Hilabetekako Artxiboak:iraila 2009

Mendien osteko esprintean Greipel nagusi

Greipel. 2009ko Vueltako 16. etapan garaipenaSentitzen dut gaur arte Vueltaren inguruko berririk ez idatzi izana. Beharbada espero baino ikuskizun gutxiago eman zuten mendietako etapek eta horrek Vueltaren inguruan idazteko gogoa kendu zidan. Egia esan gustura idatzi nuen Romain Sicarden garaipenaz eta espero dut askok nahiago zenutela horren berri izan.

Gaurkoan iheslarien etapa izan zitekeela pentsatzen bagenuen ere, esprinta jokatu da Puertollanon eta Columbia-HTCko azkarrenak ez du barkatu.

Gaur sofan jarri eta telebistari begira jartzea pentsatu dut. Etxera iristerako irratian entzun dut nola Rosendo ihes eginda zioan 8 minutu inguruko tartearekin, beraz, loak ez hartzea izango nuela helburu.

Bide zabalak, tropeleko esprinterrak denbora jateko lanetan eta Andalucia CajaSurreko txirrindularia ihesaldian ahalik eta gehien irauteko lehian. Hain txirrindulari zalea ez banintz bataz-besteko abiadura zein zen entzun, erlojuari begiratu eta beste zerbait egitera joango nintzateke arratsaldeko 6ak arte.

Eztabaidagai jar genezake tropelak eta ordutegi ofizialaren arteko desfase ikaragarria. Ez dakit zeinek duen errua, tropelak ala antolatzaileek, baina eskerrak irailean udara den bestela ilunpetan iritsiko balirateke txirrindulariak helmugara.

Tropelak helmugarako 18 kilometro ingururen faltan harrapatu du Rosendo. Sevillarrak 140 kilometro egin omen ditu bakarrik ihes eginda eta ez da marka makala.

Guztiak ziren prest esprinterako batez ere Farrar eta Boonen falta zirela kontutan izanda aukerak handitzen baitzitzaizkien lasterketan diharduten esprinterrei. Abiadura bizian ziren azken 4 kilometro inguruan Puertollanoko kaleetan eta eroriko ikusgarria izan da. Lau txirrindulari izan dira erori direnak eta hauetatik bi esprinter, Dean eta Weylandt. Deanek jaiki eta helmugaraino iristea lortu du bere taldekide baten laguntzaz eta Weylandtek, zauri larriagoz, beranduago lortu du helmugaratzea. Quick Stepeko belgikarrak mikro austura bat duela jakin araziko dute eta bihar erabakiko dute irteera hartu ala ez.

Esan bezala nabarmen lanean Columbia-HTC taldea ari zen eta Greipelek nagusitasun handiz lortu du garaipena. Atzetik Bonnet eta Bennati izan ditu. Honenbestez Greipelek 3. garaipena du 2009ko Vueltan. Liège eta Vinaroseko garaipenen ostean, gaur Puertollanon. Horretaz gain, puntuetako sailkapenean ere lider jarri da taldean zalaparta sortu duen erabaki batek puntuak kendu arazi baitzizkion Valverderen mesedetan.

Romain Sicardek Etorkizuneko Tourra segundo bakar batengatik irabazi du

2009ko Etorkizuneko Tourra Romain Sicardek irabazi duAurrekoan Romain Sicard hazpandarra 2009ko Etorkizuneko Tourrean lider jarri zela esaten genuen. Atzokoan erlojupekoa jokatzen zen eta zalantzak ziren ia Kritskiyrekin zuen1’37” tarteari eusteko gai izango ote zen. Errusiarrak, ordea, erlojupekoa jokatzen ari zela erorikoa izan eta lasterketa utzi beharrean izan zen. Ez dakit Kritskiyk zer nolako maila emateko gauza izango ote zen 27 kilometrotako erlojupekoan, baina bera falta zela Romainek erlojupeko bikaina egin eta etapa irabaztea lortu zuen.

Gaur Besançonen jokatu da azken. Lasterketa hasi denean bigarrena zen Van Gaderen estatu batuarrarekiko 2’01”eko denbora tartea zuen. Nahiko zuen, beraz, estatu batuarrarekin helmugaratzea. Hori hala suertatu da baina 2 minutuko zigorra ezarri diote Hazparneko txirrindulariari. Dirudienez beste talderen batekoek laguntzaren bat eman diote Romaini, bizikletaren bat edo. Ez dakit zer izan den zehazki, baina eman diotena eman diotela, badirudi arauz kanpokoa zela eta epaileek 2 minutuko zigorra ezarri diote. Eskerrak atzoko erlojupekoan Van Gadereni 3 segundoko errenta atera zion.

Pozgarria benetan berria euskal txirrindulariarentzat. 21 urteko gaztea hurrengo urtean Euskaltel-Euskaltelen izango da eta badirudi etorkizun handiko txirrindularia izan daitekeela. Ea hala den. Zorionak Romain!!

Etorkizuneko txirrindularia prestatzen: Romain Sicard

Romain Sicard. Etorkizuneko txirrindulariaEgungo euskal txirrindularitza profesionaletik berri onik jasotzen ari ez garen honetan, badirudi etorkizuneko txirrindulari gazte baten izena aireratzen hasi beharra dugula. Bera Romain Sicard da, Hazparneko txirrindulari gaztea.

Egun hauetan Etorkizuneko Tourraren 46. edizioa jokatzen ari da eta 21 urteko txirrindularia bertan ari da lehiatzen. Gaur jokatu da seigarren etapa jokatu da, edizio onetako etapa nagusia, eta bera Kritskiy errusiarrarekin helmugaratu da ihes eginda. Errusiarrak etapa garaipena lortu badu ere, Romain Sicard da lasterketako liderra 1’43”ko aldearekin bigarrenarekiko, Kritskiy errusiarrarekiko hain zuzen ere. Lasterketako liderraz gain mendiko sailkapenean buru da iparraldeko txirrindularia.

Hiru etapa besterik ez dira geratzen Tour hau bukatzeko eta gauzak ondo joaten bazaizkio txirrindulari euskaldunari garaipen garrantzitsua lortuko luke. Berri onak, beraz, Euskadiko Txirrindulari Irakaskundean, talde honetan ari baita oraingoz lanean Romain Sicard, baina etorkizun hurbil batean Euskaltel-Euskadin ikusiko dugu.

Farrarrek esprintean garaipena

Farrar. 2009ko Vueltako 11. etapan garaipena

Egunean zehar espero bezala ihesaldia eta gero, esprintean erabaki da gaurko etapa. Hala ere ez zeuden esprinter guztiak Boonen kasuan bezala. Hauen artean azkarren, eta lehen garaipena lortuaz, Farrar estatu batuarra izan da.

Gaur ere saiakerak izan dira ihesaldia ostatzeko, baina azkenean aurrera egitea lortu dutenak Amets Txurruka, Moncoutie (Aitanan amaitu zen etapako protagonistetako bat), De la Fuente eta Hoogerland izan dira. Garbi zegoen Moncoutiek mendiko maillota berreskuratu nahi zuela eta De la Fuentek nola edo ahala defendatzen saiatu beharko zuela. Markaketa hori zela eta, Amets Txurruka eta Hoogerlandek aurrera egin dute Collado Bermejo gainera igotzerakoan. Moncoutiek, ordea, argi zuen gaur zer egin behar zuen eta De la Fuente atzean utzi eta aurrera jo du aurreko bi txirrindulariekin bat eginez. De la Fuentek ezin izan dio jarraitu eta bertan geratu da. Collado Bermejo gainean azkenean Moncoutie izan da pasatzen lehena.

Eguneko ihesaldia, beraz, Amets Txurruka, Moncoutie eta Hoogerlandek osatu dute. Hirukoteak ia 9 minutuko tartea atera ahal izan dio tropelari eta horrek faboritoen taldeak urduritu ditu. Izan ere Hoogerland sailkapen nagusian 4’41”ra zen eta lasterketako lider jartzeko arriskua zegoen. Faboritoen talde guztiak (Rabobank, Liquigas, Caisse D’Epargne,…) tiraka hasi dira tarteak murrizteko eta Campo de San Juan 2. mailako gaina pasa ostean ihesaldia zapuztea lortu dute. Hori bai, Moncoutie gustura, gaurko bi mendateetan puntuak jasota mendiko sailkapenean lidergoa sendotzea lortu baitu 86 punturekin.

Tropela bat eginik eta Caravaca de la Cruzeko helmugara jaisten ari zirela Di Gregoriok saiakera egin du. 30”ko tartea ere atera du, baina tropelak, Liquigas buruan, frantziarraren ahalegin guztiak ezerezean utzi ditu. Ondoren Gerdemann ere saiatu da, baina honek ere ez du ezer lortu. Behintzat atzoko erorikoak ondorio larririk ez ziola utzi ikusi ahal izan dugu.

Tropelak abiadura bizia hartu du helmugara bidean eta ezustean aurrera egiten saiatu dena Cancellara izan da. Ez da lehen aldia horrela garaipena lortzen duena, baina gaurkoan ez du posible izan. Bukaeran, Farrar nagusitu da guztien aurretik. Atzetik Gilbert eta Marcato izan ditu. Aipagarria Iñaki Isasiren esprinta 4. sartu baita. Sailkapen nagusiari dagokionez aldaketarik ez.

Bihar atseden eguna izan dugu eta etzitik aurrera Vuelta erabakiko dituen hiru etapa ikusgarri. Oraindik guztia erabakitzeko dagoela esan daiteke.

Mikel Astarlozaren positiboa konfirmatu du B laginak

Mikel Astarlozak ustez EPOarekin positibo eman duEspero genuen bezala, eta zenbait komunikabidetan filtratuta plazaratu moduan, Mikel Astarlozari egin dioten bigarren B laginaren analisiak aurreratutakoa konfirmatu besterik ez du egin. Taldeak oraindik Pasaiako txirrindulariaren errugabetasunean sinesten badu ere eta Mikelek bere errugabetasuna irmoki defendatu bazuen ere Amarako Hoteleko prentsa aurrekoan, Tourreko etapa garaileak etapa garaipena galtzeaz gain 2 urteko zigorra bete beharrean izango da araudiari jarraiki.

Honen guztiaren aurrean Mikelen adierazpen berri bat beharko genukeela uste dut. Berak Amara Hotelean laborategiaren inguruko datuak zituela esan zuen eta hauek errugabetasuna frogatzeko balioko zituela. Datuak baditu publiko egitera animatu nahiko nuke zalegoak bere errugabetasunean sinesteko bere hitzaz gain beste datu objektiboren beharrean aurkitzen baita.

Euskaltel-Euskadi taldeak komunikatu bat kaleratu du bere jarrera eta txirrindulariari elkartasuna helaraziko. Gazteleraz bakarrik dugu eta hemen kopiatzea erabaki dut guztion eskuragarri izan dadin.

“El equipo ciclista profesional Euskaltel Euskadi comunica que el ciclista Mikel Astarloza ha recibido este mediodía el resultado del contra-análisis de la ‘muestra B’ del control antidopaje efectuado el 26 de junio de 2009, siendo calificado este como ‘no-negativo’. El conjunto no se extraña del resultado de dicha notificación, ya que fue filtrada a los medios de comunicación hace unos cuantos días, por lo que estaba preparado para afrontarla. Como se ha mantenido durante el periodo que ha transcurrido desde el anuncio del ‘no-negativo’ de la muestra A (31 de julio), el equipo confía en la inocencia de Mikel Astarloza y ha puesto este asunto en manos de sus abogados y técnicos para demostrar que el ciclista es inocente. Como es lógico, Euskaltel Euskadi se regirá por la normativa vigente en estos casos tanto a nivel UCI como federativo. A su vez, defenderá el daño causado tanto al ciclista como a la propia formación.”