ateratzen utzi lasterketaren lehian jarraitu nahi badute. Continue reading “2010eko Paris-Niza lasterketari begirada bat”

2010eko taldeen analisia (XVI): RadioShack, Armstrongen taldea

RadioShack

Iazko Tourra oraindik jokoan zela, Armstrongen talde berriaren berri eman zuen prentsa aurrean. Bazekien Contadorren aurrean ezingo zuela Tourra irabazi eta berak hori zuen amets. Gainera gogoan ditugu talde berean zirelako izan ziren liskarrak, komunikabideetan behintzat. Kontuak kontu RadioShack Armstrongen desiratik sortutako taldea dela.

Astana taldea urte hasieran gorabehera ekonomikoak izan ziren. Horrek lagunduta edo, Armstrongek iazko Astana taldeko Tourreko txirrindulari guztiak, Contador izan ezik, berekin joan dira RadioShack taldera. Horien artean Haimar Zubeldia bera. nahiz eta honek ere espainiar komunikabideengandik kritikaren bat edo beste jaso. Ez da euskaldun bakarra usurbildarra talde amerikarrean: Markel Irizar ere gehitu zaie.

Leipheimer, Klöden, Popovych eta Paulinho bezalako txirrindulariekin Armstrongen, Bruyneelen gidaritzapean, 2010eko Tourrerako talderik sendoena osatu nahi zuten. Baina ez da Tourrerako espresuki sortutako taldea bakarrik. Gainontzeko lasterketetan ere ondo aritzea dute helburu eta horretarako Steegmans edo Rosseler txirrindulariak aipatuko nituzke.

Lance Armstrong Rides — ek eskainia

Talde erakargarria eta ikusmina eragin duena da. Zalantzarik gabe Tourrean begi guztiak talde honetan eta batez ere Armstrongi begira izango dira. Nahiz eta iaz baina prestatuago aurkitzen dela adierazi duen, ez dakit Tourra irabazten txirrindularirik edadetuena izateko gauza izango den Texaseko txirrindulari ezaguna.

2010eko taldeen analisia (XV): Lampre-Farnese Vini

Lampre

Aurtengo denboraldian babesle nagusiarekin kontratua amaitzen duen talde bat baino gehiago da Pro Tour mailan, orain arteko taldeen gainbegiratuan ikusi ahal izan dugun bezala. Alabaina, horien guztien artean Lampre-Farnese Vini-k dauka aurrean egoerarik latzena. Italiarrena kontu ezberdina da, arazoa ez baita kontratua urte amaieran bukatzea, baizik eta administrazio arazoak direla eta, egun daukaten Pro Tour lizentzia behin-behinekoa dela. Arazook Martxoa bete aurretik konpondu beharko dituzte, bestela lizentzia galduko baitute, eta ez hori bakarrik, profesional izateari utzi beharko liokete, taldearen amaiera ia segurua litzatekeelarik. Egoera honen aurrean, txirrindulariek ez daukate gauza askorik egiteko, euren lanari profesionaltasunez ekitea baino.

Kirol alorrari erreparatuta, hainbat aldaketa izan ditu bere baitan Giuseppe Saronni-k zuzentzen duen taldeak. Dena den, berriz ere Cunego izango da erreferentzia nagusia. Il Piccolo Principe-k ez zuen 2009koa bere urterik onena izan. Hala ere, iaz irekitako bide bati jarraipena emateko asmotan dela dirudi, itzuli handietan sailkapen nagusia alde batera utzi eta etapa garaipenak erdiesten ahalegintzea, alegia. Bere beste helburu nagusiak Ardenetako klasikoak (Liege-Bastogne-Liege dauka bereziki begiz jota) eta munduko txapelketa izango dira. Bere mailako txirrindularientzat arrakasta eta porrotaren arteko jauzia helburu diren lasterketak irabaztea edo ez irabazteak erabakitzen duela kontuan izanda, ez du lan erraza izango aurten ere Veronakoak. Continue reading “2010eko taldeen analisia (XV): Lampre-Farnese Vini”