Aurreko hiru urteetan Tourreko lehiaketaren ondoren irabazleei dagozkien sariak emateko sari banaketa bat egin ohi izan dugu Zestoako Bainuetxean. Aurtengoan, berriz, irailera atzeratzea erabaki dugu. Atzeratze honen arrazoi nagusia sari banaketa abuztuko lehen egunetan egokitzen dela da eta ondorioz hainbat sarituk oporrak direla eta ezin izaten dute sari banaketa ekitaldira joan. Ahalik eta saritu gehienak bildu asmotan sari banaketa irailera atzeratzea pentsatu dugu. Continue reading “Tropelako sari banaketa irailean izango da”
Hilabetekako Artxiboak:uztaila 2008
Supertaldea
Harrigarria. Ikusgarria. Nabarmena. Nahi duzuen bezala kalifikatu daiteke talde hau Tourrean erakusten ari den nagusitasuna. Liderra daukate, baita ere ziurrenik igotzaile onena (Sastre), gazte onena ere bai (Andy Schleck), etapa irabazle bat ere bai (Arvesen), eta hori gutxi balitz, gainontzeko guztiak, aurrekoak ahaztu gabe, sekulako talde lana egiten ari dira.
Taktikoki beti ondo. Urrutira joan gabe, gaur Arvesen eta Voigt ihesaldian sartu, bitartean lasterketa gogortu Gustovekin, bi hoiek are gehiago estutu eta azkenik Andy Schlecken azken kolpea.� Hautacameko etapan ere bikain. Beste etaa batean ere Cancellara eta Voigt ihesaldian sartu eta gero taldean sekulako mina egin zuten.
Akats bakarra beharbada Sastre orain Schlecki begira doala da. Faboritoago ikusten dut nik Sastre Frank baino, baina hau liderra izaki, Carlos lotu xamar dago. Eta hori azken erlojupekoan garesti ordain dezakete Evans edo Menchoven mesedetan.
Dena den, biharko etapa ikusi beharra dago. Nik uste Croix de Fer-en egurra egongo dela. CSC-k beste mugimendu taktiko bat egingo duelakoan nago, Gustov edo Andy ihesaldian sartuta, gero atzetik Sastrek erasoa jo eta faboritoak kolokan jar ditzan. Ikusiko dugu zer gertatzen den.
Argazkia: Tim De Waele
Riccò kartzelara eta Saunier etxera
VDB adiskideak eman digu Ricc�ren positboaren berri. Ezusteko latza txirrindularitzarentzat zalantzarik gabe eta Beltran eta Due�asek zeresana eman badute azken egunotan, Ricc�renarekin errematatu delakoan nago. Aurreko artikuluan ia bi espainiarrak azkena izango al ziren galdetzen nuen, baina garbi da ezetz. Eta beharbada ez da italiar gaztearekin amaituko. Continue reading “Riccò kartzelara eta Saunier etxera”
Riccok positibo eman du
L’Equipe-k atera berri du albistea. Dioenez, hirugarren belaunaldiko EPOarekin eman du positibo.
L’Alpe d’Huez-eko etapa irabaztea zuen hurrengo helburu, eta, zergatik ez, podiuma ere. Baina positibo horren ostean, zigorra… Ba, ez du inoiz irabaziko L’Alpe d’Huez-en. Eta ea zer egiten duen Saunierrek geratzen diren etapetan: Cobo, Piepoli… Ikusiko dugu.
Hortaz, beste bat jausi da, ea zein den hurrengoa.
Dueñas ere bai
37 urteko Beltran izan zen lehena EPOarekin akusatua orain egun gutxi, eta gaur 27 urteko Dueñas. Honen kasuan polizia frantziarrak sustantzien frogak aurkitu ditu bere gelan, beraz, ezin ezan egoera berean dagoenik. Dueñasek erlojupekoan egindako analisietan eman zuen positibo Hori jakinda, ohikoa den bezala, polizia frantziarrak miaketa burutu du zegoen gelan eta sustantziak aurkitu aurreratu dizuedan bezala. Ondorioz Frantzian onartu berri den sustantzien legearen arabera, 75000 eta 5 urterainoko kartzela zigorrari aurre egin beharko dio. Oraindik komisarian omen dago Barloworldeko gaztea. Continue reading “Dueñas ere bai”