Ullrichek utzi du!!!

Azken egunetan asko aipatzen zen gaia izan arren, gaurkoan baieztatu den arte ez zen ziurra berria. Hala ere, Jan Ullrich alemaniarrak txirrindulari profesionala izateari utzi dio.Jan-Ullrich.jpg

Hilabeteak zeramatzan errepidean agertu gabe. Oker ez banago bere azken lasterketa Suitzako Tourra izan zen, bertan irabazle izan zelarik. Egun batzuk aurretik Puerto Operazioa martxan zen eta garaipen honen ondoren hasi ziren “Rudicioren semea” zela zioten informazioak, eta horrekin batera Frantziako Tourrean parte hartzeko debekuarekin lotuta, gaur eman duen berria.

Alde batetik pena ematen dit hain ona izan den txirrindulari batek bere lana modu horretan utzi beharrean ikusteak. Gainera, Puerto Operazioan agertu ziren izen batzuk korritzen jarraitzen dute (Basso, Caruso, A.Davis, Mancebo…) eta beste batzuk utzi beharrean edo talderik gabe geratu dira (Ullrich bera, Osa anaiak, D.Etxebarria, Beloki). Orain dela pare bat aste ireki nuen berria hor egongo da gai honi buruz hitzegiteko.

Baina bestalde, bada pena ematen didan beste arrazoi bat. Ullrich badoa, doping kasu batetan zipristinduta (bai, badakit ez duela positibo eman baina betikoan gara) eta ez du ezer garbitu eta aklaratzen lagundu. Tropeleko izarrek zer dagoen esaten ez badute, nola konponduko dugu ba dopingaren orbana txirrindularitzan? izarrek eman beharko lukete etsenplu, Ullrich berak, Basso eta abarrek, baina ez, begiak itxi eta ezer argitzeko asmorik gabe txirrindularitza bizitzaren amaierarte iristen dira. Hau bai dela penagarria niretzat.

Izarrak martxan ditugu

Denboraldia hasi berria izan arren, hasi dira tropeleko izarrak agertzen. Garai aproposagoa izan ohi da txirrindulari ezezagunentzat, “onenak” helburuak beranduago izateagatik ez direlako oraindik bere sasoi punturik onenean izaten.freire.jpg

Hala ere, berezko kalitatea dela medio, jadanik ikusi (nire kasuan entzun eta irakurri bakarrik) ditugu Boonen (Qatar), Leipheimer eta Bettini (Kalifornia), Freire (Andaluzia), Eisel (Algarve) edo Bennati (Mediterraneo) bezalako txirrindularien garaipenak.

Hauek guztietatik Freirek dirudi sasoi punturik onenean. Milano – San Remo izango du helburu nagusitzat eta ikusten da ondo preparatuta dagoela. Andaluzian 2 etapa garaipen lortu eta beste bat bere taldekideari utzi ondoren, sailkapen nagusia etxera eman du. Oso indartsu hasi du denboraldia kantabriarrak.

Hala ere, denboraldi honen hasierako izar nagusia Ignatiev ari da izaten. Garaipen bat baino gehiago lortu du eta aditu askok ematen dioten etorkizun bikaina berehala hasi da baieztatzen. Ikusiko dugu hala ere, kasu honetan ere ez den gertatzen garai bateko sobiet batasuneko herrikide askori gertatu izan zaioan, denboraldi motx batean sekulako indarra eta erakustaldiak egin eta bere horretan geratu. Ez ahaztu Berzin, Bobrik, Gontchenkov edo beste maila batetan Popovych bezalako izenekin. Azken hau oraindik gaztea da eta agian ez nuke beste izenekin batera jarri behar baina antzeko bidea hartzen hasi da. Ignatiev gaztea oso gertutik jarraitu beharko dugu hala ere.

EUTSI! Martxoak 9 gure zinemetan!!

Eutsi KartelaNormalean webgune honetan ez dugu euskarazko filmen berri ematen baina oraingo honek txirrindularitza ardatzetako bat duenez gure ekartzea otu zaigu. Alkain, Hormaza eta konpainia tartean izanda umorerik ez da faltako. Ni behintzat, txirrindularitza zalea izanik, hain zinefiloa izan ez arren, filma ikusteko irrikitan nago. Ikusten dugunean komentatuko dugu gehiago. Orain itxarotea dagokigu. Bitartean hemen doakizue Baleuko etxekoak zabaltzen ari diren sinopsia.

Sinopsia

Kepa eta Martin haurtzaroko lagun minak dira, txirrindularitza zaleak. Berrogeina urte inguru dituzte eta lan egiten duten enpresa, Saldix Corp., bi urtez dabil gatazkan langileekin. Enpresa beste nonbaitera eramango duten zurrumurrua zabaldu denean, Martin aita izateko puntuan dago, eta krisialdi batean murgilduko da. Bi lagunak ika-mika hasiko dira, Kepa langabeziak sorturiko egoerara egokitu baita.

Beren adiskidantza apurtzear dagoenean helburu bat sortuko da: beren protestak Frantziako Tourrera eramatea. Horretarako, enpresako auto bat lapurtu beharko dute, sindikatuaren egoitzan dagoen materiala hartu, eta Pirinioetara joan azkar batean. Eta hori guztia, Zuriñe izeneko kazetari gazte baten laguntzarekin. Neskaren presentziak mota guztietako sentimendu kontrajarriak eragingo dizkie biei.

Bitartean, enpresako gerentea den Iñigok iheslarien atzetik irten beharko du, bi iheslariek, jakin ez badakite ere, agiri garrantzitsu bat daramatelako beraiekin.

Gazteen ordua?

nibali.jpgUrteak joan, urteak etorri, bai txirrindularitzan, bai beste edozein kiroletan, denboraldi hasieran aurreikuspenak egin izan ohi dira. Urte bukaeran ezer gutxi asmatu dela ikusten bada ere, denok gara zaleak bere aurreikuspenak ematen, norberaren intuiziotik harutz ezer ez baldin badakigu ere. Ez noa urtean zehar izan daitezkeen izar handiei buruz ezer idaztera, denon ahotan dabiltzan Basso, Valverde, Boonen, Bettini edo Vinokouroven izenak esateak ez baitu inongo ekarpenik egiten. Ezagutuko dituzuen, baino gutxiago entzuten diren txirrindulari gazteei buruz pare bat hitz egitea nahiago nuke.

Marcus Fothen

Iaz Cunegorekin lehia gogorra izan ondoren, Tourreko gazterik onenaren maillota galdu zuen azken momentuan. Aurreko urtean Giro polita egin eta iaz Tourrean ere ondo moldatu daitekeela erakutsi du, eta urtetik urtera aurrera doala erakusten du. Erlojupekoetan habila, datozen urteetan itzuli handietan kontutan hartzen hasi beharko dugun txirrindularia.

Vincenzo Nibali

Asko espero dut txirrindulari italiar honengandik. Klasiko batzuetan, itzuli txikietan eta itzuli haundietan ondo ibiltzeko ahalmena duela iruditzen zait. Debuta Fassa Bortolon egin ondoren, Liquigasen dago, eta aurtengo hau bere gorakadarena izan daiteke. Oso gustuko dudan txirrindularia, indar pixkat duen bakoitzean aurrean dagoela esateko bere burua agertzen duen horietakoa. Continue reading “Gazteen ordua?”

Belodromo festa berriro larunbatean

Azken bi urteetan, belodromoaren egoera zela medio, ospatu ez den festa berriro hemen dugu. Noski, Euskadiko 6 Orduei buruz ari natzaizue.

risi-marvulli.jpgGiro zeharo polita lortzen duen festa dugu berau, ziurrenik hemen dugun txirrindularitzarekiko dugun zaletasunaren islada. Urtean behin bakarrik izatea ere arrazoi bat gehiago izan liteke horretarako.

Ekitaldi bakoitzean momentuko pista zalerik onenak izaten ditugu bertan, bertako txirrindulari apalago batzuekin osatzen delarik partehartzaileen zerrenda. Denen ahotan dabilen bikotea Risi eta Marvulli suitzarrek osatutakoa da, ez nituzke hala ere hemen hainbeste alditan lan bikaina egin duen Villa eta bere lagun Keissek osatzen duten bikotea. Euskaldunen artean azken ekitaldian podiuma lortu zuen Astarloza izan daiteke hobekien ibili daitekeena, aspalditik ezagutzen baitu espezialitate hau eta izan dezakeen bikote onenetarikoa jarri diotelako. Sprintetarako abiadura pixkat falta zaio bikote honi, beraz, hauen lana besteei itzuliak hartu eta ihesaldi txikiekin puntuak lortzea izango da, ez baitute batere erraza izango sprint garbietan punturik lortzea.

Ezagutzen ez duenarentzat, benetan gomendagarria larunbat arratsalderako plan hau egitea. Txirrindularitza oso zalea ez den jende pilo bat izaten da bertan eta ez dut uste nik inor aspertzen denik. Gainera, txirrindularitza probetaz gain beste hainbat ekitaldi izaten dira bertan: bertsolariak, harrijasotzaileak, musika pixka bat, trial erakustaldiak… gerturatu zaitezte belodromora eta bizi bertan izaten den giro paregabea. Errepikatzeko gogoz geratuko zarete.